Bernt Hulsker kan bli Vestnes Varfjell-spelar

Som tidlegare nemnt her på varfjell.no kan Bernt Hulsker bli å sjå i Vestnes Varfjell-drakta snart. I første rekke er det spel for Vestnes Varfjell 2 som er aktuelt, men kanskje kan han dukke opp også som ein "superspiss" i 4. divisjon? Bjørn-Vegard Løvik i VVIL 2 stadfestar overfor varfjell.no at det har vore kontakt med Hulsker. Bygdebladet skreiv om saka laurdag og her seier Hulsker dette om saka:

 

- Vi har hatt kontakt, men det er ingenting konkret på plass når det gjeld ein eventuell overgang til Vestnes Varfjell. Det kjem litt an på om det finns tid til overs. Det kan vere aktuelt med ein klubb på same nivå her i østlandsområdet. Men det hadde sjølvsagt vore moro å spele fotball igjen med kameratgjengen heime på Vestnes, seier Bernt Hulsker til avisa.

 

Han er no reporter for fredagskampane i tippeligaen på Max.

 

Bjørn-Vegard Løvik seier til avisa at det vil bli tatt kontakt med Hulsker sin siste klubb, Start, med tanke på å få til ein overgang slik at Hulsker kan spele når han er heime på Vestnes.

 

Hulsker spelte sin siste kamp for Vestnes Varfjell i 1998, men har heile tida vore klar på at han vil avslutte karriera i moderklubben.