Vestnes Varfjell møter KBK 2 borte fredag klokka 19. VarfjellTV har tatt turen til nordmørsbyen og fotograf Asbjørn Vik har planar om å sende kampen frå Kristiansund stadion live via Youtube. DU KAN SJÅ KAMPEN HER

Vestnes Varfjell gjekk til pause med 2-1-leiing, men rakna mot slutten av andre omgang og tapte 2-4 mot Dahle fredag. Tommy Kanishi og Amund Stavem på straffe var målskårarar.

Sjå heile kampen i opptak på VarfjellTV

Bildegalleri frå kampen her

Dahle kom seint til Vestnes grunna lange fergekøer i Molde grunna pinse og Mark Knopfler-konsert i Ålesund, noko som utsette kampstart med ti minutt.  Det hindra ikkje kristiansunderane, som har gjort det bra etter opprykket, å komme best i gang. John Karlsen fekk gå og avslutta med eit skot ved stolpen alt etter fem minutt. Varfjell kom seg etter dette og etter 20 minutt utlikna Amund Stavem på straffespark etter at han sjølv vart felt. Like etter hadde Tommy Kanishi igjen ballen i nota, men då hadde dommaren alt dømt for eit frispark til Varfjell på midtbanen. Kaptein Kanishi skapte problem for Dahle-forsvaret med den gamle svenske keeperkjempa Conny Månsson i spissen. Først var han igjennom og skaut utanfor, før den sat forbi keeper etter at Månsson var parkert. I andre enden hindra ei redning på strek frå ein god Svein Erik Lange Male at Dahle skåra igjen. Men det var heimelaget som hadde dei fleste sjansane i ein sjanserik førsteomgang. Dahle-keeperen hindra 3-1 med to redningar etterkvarandre etter forsøk frå Stavem og Vegard Elliingseter, medan Magnus Nerheim burde å ha greid å styre ballen lavare frå 16 meter då Kanishi la alt til rette.

Dahle styrte meir av banespelet etter pause, og Fredrik Bergslid måtte i aksjon for å hindre utlkning i starten. Så hadde heimelaget eit par gode forsøk til å auke leiinga, men Juan Rikard Larsen greide ikkje å få til ei skikkeleg avslutning då han kom aleine og Stavem vart akkurat for seint på innlegget etter at Kanishi hadde drilla rundt med Dahle-forsvaret.

Dahle hadde ei frisk angrepsrekke med teknisk gode spelarar som etter kvart greide å plage Varfjell-forsvaret til å gjere feil. Marius Neergaard reiv til seg ballen innanfor 16-meteren og greide å skåre frå død vinkel då ballen sneik seg inn mellom Bergslid og stolpen til 2-2 etter ein halvtime. Som om ikkje det var nok; Dahle hadde ein lobb i tverrliggar og ned før Adrian Lyse smatt imellom to Varfjell-forsvarar og sendte bortelaget i leiinga med ti minutt att å spele. Minuttet etter fekk Johan Grønset draumetreff frå 20 meter og ballen fauk inn oppe i krysset. Varfjell greide aldri å svare på dette, men Håkon Kjørvik var nærme ei redusering på eit skot som strauk krysset.

Serieleiar KBK 2 borte er neste kamp for eit Varfjell-lag som svingar for mykje i prestasjonane til å henge med heilt i toppen. Laget er også noko plaga med skader. Fredag var Nirut Mjøs ute med strekk og Liam Connor måtte gje seg tidleg etter å ha slått opp skaden som har plaga han sidan Tomrefjord-kampen i fjor haust. Vegar Skare var ute grunna jobb. På sidelinja er også dei siste års toppskårar Elling Olafsen, han reknar ikkje med å vere på banen igjen denne sesongen.

