Det vart eit kort gjensyn i Varfjell-drakta for Daniel Gravdehaug. Kantspelaren vendte i vinter heim etter spel for Tomrefjord, men alt før sesongen har starta går ferda vidare til Træff. Me ønsker lykke til med spel i 3 divisjon og velkommen tilbake når det skulle bli aktuelt.
- Eg ønsker å utfordre meg sjølv på eit høgare nivå enn 4. divisjon, seier han til Træff si nettside.
Træff serieopna med seier 1-0 mot Bjørkelangen i helga og møter Surnadal i cupen onsdag.
Gravdehaug står med ein seriekamp for Vestnes Varfjell. I Tomrefjord vart det 22 mål på 57 kampar i 4. divisjon.
Han skreiv under overgangspapira med Vestnes Varfjell alt før jul, og har vore med i heile sesongoppkøyringa der han har skåra mange mål i treningskampane.
- Det er sjølvsagt uheldig å miste ein så god spelar rett før seriestart, seier Varfjell-trenar Alexander Connor.
