Oppdatering: Det er no klart at det blir kamp mot NTNUI på trondheimsturen, laurdag 12. mars. Kampen blir spelt på Salmarbanen på Lerkendal. NTNUI er laget til Liam Connor, son av vår eigen trenar. Studentidrettslaget har fleire lag og rykka ned frå 3. til 4. divisjon med førstelaget sitt i fjor.

 

Vestnes Varfjell skal etter plana spele åtte treningskampar før alvoret startar i årets 4. divisjon. Laget skal på treningshelg til Trondheim 11.-13. mars, der det er avtalt treningskamp på vegen nordover mot KIL/Hemne i den nye Sodvinhallen. Hallen på Kyrksæterøra er den største i Norge i sitt slag. I tillegg er det meininga å spele ein kamp i Trondheim i løpet av helga, men her er ikkje motstandar klar enno, opplyser oppmann Frode Lien til varfjell.no. Første treningskamp blir heime mot Åndalsnes 10. februar, generalprøven blir borte mot SIF/Hessa 8. april. KIL/Hemne, som har fostra stjerner som Vegard Forren og Pål André Helland, blir eit heilt nytt bekjentskap. SIF/Hessa har me heller aldri møtt før, i alle fall ikkje i noverande form som ei samanslåing av Skarbøvik og Hessa. Elles blir det mykje treningsmotstand frå Sunnmøre som vanleg. Alle laga me skal møte i oppkøyringa spelar i 4. divisjon med unntak av Elnesvågen, som er mellom opprykksfavorittane i 5. divisjon. Det blir jobba med å få til ein kamp 4. mars på heimebane, men her er ikkje motstandar spikra enno. Slik ser oversikten over avtalte treningskampar ut:

10. februar: Ã…ndalsnes (h)

24. februar: Elnesvågen (h)

4. mars: Motstandar ikkje klar (h)

11.-13. mars, treningshelg i Trondheim:

11. mars: KIL/Hemne (b)

12. mars: NTNUI (b)

24. mars: Blindheim (b)

30. mars: Norborg/Brattvåg 2 (h)

8. april: SIF/Hessa (b)