Molde 2, som Vestnes Varfjell skal møte i første seriekamp, spelte 2-2 mot 2.-divisjonslaget Kristiansund BK tirsdag kveld. Stiller MFK 2 like sterkt lag i seriepremieren, skal Vestnes Varfjell få bryne seg på kunstgraset i Molde måndag 23. april.
MFK 2 har variert i treningskampane, og til tider stilt reint juniorlag. Mot KBK var laget "toppa" med mange frå A-stallen. Fleire av dei som var på benken i 1. divisjon mot Sogndal kvelden før, spelte. MFK 2 stilte med mellom andre målvakt Lars Ivar Moldskred, Tommy Eide Møster, Petter Christian Singsaas, Aksel Berget Skjølsvik, Marel Baldvinsson og Rune Ertsås.
