Nakken klar, gjestespelarar på trening

Frank Nakken (21) skreiv måndag som venta under papira som gjer han til Vetnes Varfjell-spelar. Fiksdal/Rekdal-spissen har i første omgang teikna ein eittårskontrakt. Frå før har Thomas André Brastad frå Tomrefjord meldt overgang til dei marineblå, medan Jørgen Gravdehaug, Tomrefjord og Vegard Ellingseter, MFK, trente med klubben i går.

Begge dei to er aktuelle for ein overgang, opplyser sportsleg leiar Geir Åge Sylte til varfjell.no.

Både han og trenar Alexander Connor er glade for å ha sikra seg signaturen til Frank Nakken som skåra 21 mål i 5. divisjon i fjor på eit lag som låg langt nede på tabellen.

Dette blir andre gong i karriera at Frank Nakken spelar for Vestnes Varfjell. Han rakk å skåre fire mål på fem kampar då han var utleigd frå MFK hausten 2003.