Banner

Sesongmeny

Neste kamp
Bane: Vestnes Idrettspark tor., 10. feb. 2022 19:00
Vestnes Varfjell
Varfjell
--- Forhånds
Åndalsnes
ÅIF

Tabellen

4. divisjon Nordmøre/Romsdal 2022

# Team K Mål P
1 Dahle
1 Eide
1 KBK 2
1 KFK
1 Malmefj.
1 Midsund
1 Sunndal
1 Surnad.
1 Tomref
1 Træff2
1 Varfjell
1 ÅIF

varfjell.no spør

Korleis går det i sesongen?
 
Skirgailas tilbake, Eik til Tomrefjord
torsdag 26. august 2021 22:19

Airidas Skirgaila er omsider speleklar for Vestnes Varfjell. Unggutten returnerer frå Træff der han spelte spelte for juniorlaget sist sesong. Me ønskjer velkommen tilbake i marineblått.

 

På minussida har Knut Stian Eik valt å spele for nabo og divisjonskollega Tomrefjord denne sesongen. Angriperen rakk å spele 50 seriekampar og skåre 8 mål for Vestnes Varfjell. Frå før har Daniel Gravdehaug og Tommy Kanishi Andreassen gått same veg. Me ønskjer spelarane lukke til og velkommen tilbake når det skulle bli aktuelt.

Add a comment
 
Sikra årets første poeng i jamn bortekamp
fredag 20. august 2021 19:50

Vestnes Varfjell sikra årets første poeng i 4. divisjon då laget spelte 1-1 borte mot Eide fredag kveld. I ein jamnspelt kamp sto det 0-0 ved pause. Eide tok leiinga på ei heading etter eit frispark i andre omgang, men Juan Rikard Larsen utlikna med eit skot frå kloss hald ikkje lenge etterpå. Begge lag hadde sjansar til å skåre fleire gongar, men uavgjort var vel eit greit resultat. Trenar Ole Håkon Heen Lien var fornøgd med førsteomgangen, men skuffa over at laget ikkje greide å følge opp like bra etter kvilen. - Då vart me for stressa og spelte på oss for mange brudd, sa trenaren etter kampen. Han var heller ikkje fornøgd med markeringa på 1-0-målet.

Vestnes Varfjell kom best i gang på kunstgraset på Eide. Karl Arne Stokkeland var nære frampå før Ørjan Tangen og Svein Erik Lange Male hadde ein dobbeltsjanse på ein corner. Heimelaget kom betre med utover i omgangen og hadde også ein ball inne, men keeper dømte frispark etter at Lange Male vart hindra med ulovlege middel.

Eide starta best i andre omgang og tok leiinga på ei heading etter eit frispark. Dei hadde også ei par andre sjansar der ballen strauk tverrliggar og stolpe. Ti minutt seinare var laga like langt. Innbyttar Ole-Ragnar Forsland gjorde forarbeidet med skot på keeper som Juan Rikard Larsen plukka opp og sette kontant i mål til 1-1.

Eide vart nummer to begge dei to siste sesongane i 4. divisjon, men har til liks med Vestnes Varfjell mista sterka spelarar sidan då. I denne kampen var bestemann frå forrige kamp, Cédrik Andreassen borte i samband med konfirmasjon, medan Magnus Nerheim ikkje var med etter overtrakk sist. Vegar Skare måtte gje seg etter berre ti minutt og Karl Arne Stokkeland måtte ut ved pause. Heldigvis har laget ein jamn og god tropp.

Malmefjorden heime er neste kamp.

Nokre bilde og ein filmsnutt frå kampen

Romsdals Budstikke om kampen

Kamprapport

Kampfakta:

Eide og Omegn - Vestnes Varfjell 1-1 (0-0)

Seriekamp, 4. divisjon Nordmøre/Romsdal

Eide kunstgrasbane, 70 tilskuarar

Mål:

1-0 (52) Stian Lysgård

1-1 (63) Juan Rikard Larsen

Gult kort: Eirk Tomren. (65) Owen Connor (74) og Ørjan Tangen (74), Vestnes Varfjell; Kevin Gustad, Eide (85)

Dommar: Per Ivar Skrøvset, Bøfjord

Vestnes Varfjell (3-4-3): Owen Connor; Håkon Kjørvik, Svein Erik Lange Male, Ørjan Tangen (k) - Juan Rikard Larsen, Vegard Ellingseter (Ole Håkon Heen Lien 87.), Vegar Skare (Oliver Connor Søreng 10.), Lars-Helge Lien - Tor-Bjarne Løvik Salte (Elling Olafsen 87.), Karl Arne Stokkeland (Ole-Ragnar Opstad Forsland 46.), Eirik Leao Tomren

