Her skal hallen ligge.
Idrettslaget har i første omgang vendt seg til kommunen for å få klarlagt den aktuelle tomta, som ligg i det sørvestre hjørnet av idrettsparken.
Budstikka har også snakka med ordførar Knut Flølo, som meiner planane er spennande og framtidsretta.
Klubbleiar Kai Magne Stokkeland har vore og sett på Akerhallen i Molde, og håpar å få til noko liknande på Vestnes.
- Treningskapasiteten i idrettshallen er sprengt og det samme for idrettshallen i Tomrefjord. Med ein ny treningshall - for i hovedsak fotball - har vi løyst fremtidige problemer for vintertrening, seier Stokkeland og ramsar opp ei rekke andre moglege bruksområder:
-
17.-maiarrangement (Vestnes idrettshall er for liten, spesielt ved dårlig vær)
-
Utstillingar
-
Dansearrangement
-
60 meter løpebane - friidrettsarrangement
-
Konseraer (teleskoptribuner og scene)
-
Innendørsturneringar i fotball/kretssamlingar fotball
Brevet til kommunen:
Prosjektering av fleirbruksbygg vest for Vestnes Idrettspark
Styret i Vestnes Varfjell IL ynskjer å starte ein prosess der ein ser på muligheten for å plassere eit fleirbruksbygg og treningshall vest for Vestnes Idrettspark i Helland. Vedlagte skisse viser området som vi kan tenkje oss vert plassering for dette bygget som i ulike byggetrinn kan bli ein framtidig møteplass for born, unge og vaksne. Ved større arrangement vil området sør for kunstgrasbane (planlagt isbane) verte nytta til parkeringsareal. Dagens klubbhus plassering vert også erstatta av oppstillingsplassar for bilar i tilknytning til ei seinare og framtidig utbygging av området mellom idrettsparken og E39. Vi ynskjer med dette at det faste planutvalget i Vestnes til neste møte tek denne forespørselen til behandling slik at dette området som i kommuneplanrevisjonen 2006 er tiltenkt idrettsformål kan vidare realitetsbehandlast ihht VVIL sine vedtekter.
Vestnes, 6. mars 2007
Vestnes Varfjell IL
Kai M Stokkeland/s/
leiar
