Banner

Sesongmeny

Neste kamp
Bane: Vestnes Idrettspark tor., 10. feb. 2022 19:00
Vestnes Varfjell
Varfjell
--- Forhånds
Åndalsnes
ÅIF

Tabellen

4. divisjon Nordmøre/Romsdal 2022

# Team K Mål P
1 Dahle
1 Eide
1 KBK 2
1 KFK
1 Malmefj.
1 Midsund
1 Sunndal
1 Surnad.
1 Tomref
1 Træff2
1 Varfjell
1 ÅIF

varfjell.no spør

Korleis går det i sesongen?
 
Hang ikkje med frå start og tapte klart mot Sunndal
fredag 01. oktober 2021 18:56

(Vestnes Varfjell - Sunndal 1-5) Varfjell hang ikkje med i starten og låg tre mål under før 20 minutt var spelt. Kjappe og teknisk gode Sunndal-spelarar fekk lett spel mot eit tafatt heimeforsvar. 0-1 kom etter eit skot frå 16 meter, 2-0 etter eit dribleraid langs dørlinja og skot i mål ved stolpen, så 0-3 på eit framspel forbi Varfjell-forsvaret og skot i motsatt hjørne.

 

SJÅ HEILE KAMPEN I OPPTAK I VARFJELL-TV

 

Tor-Bjarne Salte reduserte etter ei heading på corner lke før pause. Dette såg ut til å stresse Sunndal litt og Varfjell var meir med etter pause. Midtvegs i omgangen vart likevel kampen punktert då Sunndal utnytta eit høgståande Varfjell-forsvar og kom aleine med keeper. Det siste målet kom etter ei utboksing frå keeper og påfølgande mølje framom mål. Sunndal hadde også fleire andre oppløp der dei vart avvinka for offside. Vestnes Varfjell hadde nokre halvsjansar etter pause. To gongar var Elling Olafsen nære å få heada ballen i mål, medan Amund Stavem fekk skotforsøk frå god posisjon blokkert.

 

Det er ikkje meir å seie enn at det vart klart tap mot eit betre lag i kveld. Nokre forfall er med på å forklare litt, i dag mangla Vegard Ellingseter (karantene for fire gule kort) og ikkje minst stopparbauta Svein Erik Lange Male (skade, men kom innpå som spiss). I tillegg måtte Céderik Andreassen ut tidleg med skade.

 

Dette var den første av tre kampar  på ei dryg veke. Tirsdag blir den utsette kampen mot KFK/CFK spelt i Kristiansund, medan det neste laurdag er duka for det som kan bli rein nedrykksfinale borte mot Smøla.

 

KAMPFAKTA

Vestnes Varfjell - Sunndal 1-5 (1-3)

4. divisjon, Nordmøre/Romsdal, fredag 1. oktober 2021 kl 19

Vestnes idrettspark, 60 tilskuarar

Mål:

0-1 (6) Mohammad Khalil Abouzari

0-2 (14) Markus Hammerbekk Lewis

0-3 (18) Watchara Valset

1-3 (40) Tor-Bjarne Løvik Salte

1-4 (65) Sakdarit Patkong

1-5 (78) John Jørgen Grindseth Hafstad

Dommar: Simon Sandvik, Elnesvågen

Gult kort: Oliver Connor Søreng, Vestnes Varfjell; Watchara Valset, Oliver Lie, Oskar Sandvik og John Jørgen Grindseth Hafstad, Sunndal

Vestnes Varfjell (5-3-2): Owen Connor (Lars Håvard Heen Lien 46.); Juan Rikard Larsen, Håkon Kjørvik, Céderik Andreassen (Eirik Tomren 35.), Ørjan Tangen (k), Magnus Nerheim (Lucas Våge 86.) - Vegar Skare (Svein Erik Lange Male 79.), Oliver Connor Søreng, Tor-Bjarne Løvik Salte - Amund Stavem, Elling Olafsen

Add a comment
 
Møter Sunndal heime fredag klokka 19
fredag 01. oktober 2021 07:03

Ny heimekampventar i 4. divisjon fredag kveld når topplaget Sunndal kjem på besøk. Dei kjem frå seier i lokaloppgjer mot Surnadal, medan heimelaget jaktar sin første seier etter to uavgjorte på rad. Sunndal blir trent av Ole Bjørn Sundgot, best kjent som ein av S-ane i MFK på 1990-talet.

