Juniorsamarbeid med Tomrefjord

Vestnes Varfjell hadde suksess med juniorlaget sitt i førre sesong, og også i år får spelarar i aldersgruppa 16-19 år eit slikt tilbod. Denne gongen blir det samarbeid med nabo Tomrefjord om G19-lag, slik det også var for nokre år sidan. Det er Tomrefjord IL som skal administrere laget som får Tomrefjord stadion som heimebane. Fotballkretsen har sett opp terminliste for juniorserien og TIL/VVIL opnar heime mot Træff 7-arlag. Sjå heile oppsettet her. Kretsen har også fordelt laga i 6. divisjon. Det blir ikkje stilt noko VVIL 2 i år heller, men ein del gamle kjenningar blir å sjå på Fiksdal/Rekdal som er eitt av ti lag i avdelinga som omfattar gamle Romsdal fotballkrets. På Nordmøre er det påmeldt ni lag, deriblant ein nykommar i form av Ertvågøya frå Aure kommune.