Magnus Nerheim gav heimlandet leiinga i seriepremieren, men eit uhell før pause gav utlikning. Ballen gjekk under keeper og til ein sunndaling. Elling Olafsen var nære 2-0 på ein lobb i tverrliggaren. Kampen vart avgjort på eitt minutt midtvegs i andre omgang. Først på eit fint skot etter innlegg, så 1-3 på ei klarering frå keeper rett til ein Sunndal-spelar. Begge lag hadde store sjansar til fleire mål, men det ebba ut på 1-3. Uansett mykje bra og målvakt Gabrielsen hadde fleire gode redningar som retta opp litt. Konklusjon: Tap mot eit betre lag, men sjansar nok til poeng. Jardar Sylte, son av André, debuterte då han kom inn på slutten. Tomrefjord heime er neste kamp. Meir laurdag, inkludert video og bildegalleri SJÅ BILDEGALLERI FRÅ KAMPEN HER
Kampen starta med at Sunndal hadde ballen mest utan å skape dei heilt store sjansane. Det var derfor mot spelets gang at Vestnes Varfjell tok leiinga. Magnus Nerheim var spelt igjennom og avslutninga vart sett til sides for keeper og i mål til 1-0. Elling Olafsen, lagets nye kaptein, lvar nære 2-0, men lobben gjekk i tverrliggaren.
Då omgangen såg ut til å ende 1-0, kom baklengsmålet på uheldig vis. Gabrielsen såg ut til å ha kontroll,men ballen gjekk under han og til ein Sunndal-spelar som enkelt kunne utlikne.
Andre omgang starta som den første, med eit Sunndal-overtak og etter eit kvarter sat ballen i mål etter eit fint innlegg. Avspark var knapt tatt før Varfjell-forsvaret og keeper rota det til og Sunndal fekk servert 3-1 på eit sølvfat. Veldig synd for slik kampen utvikla seg såg eit heimepoeng meir og meir sannsynleg ut.
Sjølv om Sunndal hadde det meste av banespelet, var det jamnare i sjansestatistikken:
Etter 60 minutt fekk Sunndal-keeperen såvidt ein fot på eit skot frå Svein Erik Lange Male etter ein corner, Elling Olafsen fekk sitt skot blokkert til corner, medan Amund Stavem var aleine med keeper etter 71 minutt.
Den offensive satsinga for å ta att 1-3, gav Sunndal store rom i andre enden av bana. Offsideflagget og ein god Gabrielsen i Varfjell-målet hindra fleire baklengs.
Kampfakta:
Vestnes Varfjell - Sunndal 1-3 (1-1)
4. divisjon Nordmøre/Romsdal
Fredag 15. april 2016 kl 19
Vestnes idrettspark, 65 tilskuarar
Mål:
1-0 (17) Magnus Nerheim
1-1 (42) E F Fredriksen
1-2 (61) V Ledal
1-3 (62) Eirik Ruud Ramsli
Dommar; Anders Husøy,Kjelsås
Gult kort: Azim Ahmadi (58, sparka bort ballen)
Vestnes Varfjell (4-3-3): Adrian Gabrielsen; Sander Valde, Svein Erik Lange Male, Yngve Solevågseide, Adrian Liabø (Karl-Edvard Bredeli 75.) - Magnus Nerheim, Vegard Ellingseter, Sivert Nerheim - Amund Stavem, Elling Olafsen (Jardar Sylte 89.), Azim Ahmadi (Juan Larsen 66.)