Oversikt over tidlegare oppgjer finn du her.

Møt opp og støtt heimelaget i det som blir ein ny fin fotballkveld under flomlyset i Vestnes idrettspark!

 

Kampen blir også streama av VarfjellTVs Asbjørn Vik. Denne sendinga finn du her.

Add a comment
 
Eks-spelarar i nye klubbar
torsdag 30. september 2021 15:35

Det skjedde ein del på siste dag av «overgangsbvindauget» for breiddefotballen, der fleire tidlegare Vestnes Varfjell-spelarar fann seg nye klubbar. Mest overraskande var kanskje at Nirut Phuanphae Mjøs skal spele for Isfjorden/ÅIF 2 i 5. divisjon. Audun Løkke er også på veg innover fjordane, han har valt å halde fram karriera i 6.-divisjonsklubben Måndalen. I same avdeling spelaar Bjørset som er ny klubb for Sander Valde. Jakob Ulvestad er klar for Elnesvågen i 5. divisjon. Elles har Yngve Solevågseide, Kay Connor og Oddgeir Vikås hengt seg på ei lang liste av tidlegare Vestnes Varfjell-spelarar som no utgjer det nye 7-arlaget til Vågstranda.

 

Me har tidlegare nemnt at Fredrik Sivertsen Bergslid og Liam Connor har klubbar i Trondheim som ny heimebane. Bergslid har alt debutert for Nardo 2 i 4. divisjon og er også reservekeeper i 2. divisjon. Connor har hatt fleire innhopp for studentlaget NTNUI i 3. divisjon. David Sissoko debuterte med skåring i sluttminuttamfor Brattvåg borte mot Fløya i 2. divisjon, og har også spelt nokre kampar for Norbord/Brattvåpg 2 i 4. divisjon.

 

Me ønskjer alle spelarar lukke til i sine nye klubbar.

 

ALLE OVERGANGAR TIL OG FRÅ VESTNES VARFJELL FINN DU HER

Add a comment
 
Sluttspurt sikra nytt viktig poeng
laurdag 25. september 2021 14:38

Vestnes Varfjell nektar å gje seg og igjen sikra laget seg poeng etter ei sein utlikning borte mot Midsund laurdag.

 

Kampen markerte den fulle gjenopninga av fotballen og vart flytta frå gras til Skeidvoll kunsgras rett før avspark grunna mykje regn og overvatn på Midsund stadion. Vertskapet serverte kake og kaffe på tribuna, medan Vestnes Varfjell var gavmilde ute på bana i opningsmutta. Kommunikasjonssvik mellom keeper og forsvar gjorde at Erlend Blø kunne snappe ballen og sende vertane i leiinga.

 

Vestnes Varfjell kom seg etter kalddusjen og resten av omgangen vart prega av to angrepsvillige lag som skapte mange sjansar. Midsund var nok hakket vassare dei gongane dei kom og Varfjell-målvakt Owen Connor måtte varte opp med fleire klasseredningar.

 

I andre enden var Eirik Tomren nære med eit skot som kurla like utanfor. Same mann fekk eit godt skot redda av keeper like etter. Midsund hadde eit godt forsøk der ein corner vart heada i bakken før ballen spratt like over. Etter halvtimen var heimelaget igjen svært nærme då dei sendte i veg ein lobb frå langt hald forbi ein utrusande keeper. Ballen trefte tverrliggaren før Ørjan Tangen fekk rydda opp i siste liten. Så var Tomren igjen igjennom, men vart vinka av før Magnus Nerheim fyrte av eit skot som gjekk på undersida av tverrliggaren, men dessverre spratt ned på feil side av streken.

 

Andre omgang vart også sjanserik. Vestnes Varfjell la om formasjon alt tidleg i kampen og sendte etter kvart både Svein Erik Lange Male og Ørjan Tangen framover på bana. Utlikninga sto likevel Amund Stavem for aleine då han snappa ei feilpasning på midtbana, runda av Midsund-forsvaret og sendte ballen kontrollert forbi keeper til 1-1.

 

Vestnes Varfjell tok no meir og meir over og Ørjan Tangen hadde ein stor sjanse til å gje gjestane leiinga. Keeper gav retur på eit frispark frå Stavem, men stolpen stoppa headina frå Vestnes Varfjell-kapteinen. Like etter la Tangen inn til Male som bomma då han kunne ha satt ballen i mål.

