Vestnes Varfjell-trenar Alexander Connor får ei ekstra utfordring når han skal sette saman laget til kampen mot Sunndal i kveld. Han må nemleg klare seg utan sitt faste midtstopparpar.
Bjørn-Vegard
Løvik sparer kreftene til han skal gifte seg laurdag, medan
Anders-Jørn Neraas er usikker på grunn av arbeid. I
dei to siste kampane har Nirut Mjøs vikariert på
midstopparplass. Han spelte saman med Løvik mot Molde 2 og
med Neraas mot Rival. Yngve Solevågseide og Alexander Connor
er dei andre som har vore innom midtstopparplassen i løpet
av sesongen.
Vestnes Varfjell har eit 0-6-tap å hemne frå
vårsesongen. Sunndal er serieleiar på betre
målforskjell enn Træff. Laget er i ferd med å
miste spissen Torgeir Hoås. Den tidlegare Molde- og
Sogndal-spelaren er aktuell for både Kongsvinger og
Dræbøk/Frogn, skriv Sunndal på sine nettsider.
Sunndal har jakta på Surnadal-kaptein Jostein Kvendset i
soommar, men han har takka nei til ein overgang. Les meir
på Sunndal-sidene >>
