Det har vore snikra godt i Vestnes idrettspark i det siste. I fjor kunne A-laget ta i bruk nye garderober, og no har dei fått ei solid oppgradering i form av båsar med draktnummer for kvar spelar. Alt er gjort i mørkeblått og kvitt med klubblogoen godt synleg. Arkitektane bak det heile er oppmann Frode Lien og trenar Alexander Connor med litt assistande frå klubbleiar Joar Kirkeslett.