Add a comment
 
Gav seriefavoritten kamp, men måtte gje tapt til slutt
søndag 15. august 2021 16:05

Vestnes Varfjell kjempa godt, men måtte til slutt notere eit 0-4-tap heime mot KBK 2 i seriepremieren søndag. Stillinga ved pause var 0-1 etter at KBK kom igjennom og fekk avslutta med skot forbi keeper ved Sverre Arntsen Lervik.  Før dette hadde Vestnes Varfjell vore nærast etter at Tor-Bjarne Løvik Salte heada over frå god posisjon.

 

KBK-rekruttane tok over etter pause, og det vart meir om meir synleg kven det er som trenar kvar dag. Leander Næss Alvheim vart dagens man med hat-trick. Først skåra han på straffespark etter ein time, deretter drog han seg fri og sette ballen kontant opp i nota frå kloss hald, før han heada inn det siste målet etter eit innlegg på bakre stolpe. KBK fekk også eit andre straffespark, men det redda Owen Connor meisterleg.


KBK 2 hadde også eit skot som gjekk via stolpen og i armane på målvakt Connor. Vestnes Varfjell sleit med å produsere noko framover, men både Ole-Ragnar Opstad Forsland og Karl Arne Stokkeland kom aleine igjennom, men begge lobba over mål.

 

Uansett mykje positivt å ta med seg frå ein kamp der heile 150 tilskuarar hadde tatt vegen til Vestnes idrettspark. Vegar Skare var kaptein for dagen då Ørjan Tangen ikkje kunne vere med. Eit par skot for baugen var det også at både Elling Olfasen og Magnus Nerheim måtte ut med skade tidleg.

 

Fire spelarar debuterte i denne kampen: Målvakt Owen Connor, samt Tor-Bjarne Løvik Salte, Oliver Connor Søreng og Ole-Ragnar Opstad Forsland. For dei tre først nemnde var det også første kampar på seniornivå. Alle gjorde sine saker bra og viste at det står bra til med rekrutteringa sjølv om det også har vore nokre fråfall i koronaperioden.

 

Varfjells beste: Midtstoppar Cédric Ronnie Hellström Andreassen som rydda godt opp i dei bakre rekker.

SJÅ HEILE KAMPEN I OPPTAK I VARFJELL-TV

 

SJÅ BILDEGALLERI FRÅ KAMPEN HER

 

KAMPFAKTA:

Vestnes Varfjell - Kristiansund BK 2 0-4 (0-1)

Seriekamp 4. divisjon Nordmøre/Romsdal

Vestnes idrettspark, søndag 15. august 2021 kl 14

Ca 150 tilskuarar

Mål:

0-1 (33) Sverre Arntsen Lervik

0-2 (61) Leander Næss Alvheim, straffespark

0-3 (79) Næss Alvheim

0-4 (86) Næss Alvheim

Ingen kort

Dommar: Adrian Bratli, Molde FK.  Assistentdommarar: Magnus Smørdal, Molde FK og Oliver Bjørsnøs Bakke, Elnesvågen og Omegn

Vestnes Varfjell (5-4-1): Owen Connor; Lars-Helge Lien, Håkon Kjørvik, Svein Erik Lange Male, Cédric Ronnie Hellström Andreassen, Juan Rikard Larsen (Ole-Ragnar Opstad Forsland 80.) - Vegar Skare (k), Magnus Nerheim (Ole-Ragnar Opstad Forsland 17.) (Karl Arne Stokkeland 75.), Tor-Bjarne Løvik Salte, Vegard Ellingseter (Oliver Connor Søreng 73.) - Elling Olafsen (Eirik Leao Tomren 9.)

Add a comment
 
Live frå klokka 14: Vestnes Varfjell - KBK 2
søndag 15. august 2021 10:40

Følg denne lenka for å sjå kampen:

https://www.youtube.com/c/VestnesVideo/live

Add a comment
 
Seriestart: Møter KBK 2 heime søndag kl 14
laurdag 14. august 2021 21:35

Endeleg! Etter ein lang koronapause er det igjen klart for seriespel i 4. divisjon. For Vestnes Varfjell blir det ein tøff start når seriefavoritt Kristiansund BK 2 gjestar Vestnes idrettspark søndag klokka 14.