I staden var det vertane som igjen tok leiinga. Eit frispark frå hjørnet av 16-meteren sneik seg inn ved stolpen. Emil Sjøvik var målskårar.

Amund Stavem fekk eit godt skotforsøk redda like etterpå. Også Tangen var farleg frampå.

Vestnes Varfjell kjempa på for utlikning og såg ut til å halde ut betre enn Midsund. Som mot Tomrefjord sist fekk laget betalt for sluttspurten då Elling Olafsen heada inn 2-2 i 89. speleminutt. Tor-Bjarne Salte la eit innlegg etter frispark frå 40 meter inn i feltet, og der dukka den gamle målsniken opp.

Dermed nok eit viktig poeng i botnstriden, sjølv om seieren stadig uteblir.

 

KAMPFAKTA

Midsund - Vestnes Varfjell 2-2 (1-0)

Seriekamp 4. divisjon Nordmøre/Romsdal, laurdag 25. september 2021 kl 14.15

Skeidvoll kunstgrasbane, 100 tilskuarar

Mål:

1-0 (4) Erlend Blø

1-1 (62) Amund Stavem

2-1 (70) Emil Sjøvik

2-2 (89)  Elling Olafsen

Dommar: Modolf Holm, Isfjorden

Gult kort: Tor-Bjarne Salte (45), Vegard Ellingseter (60) og Cédrik Andreassen (70), Vesrtnes Varfjell, Even Heggdal, Midsund (65)

Vestnes Varfjell (4-5-1); Owen Connor; Håkon Kjørvik, Svein Erik Lange Male (Elling Olafsen 65.), Ørjan Tangen (k), Cédrik Andreassen - Tor-Bjarne Salte, Oliver Søreng, Vegard Ellingseter (Juan Rikard Larsen 63.), Eirik Tomren (Svein Erik Lange Male 89.), Magnus Nerheim -  Amund Stavem

 

Kampen vart filma av Tor Morten Salte og ligg ute i opptak på Facebook-sida til Vestnes Varfjell Fotball.

 

PS: Vestnes Varfjell spelte treningskamp/internkamp mot Måndalen tidlegare i veka og vann 2-0 etter skåringar av Magnus Nerheim og Tor-Bjarne Salte. Kampen vart spelt over 3 x 20 minutt i Måndalen og brødrene Heen Lien sto i mål for kvart sitt lag.

 

PS 2: Vestnes Varfjell kan knappast seiast å ha vore heldige med terminlista denne halvsesongen sjølv om laget har fått fleire kampar heime enn borte. Interne oppgjer mot andre lag i botnstriden avgjer som regel mykje, og Vestnes Varfjell er sett opp på utebane mot samtlege fem andre lag som no ligg på nedre halvdel!

Add a comment
 
Solveig Slemmen debuterte for Norge mot Sverige
onsdag 22. september 2021 13:49

Solveig Slemmen frå Vestnes Varfjell (no Molde) fekk sin debut for Norge J15 i kveld. Ho spelte heile kampen. Sverige vann 1-0.

 

https://www.fotball.no/landslag/norge-jenter-15/2021/j15-se-kampen-mot-sverige-her/

 

Fredag er det ny landskamp mot same lag, igjen med Slemmen frå start. Sjå kampen mot Sverige via lenka over frå klokka 13.

 

Add a comment
 
Male sørga for fortent poeng mot serieleiaren
fredag 17. september 2021 21:11

Svein Erik Lange Male dukka opp på ein tur på slutten av kampen og sikra ein ny uavgjort for Vestnes Varfjell då nabo Tomrefjord var på besøk fredag. Seiersvante serieleiarar kom over Furland med stor heiagjeng og tok kommandoen frå start. Eit brent straffespark til gjestane, som gjekk utanfor frå kaptein Daniel Holm Sundet, var likevel det næraste dei gule kom skåring. Vestnes Varfjells «bortkomne son», Tommy Kanishi vart felt. Ørjan Tangen hadde Vestnes Varfjells einare sjanse i første omgang då han heada utanfor etter eit frispark inn i feltet. Bakover rydda han og resten av Varfjell-forsvaret unna. Mållaust ved pause.

