Connor: - Vil kjempe om opprykk

Bygdebladet presenterer fotballaga i sitt dekningsområde før seriestart og har i dag omtale av Vestnes Varfjell. Spelande trenar Alexander Connor seier målet er å kjempe om opprykk tilbake til 3. divisjon. - Eg veit ikkje sikkert kor dei andre laga i divisjonen står, men vi burde ha gode nok spelarar til å vere med i toppen, seier Connor og legg til dette om årets stall:

 

- Vi har ein ganske stor spelarstall med god rekruttering, og juniorspelarane Magnus Nerheim, Sander Valde, Christian Leikarnes og Kristoffer Presthus har vist gode takter i treningskampane.

Vegard Ellingseter har gått til Fiksdal/Rekdal, medan keeper Marius Sivertsen ikkje har vore med til no i vinter. Bjørn-Vegard Løvik fekk derimot sitt første innhopp for sesongen i kampen mot Åndalsnes sist.

Snøen har gjort treningstilhøva vanskelege i vinter, men Connor seier laget skal vere godt budd til sesongen.