Midtstoppar håpar på kort skadeavbrekk

Vestnes Varfjell-midtstoppar Svein Erik Lange Male skada seg i heimekampen mot Dahle for to veker sidan og måtte stå på sidelinja og sjå lagkameratane tape 3-6 mot Tingvoll sist. Også stopparkollega Jo Sigurd Vold mangla i lagoppstillinga grunna HV-øving. Male hinka rundt på krykker, men skal ikkje ha pådratt seg brot. Han er optimist med tanke på å gjere skadeavbrekket kortast muleg og håpar å vere aktuell att alt til fredagens kamp mot Midsund heime i Vestnes idrettspark.