Karl Arne Stokkeland vart tremålsskårar, men det heldt ikkje til poeng då Vestnes Varfjell tapte 3-5 borte mot Midsund i 4. divisjon fredag. Heimelaget var i leiinga 3-1 ved pause. Då hadde Vestnes Varfjell brent eit straffespark etter eit kvarter på stillinga 0-0. Karl Arne Stokkeland vart dratt ned i feltet, men kaptein Thomas André Brastad greidde ikkje å lure Midsund-målvakta. I staden gjekk heimelaget opp i 1-0 i neste angrep, og auka to gongar til før Stokkeland heada inn ei redusering. Midsund fekk skåre to gongar til etter pause. Vestnes Varfjell reduserte to gongar mot slutten, begge etter frispark frå Stokkeland, men det var for seint. Vestnes Varfjell-trenar Alexander Connor var skuffa over at det ikkje vart poeng med heim. - Dette var ein kamp me burde ha vunne, men dessverre slepp me inn altfor mange lette mål. Det er nestan ikkje til å fatte at me taper 5-3 i ein kamp der me har ballen mest og flest store sjansar, seier Connor til varfjell.no. Les meir og sjå kampfakta under:
Han mangla matchvinnar Elling Olafsen frå kampen mot Frei, men Amund Stavem viste igjen at han blir eit viktig angrepsvåpen. - Han var vår best i kveld saman med tremålsskårar Kalle Stokkeland. Også positiv kamp frå start for Adrian Liabø, seier Connor.
No ventar ny tøff bortekamp mot topptippa Surnadal onsdag før 1. mai.
- Det skal bli spanande å sjå korleis vårt unge mannskap greier seg i ein slik kamp.
Kampfakta:
Midsund–Vestnes Varfjell 5–3 (3-1)
Seriekamp 4. divisjon Nordmøre/Romsdal
Fredag 25. april 2014 kl 19
Midsund stadion (gras)
Mål:
1–0 (18) Simen Tangen
2–0 (35) Sander Orset
3–0 (36) Tangen
3–1 (39) Karl Arne Stokkeland
4–1 (47) Joakim Stormyr
5–1 (84) Øyvind Gangstad
5–2 (89) Stokkeland
5–3 (92) Stokkeland
Dommar: Rolf Erik Hjelvik Pedersen, Åndalsnes.
Gult kort: Thomas André Brastad og Nirut Mjøs
Vestnes Varfjell (4-3-3): Adrian Gabrielsen; Ørjan Tangen, Thomas André Brastad (k), Nirut Mjøs, Magnus Nerheim - Karl Arne Stokkeland, Yngve Solevågseide (Svein Erik Lange Male 65.), Sivert Nerheim - Adrian Liabø (Karl Edvard Bredeli 60.), Amund Stavem, Ole Gunnar Kjærstad (Jørgen Hovde 70.)