 

VarfjellTV: SJÅ HØGDEPUNKTA SJÅ HEILE KAMPEN

 

SJÅ BILDEGALLERI HER

 

Vestnes Varfjell kom betre med etter kvilen i dei nye garderobene ved stadion, men gjestane skåra først. Innbyttar Ken Robin Hildre var både dyktig og heldig då han flikka ballen i mål frå første stolpe etter ein corner.

 

Vestnes Varfjell kjempa på for utlikning og det var tydeleg at Tomrefjord no måtte kjempe for å halde unna. Mange trudde også dommaren hadde dømt straffe etter at linjemannen fekk med seg at Thomas Brastad dro ned Ørjan Tangen på eit frispark, men den vart trekt utanfor.  Eit par skremmeskot, mellom anna med redning på strek, kom før Lange Male sette ballen i nettaket til ellevill jubel. Male vart flytta fram på slutten og var først på returen etter eit skot frå Tor- Bjarne Salte.

 

Dommar la til heile 12 minutt (!) mellom anna på grunn av skader. Tomrefjords Eirik Taklo hadde eit skot oppå tverrligsren, men heimelaget hadde sjansar til å ta alle poenga heilt på slutten då Amund Stavem nesten fann Eirik Tomren aleine med keeper. Like før kombinerte dei to også, men Tomren vart avvinka for offside etter skot utanfor aleine med keeper.  Det bølga i sluttminuttane. Skot over frå Kanishi og Male avslutta ein underhaldande kamp.

 

Uansett eit fortent poeng, og laget skal vere stolte av innsats og prestasjon i denne kampen som første lag til å ta poeng frå serieleiaren.

 

Mellom 300 og 400 tilskuarar hadde møtt opp til klassisk lokalderby i flott haustvêr denne fredagskvelden.

 

KAMPFAKTA:

Vestnes Varfjell - Tomrefjord 1-1 (0-0)

Seriekamp, 4. divisjon Nordmøre/Romsdal, fredag 17. september 2021 kl 19

Vestnes idrettspark, 400 tilkskuarar

Mål:

0-1 (66) Ken Robin Hildre

1-1 (85) Svein Erik Lange Male

Dommar: Modolf Holm, Isfjorden

Gult kort: Vegard Ellingseter (87) og Svein Erik Lange Male (90), Vestnes Varfjell

Vestnes Varfjell (4-5-1): Owen Hjelme Connor; Håkon Kjørvik, Svein Erik Lange Male, Ørjan Tangen (k), Cédrik Ronnie Hellström Andrassen (Tor-Bjarne Løvik Salte 75), - Vegar Skare. Oliver Connor Søreng (Eirik Leao Tomren 72.), Karl Arne Stokkeland (Juan Rikard Larsen 25.), Vegard Ellingseter, Magnus Nerheim - Amund Stavem

 

 

Add a comment
 
Klart for lokaloppgjer fredag klokka 19
torsdag 16. september 2021 19:04

Fredag er det igjen duka for lokaloppgjer under flomlyset i Vestnes idrettspark når Tomrefjord IL kjem på besøk.

 

Heimelaget har vunne dei to siste tilsvarande oppgjer. I 2019 huskar me alle korleis Amund Stavem sjokkerte gjestane med ei tidleg skåring før Vegar Skare «dansa» inn lagets andre mål.

 

DETTE KAN DU GJENOPPLEVE HER I VARFJELLTV | OVERSIKT OVER TIDLEGARE OPPGJER

 

 

Dette blir også første retur til Vestnes idrettspark i «feil» drakt for Tommy Kanishi Andreassen, Daniel Gravdehaug og Knut Stian Eik etter at alle valgte å gå til naborivalen før denne sesongen. Særleg Kanishi og Gravdehaug har vore toneangjevande i eit Tomrefjord-lag som har overraska alle med å ligge heilt på toppen av tabellen.

 

Heimelaget jaktar årets første seier, og ikkje noko hadde vore betre enn om den kom i kveld. Det er venta mange gule supporterar, så her er det viktig at også mange møter opp og støttar heimelaget.

 

Kan du ikkje møte, blir kampen streama på VarfjellTV ved Asbjørn Vik via denne lenka.

