Blir det opprykksjubel eller fortviling og ny sesong i 5. divisjon? Laurdag skal det heile avgjerast. Vestnes Varfjell og Bud/Bryn står heilt likt med 46 poeng før siste kamp, berre eit plussmål skil i favør laget frå Hustadvika.
Vestnes Varfjell har også skåra sju mål mindre, slik at dei i praksis må vinne med to mål meir enn konkurrenten.
Begge lag har heimekamp: Vestnes Varfjell møter Malmefjorden, som ligg på 4. plass. Bud/Bryn tek imot svakare plasserte Kårvåg/Havørn/Averøykameratene i deira siste kamp før det neste år blir full fusjon til Averøy FK. Verdt å merke seg er at Averøykameratene spelar kamp i 4. divisjon samtidig laurdag.
Uansett: Ikkje noko er avgjort, så her gjeld det å mobilisere. Møt opp og støtt laget i årets siste og avgjerande kamp! Avspark i Vestnes idrettspark er klokka 14.
Slik ser tabellen ut før siste serierunde i 5. divisjon Nordmøre og Romsdal:
| Lag | K | V | U | T | Mål | Diff | P | |
|---|---|---|---|---|---|---|---|---|
| 1 | Bud/Bryn | 17 | 15 | 1 | 1 | 65 - 21 | 44 | 46 |
| 2 | Vestnes Varfjell | 17 | 15 | 1 | 1 | 58 - 15 | 43 | 46 |
| 3 | Batnfjord | 17 | 11 | 3 | 3 | 55 - 27 | 28 | 36 |
| 4 | Malmefjorden | 17 | 10 | 1 | 6 | 55 - 32 | 23 | 31 |
| 5 | Molde 3 | 17 | 8 | 2 | 7 | 52 - 32 | 20 | 26 |
| 6 | Hjelset-Kleive | 17 | 6 | 1 | 10 | 23 - 39 | −16 | 19 |
| 7 | Kårvåg/Havørn/AK | 17 | 5 | 1 | 11 | 29 - 64 | −35 | 16 |
| 8 | Måndalen | 17 | 4 | 2 | 11 | 24 - 48 | −24 | 14 |
| 9 | Nordlandet/Frei | 17 | 3 | 0 | 14 | 23 - 59 | −36 | 9 |
| 10 | Dahle 2 | 17 | 2 | 0 | 15 | 24 - 71 | −47 | 6 |
