(Vestnes Varfjell - Åndalsnes 1-2) Vestnes Varfjell avslutta sommarpausen med treningskamp som oppkøyring til haustsesongen. Åndalsnes frå divisjonen over var gjestar i Vestnes idrettspark laurdag. Leo Krogseth sendte heimelaget i føringa, men gjestane kom sterkt tilbake og avgjorde med ei sein skåring.
Første omgang var sjansefattig. Åndalsnes hadde nok flest angrep, men målvakt Egil Dalhaug plukka lett det som kom. Leo Krogseth stod for omgangens prestasjon då han mottok eit innlegg frå Didrik Sæter og avslutta med eit velplassert skot like før pause.
Andre omgang vart ikkje like intensiv og prega av mange bytte slik treningskampar pleier å vere. Heimelaget heldt greit unna til ÅIF fekk frispark på mitbanen, ballen vart lagt inn i feltet til ein umarkert åndalsnesing som kunne sette inn utlikinga. Knut Stian Eik hadde sjansen til å svare, men skaut utanfor frå kloss hald.
Gjestane hadde eit trykk mot slutten og til slutt greide ikkje heimelaget å rydde unna og det sto 1-2 etter ei avslutning frå kloss hald.
Uansatt ei god gjennomkøyring mot motstand frå 4. divisjon ei dryg veke før haustsesongen i 5. divisjon startar opp att med den utsatte bortekampen mot Molde 3 tirsdag 18. august.
KAMPFAKTA
Vestnes Varfjell - Åndalsnes 1-2 (1-0)
Treningskamp, laurdag 8. august 2026 kl 15
Vestnes idrettspark, 75 tilskuarar
Mål:
1-0 (40) Leo Krogseth
1-1 (63) Emil Nyheim
1-2 (90) Edvin da Silva Sæther
Dommar:
Gult kort: 2 til begge lag
Vestnes Varfjell (4-3-3): Egil Dalhaug (K): Torstein Væge Nekstad, Ørjan Tangen (Jo Sigurd Vold 71.), Svein Erik Lange Male (Håkon Kjlrvik 46.), Magnus Nerheim (Knut Stian Eik 46.)- Didrik Sæter (Andreas Hole 78.), Sverre Lindset (William Hjelvik 81.). Tor-Bjarne Løvik Salte -- Casper Andreassen (Florian Hill 43.), William Hjelvik (Henrik Tomren 57.), Leo Krogseth