KAMPFAKTA

Vestnes Varfjell - Dahle 2-3 (2-1)

Vestnes idrettspark, 65 tilskuarar

Fredag 7. juni 2019 kl 19.10

MÃ¥l:

0-1 (6) Karlsen

1-1 (20)  Amund Stavem, straffespark

2-1 (26) Tommy Kanishi Andressen

2-2 (73) Marius Neergaard

2-3 (79) Adrian Lysø

2-4 (85) Johan Grønset

Dommar: Per Iver Skrøvset, Bøfjord

Gult kort: Vegard Ellingseter (24) og Elias Vangen, Dahle (44)

Vestnes Varfjell (4-3-3): Fredrik Bergslid; Håkon Kjørvik, Liam Connor (Adrian Liabø 21.), Magnus Nerheim - Amund Stavem, Ørjan Tangen, Vegard Ellingseter - Knut Stian Eik (Jarle Løvik Salte 68.), Tommy Kanishi Andreassen, Juan Rikard Larsen

 

Ny heimekamp i 4. divisjon fredag kveld når Dahle kjem på besøk. Det nyopprykka laget frå Kristiansund har starta sesongen bra og ligg på plassen framom Vestnes Varfjell på betre målforskjell. Gultrøyene har den tidlegare toppkeeperen Conny Månsson på laget, men no som midtstoppar. Dahle var i aksjon også tidlegare i veka då andreomgangen av kampen som vart stoppa av snø vart spelt. Det endte til slutt 2-2 mot Malmefjorden. Vestnes Varfjell kjem frå 3-0-seier borte mot AK og er nok sugne på å følge opp og samtidig rette opp for heimetapet mot Surnadal. Møt opp og støtt gutane!

Vestnes Varfjell tok ein sjeldan borteseier då laget slo AK borte for første gong på nesten 40 år fredag kveld. Mål av Magnus Nerheim, Amund Stavem og Tommy Kanishi gav seier 3-0 i ein krigekamp på ei våt grasbane. Seieren sendte laget opp på 4. plass på tabellen. Sist eit Varfjell-lag vann på Bruhagen (ikkje medrekna kampar mot AK 2) var i gamle 4. divisjon i 1980. Då var Harald Innli matchvinnar i 1-0-seieren.

NOKRE BILDE FRÃ… KAMPEN

AK har hatt ein tung start på sesongen og var tydeleg sugne på å snu trenden. Dei gjekk ut friskt i den sterke vinden, men det var likevel Tommy Kanishi som ar involvert i det som kunne blitt to store målsjansar, men greide ikkje å komme til skikkelege avslutningar. AK hadde to store sjansar rundt kvarteret då eit skot først vart blokkert over mpl før målvakt Fredrik Bergslid varta opp med god redning.

Så ville Amund Stavem vise kven som var sjefen på Bruhagen. Han sendte først i veg eit skremmeskot like utanfor, før han gjekk gjennom heile AK-forsvaret frå eigen banehalvdel. Til slutt fekk keeper og eit par forsvararar stoppa han. Så varta Bergslid opp med ei feberredning då han stoppa AKs toppskårar Christoffer Folland. 0-1 kom ti minutt før pause. Backen Magnus Nerheim kom fri på venstrekanten, han skråa inn i feltet og sette ballen forbi keeper. AK følte nok at det var eit slag i trynet etter det som hadde skjedd til då i kampen, men fem minutt seinare kunne det stått 2-0 då Kanishi kom igjennom, men lobben over keeper trefte stolpen.

Etter pause hadde Varfjell også den første store sjansen då Stavem kom aleine med keeper som redda. Juan Rikard Larsen skaut så over frå god posisjon  før Stavem endeleg lukkast. Kanishi kjempa til seg ballen på midtbana før Stavem runda keeper og sette ballen i ope mål. Like heldig var han ikkje ti minutt etter då han igjen var aleine med keeper etter pasing frå Larsen. Keeper var ute og blokkerte skotet.

AK prøvde seg med nokre langskot og hadde også mange cornerar. Ti minutt før slutt såg "alle" ballen i mål på ei heading etter ein corner, men igjen var Bergslid nede og redda. Det ville seg ikkje for heimelaget mot eit hardtkjempande Varfjell-lag og fem minutt før slutt var all spenning over då Kanishi sette ballen forbi keeper til 3-0 og borteseier.

