4. divisjon: Angvik blir spelande trenar i Dahle

Jan Roger Angvik er klar som spelande hovedtrenar i Dahle, skriv klubben på sine nettsider. Han kjem frå Averøykameratene og går inn eit team saman med Svein Male og Kenneth Forland.  Angvik bøtta inn mål for klubbar som Sunndal, Eidsvåg og Træff før han vart henta av 1.-divisjonsklubben KBK. Der sleit han med å få speletid, og turen gjekk vidare til AK. No blir han altså å sjå i 4. divisjon som ein av fleire kandidatar til toppskårartittelen.