Vestnes Varfjell starta sesongen i 4. divisjon med å vinne 2-1 mot Frei heime i Vestnes idrettspark tirsdag kveld. Heimelaget opna best i ein sjansefatting førsteomgang, der gjestane tok leiinga rett før pause ved Rune Flatsetøy. Amund Stavem ulikna like etter kvilen på eit skot frå kloss hald etter at keeper hadde gitt retur på eit skot frå Elling Olfasen. Dei to var også sentrale då kampen vart avgjort eter 73 minutt. Stavem la inn til Olafsen som sette ballen kontant i krysset. Frei hadde sjansar til å utlikne, men heimelaget heldt stand takka vere ein god Adrian Gabrielsen i målet. Dermed kunne pubilkum på rundt 55 i vårsola juble for tre kjærkomne poeng. SJÅ BILDEGALLERI FRÅ KAMPEN HER | KAMPFAKTA | VIDEOAR I VARFJELL-TV | FREI OM KAMPEN
Vestnes Varfjell hadde eit lite initiativ i starten av kampen, men kom berre til halvsjansar. Frei var farleg på kontringar og tok leiinga då Rune Flatsetøy plutseleg kom aleine fem minutt før pause.
Vestnes Varfjell var raskt ute av garderoben etter pause for å vise at dei kan betre enn det som vart vist før pause. Det tok berre fem minutt før ballen sat i nota. Elling Olafsen dribla seg fri og skaut på keeper, Amund Stavem plukka opp returen og utlikna til 1-1.
Frei hadde eit par store sjanar til å ta tilbake leiinga, men vart nekta av ein god Adrian Gabrielsen i Vestnes Varfjell-målet. I andre enden var det no Vestnes Varfjell som var farlegast på kontringar og kampens høgdepunkt kom kvarteret før slutt. Amund Stavem raida ned langs venstrekanten, innlegget var tima perfekt til spisskollega Elling Olafsen som sette ballen kontant i mål heilt oppe i krysset.
Frei sette heimelaget under press mot slutten, men Vestnes Varfjell-forsvaret anført av kaptein for året, Thomas André Brastad, heldt unna.
Dei tre poenga var viktigast i kveld, forhåpentlegvis kjem prestasjonane etter kvart. Det har vore mykje fokus på spelarar som har forsvunne, men det bør vere meir enn nok kvalitet i dette laget til å hevde seg greit i 4. divisjon.
Neste kamp er mot Midsund borte alt fredag.