Trenar Alexander Connor var fornøgd med det som må kallast ein skikkeleg lagseier, men er uroleg for skadesituasjonen i troppen. Liam Connor måtte ut tidleg med skaden som har plaga han sidan i fjor haust. Erstattar Nirut Mjøs og første målskårar Magnus Nerheim "kjente også på noko" og måtte gå av. Kaptein Tommy Kanishi spelte også denne gong heile kampen trass i at han er plaga med ein strekk og ikkje er 100 prosent. - Slik sett var det ein pyrrhosseier, seier Alexander Connor til varfjell.no. Neste kamp er heime mot Dahle om ei veke.

KAMPFAKTA:

Averøykameratene - Vestnes Varfjell 0-3 (0-1)

4. divisjon Nordmøre/Romsdal

Fredag 31. mai 2019 kl 197

Bruhagen stadion (gras), 40 tilskuarar

MÃ¥l:

0-1 (35) Magnus Nerheim

0-2 (62) Amund Stavem

0-3 (85) Tommy Kanishi Andressen

Dommar: Karl-Edvard Brendskag, Dahle

Ingen kort

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Liam Connor (Nirut Mjøs 28. (Knut Stian Eik 75.), Magnus Nerheim (Adrian Liabø 84.) - Vegar Skare, Vegard Ellingseter, Ørjan Tangen - Amund Stavem, Tommy Kanishi Andreassen, Juan Rikard Larsen

 

 

 

 

 

 

Vestnes Varfjell tek turen til Averøya i 4. divisjon fredag. Heimelaget AK står overraskande med berre tre poeng så langt, medan Vestnes Varfjell må reise seg etter tapet mot Surnadal sist. AK vann 6-2 i tilsvarande kam i fjor.Oversikt over tidlegare oppgjer her. Avspark på Bruhagen stadion er klokka 19. Oppdatering via Twitter.

Vestnes Varfjell 2 vann 3-1 borte mot Langfjorden/Skåla 2 Kristi himmelfartsdag. Laget kom under 0-1 på Åfarnes, men utlikna på straffe ved Jørgen Hovde. Arjan Sylte og Audun Løkke sørga for at alle poenga vart med tilbake til Vestnes. Kampfakta her. Ei fin oppreising etter 1-5-tapet i lokaloppgjeret mot Fiksdal/Rekdal/Tomrefjord 2 sist.

Årets offisiele lagbilde vart tatt før kampen mot Surnadal. Link til årets lagbilde og spelarportrett finn du her:

Surnadal fekk med seg alle tre poenga då dei gjesta Vestnes idrettspark søndag. Heimelaget greidde ikkje å få noko ut av ein kamp der laget sleit mot eit godt organisert bortelag. Vestnes Varfjell hadde eit par gode sjansar ved Amund Stavem og Tommy Kanishi tidleg i kampen, men skorta gjekk rett på Surnadal-målvakta. Etter kvart tok Surnadal litt over og skapte eit par sjansar før dei skåra på eit skot frå rundt 20 meter. Håkon Kjørvik prøvde seg med eit langskot like etterpå, men traff på utsida av stolpen.

I andre omgang starta Vestnes Varfjell best, og Stavem kom nærme med eit frispark som endte i corner. Varfjell ropte også på hands i feltet, men ingen straffe. I staden fekk laget 0-2 imot etter eit balltap der ein Surnadal-spelar kom aleine med keeper. Etter dette hadde bortelaget god kontroll sjølv om Varfjell greide å skape eit litte trykk. Kanishi, som sleit med skade gjennom kampen, kom nærme, men kom for skrått på og skotforsøka gjekk utanfor eller vart stoppa av keeper. På overtid hadde Vegar Skare ein ball i nota, men då var det alt blåst.

