Klokka 16 laurdag, nokre timar etter at Søblomsten er sjøsett på Helland, er det klart for seriestart i 5. divisjon Nordmøre og Romsdal. Vestnes Varfjell tek imot samarbeidslaget Kårvåg/ Havørn/ Averøykameratene 2. Møt opp og støtt laget i kampen om årets første poeng!
Laget har mål om å kjempe i teten og opprykk tilbake til 4. divisjon. Fleire lag er venta å vere med i kampen om den eine opprykksplassen, der Batnfjord, Molde 3, Malmefjorden og Bud/Bryn blir nemt blant annet i podkasten Opp med praten i avisa Driva.
Vestnes Varfjell har i oppkøyringa spelt fire treningskampar og ein NM-kamp:
Åndalsnes - Vestnes Varfjell 3-2
Blindheim - Vestnes Varfjell 1-2
Vestnes Varfjell - Åndalsnes 3-3
Elnesvågen - Vestnes Varfjell 2-0 (NM-kvalifisering)
Vestnes Varfjell - Skåla/Langfjorden 6-1
Støtteapparatet rundt laget ser slik ut:
Hovudtrenar: Tommy Kanishi Andreassen (spelande)
Trenar: Kristian Flittie Onstad (spelande)
Fysisk trenar: Robert Lindgren
Oppmann: Jo Sigurd Vold (spelande)
Lagleiar: Lars Jørgen Skjegstad
Spelarstallen består av ei fin blanding av ungdom og rutine. Mange har returnert til Måndalen etter at samarbeidet med dei måtte avsluttast sidan laga no er i same divisjon. Elles held alle fram, i tillegg til seks nykommarar:
Tor-Bjarne Løvik Salte (tilbake frå Åndalsnes)
Didrik Sæter (tilbake frå Træff)
Cédrik Andreassen (tilbake frå Tomrefjord)
Casper Andreassen (ny frå Tomrefjord)
Henrik Leao Tomren (ny frå Tomrefjord)
Florian Hill (ny frå Vågstranda)
PS: Neste kamp blir også på heimebane då kampen mot Molde 3 er flytta til haustsesongen, tirsdag 18. august. Lokaloppgjeret mot Måndalen 1. mai blir neste gang Vestnes Varfjell skal i aksjon.
