Den nye Vestnes Varfjell-sangen er ferdig og blir framført for første gong på utestaden Smiå på Helland laurdag. - Det er ein "shouter", med taktfast klapping til. Det fungerte godt då me øvde på måndag, seier tekstforfattar Johan Hjelvik (bildet) til varfjell.no. Melodien er laga av Magne Steinsvoll.
Urframføringa skjer i samband med at gruppa Beerbellies skal spele på Smiå.
Sangen har tittelen "Vestnes Varfjell-sangen, kampsang for Hegreberget". Teksta blir delt ut laurdag, slik at det skal vere mogleg å synge med.
Tekst, lydopptak og forhåpentlegvis videoopptak av urframføringa blir lagt ut her på varfjell.no etter kvart. Alle som kan blir oppmoda til å få med seg urframføringa og synge med.