- Me var ovverraskande tafatte idag. Surnadal var først i alle situasjonar og me kom kom aldri skikkeleg i gang. Og då me byrja å komme litt inn i det, så skåra dei 0-2-målet dessverre, seier Alexander Connor etter kampen.

Neste kamp er borte mot Averøykameratene.

Sjå heile kampen i VarfjellTV (opptak av direktestreaming ved Asbjørn Vik).

Bildegalleri frå kampen

Trollheimsporten om kampen

KAMPFAKTA:

Vestnes Varfjell - Surnadal 0-2 (0-1)

4. divisjon Nordmøre/Romsdal, søndag 25. mai 2019 kl 14

Vestnes idrettspark, 100 tilskuarar

MÃ¥l:

0-1 (33) Stein Todalshaug

0-2 (56) Petros Simon Bokre

Dommar: Roe Vidar Lien, Malmefjorden

Ingen kort

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male (Liam Connor 86.), Ørjan Tangen, Magnus Nerheim - Amund Stavem, Nirut Mjøs, Vegar Skare - Jarle Løvik Salte (Vegard Ellingseter 46.), Tommy Kanishi Andreassen, Juan Rikard Larsen (Knut Stian Eik 60.)

Ny heimekamp i 4. divisjon når Surnadal kjem på besøk søndag. Kampen. Er flytta frå laurdag grunna konfirmasjon. Takk til Surnadal som gjekk med på dette. Begge lag står med 9 poeng i ei avdeling der alle ser ut til å kunneslå alle utanom KBK på topp. Surnadal er mellom laga som er venta å kjempe heilt i toppen, og skal det bli seier slik som i fjor, må mellom andre toppskåraren i divisjonen, Sander Smevoll, stoppast. Kampstart 14.00, møt opp og støtt laget!

Tirsdag 21.mai kl. 19.00 er det klart for et nytt lokalderby på stadion og denne gangen er det Fiks/Rek/TIL 2 som er gjester. Vanligvis er det gratis inngang på kampene i 6.divisjon, men denne gangen har VVIL valgt å bli med på innsamlingsaksjonen #KampdagMotBarnekreftsammen med andre lag i 6.divisjon etter initiativ fra Kårvåg/Havørn/Gry. Denne dagen vil vi derfor ta inngangspenger for de over 15 år, men all inntekt går uavkortet til denne meningsfulle aksjonen. Les mer om aksjonen her

Inngang kr.30,- Åpen kiosk der all inntekt går til aksjonen. Velkommen til et spennende lokaloppgjør på stadion!

Skåringar av Amund Stavem og Vegar Skare sørga for seier 2-1 i eit jamnt og innhaldsrikt lokaderby mot Tomrefjord på "fotballens nasjonaldag" 16. mai. Rundt 400 tilskuarar fekk med seg kampen i strålande mai-vær.

Vestnes Varfjell fekk ein kjempestart på kampen med skåring alt etter to minutt. Tomrefjord greide aldri å klarere etter ein corner og Amund Stavem fekk treff med venstrefoten og ballen gjekk inn ved stolperota.

Tomrefjord skaffa seg eit lite spelemessig overtak utover i omgangen, utan å skape stort meir enn nokre skotforsøk. Heimelaget var nærme 2-0 då Magnus Nerheim kom aleine, men vart hindra av Taklo i Tomrefjord-målet og heller ikkje Kanishi fekk teff på returen. 1-0 ved pause.

Tommy Kanishi kom igjennom og hadde den første store sjansen i andre omgang.Så hadde den tidlegare Varfjell-spelaren Jørgen Gravdehaug eit godt skot forsøk før Amund Stavem kom aleine med keeper utan å lukkast. Så etter 12 minutt av andre omgang dobla heimelaget leiinga. Innbyttar Vegar Skare plukka opp eit innlegg perfekt og kunne trille ballen kontrollert forbi keeper.

