Grunnarbeid for ny kunstgrasbane

Arbeidet med ei ny kunstgrasbane i Vestnes idrettspark har komme eit steg vidare. Entreprenørfirmaet som også gjorde grunnarbeidet for hovudbana har no inne eit tilbod om å legge til rette for å legge kunstgras på området der det først var planlagt kunstisbane.

Ifølge Bygdebladet har Tomra Maskin levert eit tilbod til Vestnes kommune om ombygging frå isbane til kunstgras. Denne delen av utbygginga vil koste 170.000 kroner. Det er Vestnes kommune som står som utbyggar i idrettsparken. På den måten sparer idrettslaget momskostnader.

Den nye bana, som blir ei 7-arbane, blir liggande bak det søndre målet, mellom hovudbana og Hellandheimenbana. Det er vidare planar om å sette opp ein treningshall over bana.