 

KBK 2 er eit lag me stort sett har tapt for. Einaste seier kom for ti år sidan, også det i første serierunde. Vegar Skare og Tommy Kanishi Andreassen var målskårarar i 2-1-seieren. Les meir om den kampen her.

 

Forrige møte vart dramatisk då Vestnes Varfjell vart snytt for eit seint utlikningsmål ved målvakt Fredrik Bergslid då Svein Erik Lange Male vart avblåst for angrep på KBK-keeperen (sjå video av hendinga her). Faktisk er 11 av dei involverte i den kampen mot Noah Solskjær & co aktuelle for spel også denne sesongen.

 

Første gong me møtte KBK 2 var i 2007, då vart det eit tap og ein uavgjort. Elles har det vorte tap alle gongar sett bort frå kampen i 2011. Oversikt over alle tidlegare møter finn du her.

 

Kom på kamp og støtt våre gutar, om du ikkje kan så blir kampen etter planen streame på Youtube av vår trufaste fotograf Asbjørn Vik. SJÅ DIREKTESENDING HER

Add a comment
 
A-stallen: Blanding av gammalt og ungt
laurdag 14. august 2021 20:55

Mykje har skjedd på spelarfronten sidan Vestnes Varfjell berga plassen i 4. divisjon på dramatisk vis med eit seint utlikningsmål mot Åndalsnes hausen 2019. Konklusjonen er at stallen er ei fin blanding av erfarne spelarar og talentfulle ungdommar. Stammen er intakt etter den lange pausen, sjølv om nokre har valt å forlate oss eller legge opp. Samtidig har fleire unggutar har tatt steget opp i A-stallen. Her er eit forsøk på ei oppsummering med dei største endringane:

 

Vår gode målvakt Fredrik Sivertsen Bergslid har gått til Træff. Nye målvakter er unge Owen Connor og Lars Håvard Heen Lien, som er tilbake etter spel for fleire andre klubbar, no sist Sunndal.

 

Av dei unge som rakk å debutere for to år sidan er både Lars-Helge Lien, Eirik Tomren og Cédrik Andreassen med vidara, medan Oliver Connor Søreng og Tor-Bjarne Løvik Salte har tatt steget opp i A-stallen.

 

I tilgang er også Ole-Ragnar Opstad Forsland (Brattvåg) og Airidas Skirgaila (tilbake frå Træff). I tillegg kjem trenar Ole Håkon Heen Lien som har meldt overgang frå Elverum. Også Elling Olafsen må reknast i tilgang då han var ute med skade nesten heile 2019-sesongen. Karl Arne Stokkeland har også meldt seg til teneste slik han også rakk å gjere i 2019. Oversikt over alle spelarar finn du her.


Tommy Kanishi Andreassen har som kjent gått til Tomrefjord, det same gjeld det unge talentet Daniel Gravdehaug. Liam Connor spelte juniorfotball for Nardo i fjor, men er aktuell for ein overgang tilbake. Elles har viktige spelarar som Amund Stavem og Sivert Nerheim forsvunne ut i ein lang koronapause.

Add a comment
 
Kanishi: – Verst å forlate lagkameratene
tysdag 10. august 2021 21:30

Det smertar oss kvar gong me må skrive om det, men vår kjære kaptein og bærebjelke gjennom mange sesongar, Tommy Kanishi Andreassen, skal altså ikkje spele for oss denne sesongen. I den nye podkasten for breiddefotballen i Nordmøre og Romsdal - Opp med praten - forklarer 32-åringen kvifor han valgte å gå til naborivalen. Kanishi forklarer at han har slete med vonde leggar og at han no håpar at det skal bli betre med gras og ikkje kunstgras som underlag. Han legg også til at den lange koronanedstenginga tæra på motivasjonen og at dette også var medverkande til at han ville prøve noko nytt. Han seier også at han har hatt god dialog med sin nye trenar, Kristian Flittie Onstad, som me forstår også er arbeidskollega på Vike friskule.

 

Kanishi seier det var ei tung avgjerd å forlate moderklubben og at det verste var å forlate gode lagkameratar. Om korleis det blir å møte gamleklubben seier han: – Det blir veldig spesielt. Eg har mange kompisar der, og det verste er eigentleg at eg ikkje skal spele saman med dei. Vi var ein ganske samansveisa gjeng.