Tomrefjord pressa på etter dette og kun ein god Fredrik Bergslid, attendei Varfjell-målet etter skade, sto i vegen. Han fista mellom anna over eit frispark frå Simon Djupvik og var elles sikker i feltarbeidet. Så var Ken Robin Hildre på farta, men avslutninga traff på undersida av tverrliggaren. Reduseringa kom i det 80. minutt; eit innlegg på bakre stolpe vart kjempa i mål via ein eller annan kroppsdel tilhøyrande Erlend Søberg. No hadde Tiomrefjord fått blod på tann, og trenaren, den gamle Strømsgodset-kjempa Lassen Olsen, sette seg sjølv innpå, utan at det hjalp. Tommy Kanishi hadde også ein stor sjanse til å gjere 3-1 då han kom igjennom. Temperaturen steig også litt på slutten og dommaren måtte opp med fleire gule kort til begge lag. Tomrefjord prøvde ei siste sluttspurt i dei fem minutta som var lagt til, men Vestnes Varfjell heldt unna. Dermed full jubel i heimegarderoben etter ein derbyseier som smakte gpdt.  Laga ligg no likt i poeng med 9 kvar. Neste kamp er også heime, mot Surnadal laurdag 25. mai.

BILDEGALLERI HER | SJÃ… HEILE KAMPEN I OPPTAK I VARFJELL-TV

Romsdals Budstikke om kampen (krev abonnement)

KAMPFAKTA:

Vestnes Varfjell - Tomrefjord 2-1 (1-0)

Serikamp 4. divisjon Nordmøre/Romsdal, torsdag 16. mai 2019 kl 19

Vestnes idrettspark,  350 tilskuarar

MÃ¥l:

1-0 (3) Amund Stavem

2-1 (56) Vegar Skare

2-1 (81) Erlend Søberg

Dommar: Bendik Haarberg, Kvass/Ulvungen

Gult kort:

Vestnes Varfjell: Fredrik Bergslid; Håkon Kjørvik, Ørjan Tangen, Svein Erik Lange Male, Magnus Nerheim - Amund Stavem, Nirut Mjøs, Vegard Ellingseter (Vegar Skare 52.) - Knut Stian Eik (Jarle Løvik Salte 46.), Tommy Kanishi Andreassen (Juan Rikard Larsen 90.), Juan Rikard  Larsen (Vegard Ellingseter 75.)

Asbjørn Vik i VarfjellTV vil prøve å sende direkte via youtube i kveld. Han har testet litt ut dette de siste dagene og tror det skal gå bra. - Kvaliteten er litt dårlig på bilde pga at jeg må bruke Mobildata. Det er for lang avstand ned til klubbhuset sin wifee, sier Vik som har mulighet til å sende live via mobil på YouTube fordi han har passert 1000 følgere. Vi oppfordrer alle til å møte opp og se kampen live, men for de som er forhindret finnes det altså en løsning. Her er linken:  https://www.youtube.com/c/VestnesVideo/live

Tomrefjord gjestar Vestnes idrettspark på fotballens nasjonaldag, 16. mai. Vestnes Varfjell håpar å ha målvakt Fredrik Bergslid tilbake frå skade til denne kampen. Han var sårt sakna då laget tapte heile 1-7 mot Eide sist. Tomrefjord bygde på si side på sjølvtilliten ved å vinne 3-0 heime mot Surnadal. Kampane mellom dei to nabolaga har vore jamne dei to siste åra etter at Tomrefjord vann klart først året dei var oppe. I fjor var det ei kontroversiell skåring som bikka kampen i favør Tomrefjord. Oversikt over tidlegare kampar her. Møt opp og få med deg det som ligg an til å bli ein flott foballkveld.

