Banner

Sesongmeny

Forrige kamp
Bane: Vestnes Idrettspark fre., 01. jul. 2022 19:00
Vestnes Varfjell
Varfjell
3-1 Midsund
Midsund

Bane: Syltøran stadion laur., 25. jun. 2022 14:00
Surnadal
Surnad.
2-1 Vestnes Varfjell
Varfjell

Tabellen

4. divisjon Nordmøre/Romsdal 2022

# Team K Mål P
1 Surnad. 10 12 25
2 Sunndal 11 12 24
3 KBK 2 11 26 23
4 Dahle 11 10 20
5 Tomref 10 6 19
6 Eide 11 -5 16
7 Træff2 11 4 13
8 Varfjell 11 0 11
9 Midsund 11 -19 10
10 ÅIF 11 -3 9
11 Malmefj. 11 -25 9
12 KFK 11 -18 7

varfjell.no spør

Korleis går det i sesongen?
 
Svak førsteomgang øydela alt PDF Skriv ut E-post
Skrive av nettredaksjonen   
fredag 23. mai 2014 21:32

Vestnes Varfjell gjekk på sitt første poengtap på heimebane denne sesongen då laget tapte 2-4 mot Dahle fredag. Kampen var i realiteten avgjort til pause etter at gjestane svært lett fekk skåre tre gongar i første omgang. Vestnes Varfjell skjerpa seg etter pause, og fekk ei tidleg redusering ved Amund Stavem. Men Dahle skåra igjen ved Angvik, og då hjalp det lite at Elling Olfasen reduserte til 2-4 ti minutt før slutt. VIDEOAR AV SKÅRINGANE I VARFJELL-TV | BILDEGALLERI | DAHLE OM KAMPEN

 

 

 

Vestnes Varfjell hadde eit lite overtak frå start, og Amund Stavem hadde eit godt skotforsøk alt etter tre minutt, men det hamna rett på keeper. Same mann vart felt på 16.meterstreken etter eit kvarter, frisparket nådde Azim Ahmadi, men det vart berre nesten.

 

 

View Video

I staden kom Dahle sterkt tilbake og kunne gå opp i leiinga då spelande trenar Jan Roger Angvik lurte seg fri og heada i mål på ein corner etter 20 minutt. Kvarteret etter lobba Kenneth Larsen inn 2-0. Ein utrusande Adrian Gabrielsen i Varfjell-målet forsøkte å nå ballen, men kolliderte med midtstoppar Svein Erik Lange Male. Som om ikkje det var nok: Sju minutt før pause fekk same Larsen stå umarkert i feltet og skyte inn 3-0. Dahle vann duellane i siste halvdel av omgangen og gjekk til pause med komfortbel leiing.

Vestnes Varfjell kom på banen for å snu kampen etter pause og fekk uttelling då Karl Arne Stokkeland fann Amund Stavem som runda keeper til 1-3.  I staden for ny redusering avgjorde Angvik i realiteten kampen med eit skot frå skrått hald. Elling Olafsen skapte litt spenning ti minutt før slutt då han sette inn ein retur etter at Stavem først hadde skote på keeper.

 

Vestnes Varfjell har berre eitt lag bak seg på tabellen når seks kampar er spelt. Laget slepp inn veldig mange lette mål, og spelar utan sjøltillit. Men det er mange lag på omtrent same nivå i denne divisjonen, og det bør absolutt vere muleg å kapre nok poeng til å klatre bort frå nedrykksplass. Neste kamp er borte mot CFK/KBK 3.

 

KAMPFAKTA

Vestnes Varfjell - Dahle 2-4 (0-3)

4. divisjon Nordmøre/Romsdal

Fredag 23. mai 2014 kl 19

Vestnes idrettspark, 35 tilskuarar

Mål
0-1 (20) Jan Roger Angvik

0-2 (34) Kenneth Larsen

0-3 (38) Larsen

1-3 (58) Amund Stavem

1-4 (74) Angvik

2-4 (80) Elling Olafsen

Dommar: Modolf Holm, Isfjorden

Gult kort: Thomas André Brastad, Vestnes Varfjell

Vestnes Varfjell (4-3-3): Adrian Gabrielsen: Ørjan Tangen (Justin Sætre 90.), Svein Erik Lange Male, Thomas André Brastad, Magnus Nerheim - Yngve Solevågseide, Karl Arne Stokkeland, Sivert Nerheim (Alexander Connor 64.) - Amund Stavem, Elling Olafsen, Azim Ahmadi

 

Sist oppdatert fredag 23. mai 2014 23:57