 

På spørsmål frå programleieren om det har vore pengar involvert, svarer han avvisande: – Dei gir meg ei fantastisk grasbane å spele på. og det er nok. Det var det som var tunga på vektskåla, seier Kanishi.

 

Det blir også snakka om adelskalenderen til Vestnes Varfjell der Kanishi med sine 249 kampar har eit stykke opp til Ronny Leikarnes med 385 heilt på toppen.

 

Lyttarane har også svart på spørsmål om overgangar i 4. divisjon. Ikkje overraskande har eit fleirtal kåra Tommy Kanishi til den beste offensive signeringa i 4. divisjon og den som vil bli mest sakna i sin gamle klubb.

 

I episoden er også KBK 2-trenar Leo Totev gjest. KBK 2 er som kjent vår første motstandar. Totev vil ikkje vere med på at laget hans er så store opprykksfavorittar som mange vil ha det til. Dei stiller eit ungt lag, men trenarer innrømmer stamtidig at dei har hatt eit fortrinn som har kunne trene som normalt og spele kampar i koronaperioden.

 

Podkasten er laga av Øystein Hjelle Bondhus i Surnadal og har alt komme til episode 3. Eit kjempebra tiltak og vel verdt ein lytt.

 

PODKASTEN KAN DU HØYRE HER (ligg også på andre plattformer)

Add a comment
 
Tap i jamnspelt siste test før seriestart
søndag 08. august 2021 19:16

Vestnes Varfjell - Molde 3 1-3 (1-2) Kaptein Ørjan Tangen sendte heimelaget i føringa då han var sist på ein corner etter 20 minutt. Molde 3 kom sterkt før pause og utlikna på eit fint skot og tok leiinga etter fint kombinasjonsspel og avslutning frå kloss hald. 3-1 kom på ei heading i andre omgang. Vestnes Varfjell hadde sjansar til å skåre fleire mål, men det vart berre nesten. Kampen vart elles prega av mange bytter og endring av formasjonar.  Videoar i VarfjellTV (sjå opptak frå begge omgangar i margen til høgre).

 

Kampfakta:

Vestnes Varfjell - Molde FK 3. lag 1-3 (1-2)

1-0 (25) Ørjan Tangen

1-1 (40)

1-2 (43)

1-3 (75)

Treningskamp, søndag 8. august 2021 kl 15

Vestnes idrettspark, 50 tilskuarar

Laget: Owen Connor; Liam Connor (Cédrik Andreassen 67,), Ørjan Tangen (k), Ole Håkon Heen Lien (Svein Erik Lange Male 25.) - Lars Helge Lien (Tor Bjarne Salte 67.), Oliver Søreng, Vegard Ellingseter (Magnus Nerheim 46,), Airidas Skirgaila (Juan Larsen 83.) - Eirik Tomren, Elling Olafsen (Lars Håvard Heen Lien 85.), Vegar Skare (Vegard Ellingseter 67.)

Add a comment
 
Sjå generalprøva direkte
søndag 08. august 2021 12:52

Dagens kamp mot Molde 3 blir sendt direkte på YouTube

https://m.youtube.com/c/VestnesVideo/featured

Add a comment
 
Tapte kampen før pause
torsdag 05. august 2021 21:54

Norborg - Varfjell 3-0 (3-0) Vestnes Varfjell held fram med å spele ein god og ein dårleg omgang i treningskampane. Mot Norborg/Brattvåg 2 (4. divisjon Sunnmøre) var det i alle fall slik at alle baklengsmål kom før pause, medan andre omgang endte «uavgjort».

Oppmann Frode Lien oppsummerer kampen slik:

Me har god kontroll i tider av kampen, men merker at touch ikkje sit etter første gang på gras på to år. Me skaper for lite framover  og må bruke kampen på søndag og treningane framover meget godt.

 

Molde 3 er siste treningsmotstandar heime i Vestnes idrettspark  søndag.

 

Karl Arne Stokkeland sesongdebuterte og blir ei fin forsterking for dette laget. Også Airidas Skirgailas har returnert til Vestnes Varfjell etter å ha spelt juniorfotball for Træff. Liam Connor er også heime frå spel for Nardo junior i koronaåret 2020.