Det vart ein tung bortekamp for Vestnes Varfjell mot eit av dei antatte topplaga i divisjonen, Eide, fredag. 7-1 sto det til slutt, utan at resultatet gir eit heilt korrekt bilde av kampen sjølv om Eide var betre. Vestnes Varfjell måtte stille med utspelar Knut Stian Eik i mål og starta i tillegg kampen med å skåre eit tidleg sjølvmål. Magnus Nerheim utlikna til 1-1 i ein god Varfjell-periode før pause der laget også hadde store sjansar til å ta leiinga. I staden var det Eide som skåra både eitt og to til før pause. I andre omgang starta også Varfjell bra, men laget rakna etter kvart som Eide skåra på den eine gaveapakken etter den andre samtidig som laget ikkje makta å skåra på eigne klare sjansarr. Ruben Toven vart heimelagets store spelar med fire mål, Ole Martin Halås skåra to. Kampfakta her

Eide starta best og trenar Odd Bergs mannskap tok tak i midtbana anført av Peter Berg Hestad. Keeper Fredrik Bergslid var ikkje frisk frå skaden heller til denne kampen, og no var det utspelar Knut Stian Eiks tur til å prøve seg. Han starta med ein fin beinparade, men kunne ikkje hindre 1-0 alt etter 12 minutt. Skåringa var eit sjølmål der Svein Erik Lange Male meinte han var skubba slik at ballen gjekk i mål via han etter ein corner.

Vestnes Varfjell spelte seg etter kvart inn i kampen og eit flott angrep vart avslutta ved at Tommy Kanishi spelte fram Magnus Nerheim som sette ballen forbi keeper til 1-1 etter 22 minutt. Like etter var same duo på ferde igjen, men denne gongen gjekk avslutninga frå Nerheim like utanfor. Så var det Audun Løkke som hadde to store sjansar. Først rakk han nesten fram på eit framspel frå Kanishi før han skaut over frå god posisijon etter eit innlegg frå same mann.

I staden for leiing til Vestnes Varfjell kom Eide tilbake i andre enden i ein sjanserik omgang. Fint veggspel endte i 2-1 frå bakre stolpe. Keeper Eik var kanskje også heldig som slapp med skrekken då han glapp ballen, men dommarane meinte den ikkje hadde vore over streken. Så var Kanishi først på ballen i ein duell med ein utrusande keeper, "alle" såg ballen i mål, men den trefte stolpen og gjekk ut. Så var Ørjan Tangen nære med hovudet etter eit frispark frå Vegard Ellingseter, men Musa i Eide-målet stoppa forsøket. I staden for det som hadde vore ei fortent utliking kom 3-1 då Eide først heada i tverrliggaren og var først på returen som vart sette i mål til pauseresultat 3-1.

Det var eit tøft mål å få imot like før pause sjøl om Eide hadde vore hakket betre og nok fortente å vere i føringa. Vestnes Varfjell hadde eit lite initiativ tidleg i andre omgang, men kom ikkje nærare enn eit skot i nettveggen frå Amund Stavem. Nirut Mjøs måtte i tillegg ut med ein begynnande lyskestrekk noko som gav mindre duellkraft på midtbanen. Eide måtte likevel ha god hjelp til å skåre neste mål. Ein utrusande Eik var uheldig og Eide snappa ballen som vart sett i det tomme målet til 4-1. Kanishi kom nærme ei redusering, men innlegget frå Håkon Kjørvik vart heada over via keeper og tverrliggar.

Eide hadde ikkje slike marginar mot seg og 5-1 kom etter eit skot som Eik var etter. Så fekk Eide lov til å skyte fleire skot før 6-1 gjekk ifør siste mål kom på nok ein retur.

Då fekk også Eik lov til å sleppe meir og Fredrik Nakken sto dei siste minutta. Eik kom i standen inn som spiss og vart kanskje snytt for straffe i duell med keeperkollega Musa. Kampens siste sjanse til redusering hadde Kanishi etter ein corner, men igjen sto ein god keeper i vegen.

Lars-Helge Lien fekk sin debut på a-laget då han kom innpå på slutten. Unggutten erstatta kaptein Kanishi dei siste minutta.

Neste kamp er lokalderbyet mot Tomrefjord 16. mai.