 

Add a comment
 
Tapte klart mot Surnadal
søndag 12. september 2021 14:00

Vestnes Varfjell tapte til slutt 0-5 heime mot Surnadal søndag. Gjestane var best i det meste i ein kamp der lite stemte for heimelaget. Stillinga ved pause var 0-1. Sander Smevoll 3 og Frikk Talgø skåra måla, medan eit var sjølmål signert Svein Erik Lange Male.

 

BILDEGALLERI FRÅ KAMPEN HER

 

Vestnes Varfjell var litt frampå heilt i starten av kampen, men dei topp-tippa gjestane frå indre Nordmøre tok sakte, men sikkert over i banespelet. Veldig mange klare sjansar var det likevel ikkje skapt i første omgang, Sander Smevoll sin fulltreffar etter eit kvarter vart omgangens einaste skåring. Skotet frå hjørnet av 16-meteren gjekk inn oppe ved tverrliggaren.

 

Andre omgang starta på verst tenkeleg vis for heimelaget då Svein Erik Lange Male i duell med ein Surnadal-forsvarar var tvugen til å klarere mot eige mål. Ballen gjekk i boge forbi eiga målvakt til 0-2.

 

Etter dette la heimelaget om formasjonen og sendte kaptein Ørjan Tangen lenger fram på bana. Det resulterte i at heimelaget kom til enkelte nesten-sjansar, men gav samtidig gjestane sjansen til å komme på overgangar.  Sander Smevoll takka for fritt spelerom to gognar og skot forbi keeper og i krysset, før Frikk Talgø avslutta til 0-5 frå kloss hald. Surnadal hadde også ballen i mål to gonger til, men assistentdommaren vinka av for offside. Begge såg korrekte ut, i alle fall utan bruk av VAR.

 

Airidas Skirgaila debuterte i seriekamp for A-laget då han kom innpå som innbyttar. Arjan Elias Furland Sylte var med i troppen for første gong denne sesongen.

 

Neste kamp er også på heimebane, det er komande fredag når Tomrefjord kjem på besøk til lokaloppgjer.

 

KAMPFAKTA:

Vestnes Varfjell - Surnadal 0-5 (0-1)

Seriekamp 4. divisjon Nordmøre/Romsdal, søndag 12. september 2021 kl 14

Vestens idrettspark, 75 tilskuarar

Mål:

0-1 (14) Sander Smevoll

0-2 (48) sjølmål (Svein Erik Lange Male)

0-3 (60) Smevoll

0-4 (77) Smevoll

0-5 (79) Frikk Talgø

Dommar: Adrian Bratli, Molde FK

Assistentdommarar: Oliver Bjørsnøs Bakke, Elnesvågen og Magnus Solnørdal, Molde FK

Gult kort: Vegard Ellingseter, Vestnes Varfjell (75)

Vestnes Varfjell (3-4-3): Owen Connor; Håkon Kjørvik, Svein Erik Lange Male - Juan Rikard Larsen (Cédrik Andreassen 46.), Oliver Connor Søreng (Vegard Ellingseter 61.), Vegar Skare, Magnus Nerheim (Airidas Skirgaila 86.) - Tor-Bjarne Løvik Salte (Lars-Helge Lien 68.), Amund Stavem, Eirik Leao Tomren (Juan Rikard Larsen 75.)

Add a comment
 
Ny heimekamp søndag klokka 14
laurdag 11. september 2021 14:00

Vestnes Varfjell møter Surnadal heime i Vestnes idrettspark søndag klokka 14. Heimelaget jaktar framleis årets første trepoengar, medan gjestane også treng seier for å henge med i tetkampen. Vestnes Varfjell fekk kampen mot KFK/CFK utsatt sist helg og har dermed ikkje spelt kamp på to veker. Vestnes Varfjell tapte begge kampane mot Surnadal i 2019, men vann heime  både i 2017 og 2018. OVERSIKT OVER TIDLEGARE OPPGJER

 

Møt opp og støtt laget i kampen om nye poeng!

Add a comment
 
David Sissoko til Brattvåg
laurdag 11. september 2021 13:51

Tidlegare Vestnes Varfjell-spelar David Sissoko har gått frå Molde til Brattvåg i 2. divisjon. Ungguten vart den første gutespelarar frå Vestnes Varfjell på landslaget som 15-åring og er også den yngste som har debutert for a-laget til Varfjell.

 

Tidlegare Vestnes Varfjell-målvakt Fredrik Bergslid har også skifta klubb. Han har gått frå Træff til Nardo i Trondheim. Nardo har lag både i 2. og 4. divisjon.