 

Kampfakta:

Norborg/Brattvåg 2 - Vestnes Varfjell 3-0 (3-0)

Torsdag 5. august 2021 kl 19

Uggedalen stadion, gras

Mål:

1-0 (22) Fredrik Hurlen

2-0 (25) Thomas Aursund, straffespark

3-0 (31) Martin Koch

Vestnes Varfjell (3-4-3): Owen Connor (Lars Håvard Heen Lien 46.); Liam Connor, Ørjan Tangen (k), Svein Erik Lange Male - Lars Helge Lien, Vegar Skare, Vegard Ellingseter (Oliver Søreng 46.), Juan Larsen (Håkon Kjørvik 46.) - Magnus Nerheim (Elling Olafsen 66., Karl Arne Stokkeland 72.), Elling Olafsen (Aridas Skirgaila 46.), Tor Bjarne Salte (Vegard Ellingseter 54.)

 

 

Add a comment
 
Møter Molde 3 i siste treningskamp
tysdag 03. august 2021 10:45

Vestnes Varfjell skal denne veka spele to treningskampar til før alvoret tar til i 4. divisjon. Først er den avtalte kampen mot Norborg/Brattvåg 2 (4. divisjon Sunnmøre) som no er flytta frå fredag til torsdag. Avspark  i Uggedalen er klokka 18.30. Vidare kjem Molde 3, som var eit av topplaga i 5. divisjon i 2019, på besøk søndag. Avspark i Vestnes idrettspark blir klokka 14 eller 15. Dette blir dermed generalprøven før seriestarten heime mot Kristiansund BK 2 søndag 15. august klokka 14.

Add a comment
 
En god og en dårlig omgang mot Langevåg
fredag 30. juli 2021 22:07

Langevåg - Vestnes Varfjell 4-1 (1-1) Vestnes Varfjell møtte 4.-divisjonslaget Langevåg  på Sunnmøre fredag kveld. Kampen forløp slik: 1-0 Langevåg etter 4 min løp inn i bakrom og rundet keeper. 1-1  32 min mål av Magnus Nerheim, assist Tor Bjarne Salte. En førsteomgang der vi etter ca 15 minutter og ut omgangen har god kontroll og styrer mye av spillet. Har også to store sjanser til og burde ledet til pause. Mye positivt å ta med seg etter første omgang.

 

2. omgang starter på verst tenkelig måte der vi er uheldig og de scorer 2-1 etter 47 min. 72 min: 3-1 kommer etter en corner der det er litt rot inne i feltet og vi klarer ikke å klarere og de får skutt i mål fra 7-8 meter. 4-1 kommer etter en god prestasjon av en Langevåg spiller som skjærer igjennom midten vår og scorer.

 

Ikke mye positivt i andre omgang og vi har forsatt noe å jobbe med fram mot seriestart. Men til vårt forsvar så skal det sies at vi hadde bare to «ute»-innbyttere, mens Langevåg hadde 8-9. Så vi hadde ikke mange friske bein å hive innpå på slutten. Sånn er det med ferie, jobb og sjukdom.

 

Laget: Owen Connor (Lars Håvard Heen Lien 46., Owen Connor 88.), Svein Erik Lange Male, Ørjan Tangen (k), Ole Håkon Heen Lien (Elling Olafsen 46.) - Juan Larsen (Tor Bjarne Salte 65.), Vegard Ellingseter, Vegar Skare (Ole Håkon Heen Lien 65.), Lars Helge Lien - Tor Bjarne Salte (Airidas Skirgaila 46.), Eirik Tomren, Magnus Nerheim

 

Generalprøve mot Norborg / Brattvåg 2 torsdag 5. august.

Add a comment
 
VarfjellTV: Spent trenar før seriestart
torsdag 22. juli 2021 17:44

Sjå intervju med Vestnes Varfjell-trenar Ole Håkon Heen Lien og innslag frå treninga onsdag. Her fortel han mellom anna at det no går mykje i mengdetrening for å gjere spelarane fysisk klare til seriestart 15. august. Laget har fått spelt berre ein treningskamp til no etter at motstandarar har trukke seg frå to kampar. Foto: Asbjørn Vik

SJÅ INNSLAGET HER

Add a comment
 
Avlyst treningskamp
torsdag 15. juli 2021 19:58

Eide har ikkje nok folk i ferietida til å komme til Vestnes for å spele treningskamp fredag. Oppmann Frode Lien seier dei har prøvd å få eit anna lag til å stille på kort varsel, utan å lukkast. - Har kontakta 17 andre klubbar, men fått nei frå alle, seier Lien. Dermed blir det ingen kamp denne fredagen.

Add a comment
 
« StartFørre12345678910NesteSiste »

Side 4 av 262