 

Nardo var også klubben til Liam Connor i fjor, men han har no gått over til studentklubben NTNUI som spelar i 3. divisjon.

 

Me ønskjer spelarane lukke til i sine nye klubbar.

Add a comment
 
Utsatt kamp grunna korona
fredag 03. september 2021 22:48

Søndagens bortekamp i 4. divisjon  er utsatt på ubestemt tid grunna covid-19-smitte og dermed karantene på spelarane i troppen til KFK/CFK.

 

Det er no avtalt at tirsdag 5. oktober klokka 19 blir nytt tidspunkt for kampen.

Add a comment
 
Bildegalleri: Årets lagbilde og A-stall
tysdag 31. august 2021 19:08

HER KAN DU SJÅ BILDE AV ÅRETS A-LAG, BÅDE LAGBILDE OG PORTRETT

Add a comment
 
Nytt poeng, men seieren glapp
fredag 27. august 2021 20:35

Vestnes Varfjell tok leiinga tidleg og var nære å halde unna til årets første seier fredag. Magnus Nerheim sendte heimelaget i føringa etter ein god start, då han var sist på ballen på bakre stolpe etter eit frispark som vart flikka vidare av Juan Larsen.

 

Malmefjorden tok over mykje av spelet etter dette, men skapte ikkje dei store sjansane før langt på overtid i første omgang då dei sette ballen over frå fem meter. Vestnes Varfjell skapte ikkje mykje etter skåringa. Karl Arne Stokkeland hadde eit godt skotforsøk før han måtte ut med skade.

 

Malmefjorden hadde overtaket også i andre omgang, men Vestnes Varfjell sto imot til ti minutt av ordinær speletid sto att. Då fekk gjestane si fortjente utlikning på ei flott avslutning på halv volley frå Lars Joar Inderberg.

 

Kaptein ØrjanTangen ruva i forsvaret saman med resten av trebacksrekka med Svein Erik Lange Male og Håkon Kjørvik solide. Også målvakt Owen Connor sto godt. Både tidleg i andre omgang og på overtid hindra han baklengs. Framover vart det etter kvart for mange balltap og tapte duellar.

 

Amund Stavem sesongdebuterte etter pause og viste med overblikk, pasningsfot og dribleferdigheiter at han blir ein viktig mann framover.

KAMPFAKTA:

Vestnes Varfjell - Malmefjorden 1-1 (1-0)

Seriekamp, 4. divisjon Nordmøre og Romsdal

Fredag 27. august 2012 kl 19

Vestnes idrettspark, 90 tilskuarar

Mål:

1-0 (14) Magnus Nerheiim

1-1 (80) Lars Joar Inderberg

Dommar: Eirik Furu, Clausenengen

Gult kort: Ellingseter (36), Tangen (45), Skare (83)

Vestnes Varfjell (3-4-3): Owen Connor; Håkon Kjørvik, Svein Erik Lange Male, Ørjan Tangen (k) - Magnus Nerheim (Lars-Helge Lien 76.), Vegar Skare, Vegard Ellingseter (Oliver Connor Søreng 70.), Cédric Ronnie Hellström Andreassen (Amund Stavem 46.)- Tor-Bjarne Løvik Salte (Eirik Leao Tomren 81.), Karl Arne Stokkeland (Eirik Leao Tomren 20., Elling Olafsen 72., Ole Ragnar Forsland 84.), Juan Richard Larsen

 

 

SJÅ BILDEGALLERI FRÅ KAMPEN HER, INKLUDERT HEILE 1-0-SKÅRINGA

Add a comment
 
Ny heimekamp fredag klokka 19
torsdag 26. august 2021 21:50

Malmefjorden er gjestar når Vestnes Varfjell spelar årets andre heimekamp i 4. divisjon. Gjestane frå Hustadvika kommune tapte borte mot KFK/CFK i første kamp, men slo til med ein sterk heimeseier mot topp-tippa Surnadal sist. Heimelaget jaktar sin første seier for sesongen etter eitt poeng på bortebane mot Eide sist fredag.

 

Møt opp og støtt laget i kamp om viktige poeng. Det er meldt fint vêr og kiosken vil som vanleg vere open.

Add a comment
 
« StartFørre12345678910NesteSiste »

Side 3 av 262