Banner

Sesongmeny

Neste kamp
Bane: Vestnes Idrettspark fre., 29. jun. 2018 19:00
Vestnes Varfjell
Varfjell
--- Forhånds
Åndalsnes
ÅIF

Forrige kamp
Bane: Vestnes Idrettspark fre., 22. jun. 2018 19:00
Vestnes Varfjell
Varfjell
4-1 Træff 2
Træff2

Tabellen

# Team K Mål P
1 KFK 12 30 24
2 Sunndal 11 14 23
3 Eide 11 16 22
4 Tomref 11 15 22
5 Surnad. 11 16 19
6 ÅIF 11 24 18
7 Varfjell 11 2 18
8 AK 11 3 15
9 MIL/E/A 11 -1 14
10 Elnesv. 12 -34 6
11 Midsund 11 -21 5
12 Træff2 11 -64 4

varfjell.no spør

Korleis går det i sesongen?
 
Draumetreff sikra seier i dramatisk kamp mot Sunndal
fredag 04. mai 2018 20:32

Vestnes Varfjell slo Sunndal 3-2 i ein spanande kamp i Vestnes idrettspark fredag. Stillinga ved pause var 1-1. Så gjekk Sunndal opp i 2-1, før heimelaget snudde kampen med to vakre mål i andre omgang.

VARFJELLTV:

Sjå Elling Olafsen sette inn det omsnakka 1-0-målet her.

Sjå Amund Stavems skot frå nesten 30 meter her.

Sjå Jarle Løvik Salte sette inn 2-2 her.

Bildegalleri:

Dramaet starta omtrent frå start då Elling Olafsen lurte keeper og heada ballen i bakken og i mål alt etter sju minutt etter innlegg frå Amund Stavem. Dommar Terje Sorthe lot først spelet gå vidare før han dømte mål etter å ha snakka med linjemannen. Heldigvis vart rett avgjerd gjort til slutt, for ballen var langt over streken, noko me som sto rett ved stolpen kan stadfeste. På bildet over er ballen akkurat på veg over linja.

Ti minutt seinare kunne det stått 2-0 om Amund Stavem hadde fått kontroll på ballen etter framspel frå Tommy Kanishi. Sunndal tok etter kvart over i banespelet og kom til eit par gode sjansar. Erik Ruud Ramsli tråkla seg heilt til dørlinja, men avslutninga strauk utanfor. I andre enden heada Kanishi utanfor, medan eit frispark fra Amund Stavem fann Kanishi før Sunndal redda til corner.

Utliknga kom fem minutt før pause då Vebjørn Sørheim var sist på ballen etter ein corner.

Andre omgang starta med ein frekkis frå Vegard Ellingseter som sendte i veg eit langskot mot ein keeper som sto langt ute, men ballen gjekk over mål. Sunndal pressa Varfjell-forsvaret til å gjere feil i starten av andre omgang og ei dårleg klarering hamna i beina på Petter Melkild som sette ballen i mål frå ti meter. Gjestane såg sterkare ut i denne delen av kampen, men Vestnes Varfjell skulle greie å reise seg att. Innbyttar Jarle Løvik Salte skapte mykje trøbbel på venstrekanten og etter 56 minutt fekk han eit perfekt framspel frå Stavem. Avslutninga sat kontant i mål forbi Ulvund i Sunndal-målet og laga var like langt. No levde kampen med to lag som ville angripe. Kveldens høgdepunkt kom ut av ingenting då Amund Stavem bestemte seg for å brenne laus frå rundt 25 meter. Ballen small inn i hjørnet bak ein forfjamsa Sunndal-keeper.

Like etter var Sunndal nærme 3-3, men Vestnes Varfjell-målvakt Fredrik Bergslid fekk feid ballen unna før Sunndal-spelararen fekk avslutta. Vestnes Varfjell kjempa heroisk i sluttminutta og spelte både klokt og godt. Ein stor sjanse kom også, då Salte kom aleine med keeper, som redda med ein beinparade.

Dommaren la til sju minutt, og i det andre av desse ville Sunndal ha straffespark då Salte var i duell med ein Sunndal-spelar. Linjemannen markerte, men dommar Sorthe sto godt plassert og vinka han ned. Då kokte det etter kvart over for sunndalingane og John Hafstad vart utvist etter å ha sparka Stavem ned bakfrå. Sorthe tok etter kvart ein prat med sin assistent, men heldt fast ved at det ikkje var straffe. Dermed ebba kampen ut med seier til heimelaget.

I ein kamp med solid innsats over heile linja, er det ikkje muleg å komme utanom ekstra skryt til matchvinnar Amund Stavem. Både målgjevande til 1-0 og 2-2 og skotet som gav 3-2 ser ein ikkje i kvar kamp i denne divisjonen.

Vestnes Varfjell - Sunndal 3-2 (1-1)

Seriekamp, 4. divisjon Nordmøre/Romsdal

Fredag 4. mai 2018 kl 19

Vestnes idrettspark - 90 tilskuarar

Mål:

1-0 (7) Elling Olafsen

1-1 (40) Vebjørn Sørheim

1-2 (52) Petter Melkild

2-2 (56) Jarle Løvik Salte

3-2 (69) Amund Stavem

Dommar: Ketil Sorthe, Hjelset-Kleive

Raudt kort: John Hafstad (90 + 3). Gult kort: Eitt til Sunndal

Vestnes Varfjell (4-3-3): Fredrik Bergslid; Ørjan Tangen, Svein Erik Lange Male, Liam Connor, Magnus Nerheim - Sivert Nerheim (Jarle Løvik Salte 46.), Vegard Ellingseter, Tommy Kanishi Andreassen (Adrian Liabø 90.) - Amund Stavem, Elling Olafsen, David Sissoko

 

 

Add a comment
 
Møter Sunndal i kveld klokka 19
fredag 04. mai 2018 07:28

Sunndal er kveldens motstandar i Vestnes idrettspark. Tilsvarande oppgjer i fjor endte med tap 1-6 etter at heimelaget hang godt med lenge, medan det vart ein sjeldan seier i bortekampen i siste serierunde. OVERSIKT OVER TIDLEGARE OPPGJER HER. Sunndal blir av mange rekna som favoritt til opprykk, laget har slått AK og Tomrefjord, men tapte overraskande bortekampen mot Elnesvågen. Den vart spelt berre dagar etter ein heroisk innsats i cupen mot KBK. Spissen Tor Erik Torske returnerte frå nettopp KBK før sesongen, men vart skada i oppkøyringa. Ei anna forsterking er stopparen  Lars Erik Flakk frå Stjørdals-Blink med fortid i Levanger. Trenar er ein annan med fortid i toppfotballen, den tidlegare Molde-spelaren Torgeir Ruud Ramsli. Vestnes Varfjell på si side må håpe å halde fram den gode avslutninga som gav eitt poeng borte mot KFK sist. Møt opp og støtt laget i kveldens kamp! Oppdatering på Twitter

Add a comment
 
Salmar ny hovedsponsor
fredag 04. mai 2018 07:10

Fotballgruppa i Vestnes Varfjell har kommet på samme lag som RBK, da Salmar har gått inn som hovedsponsor for fotballen i VVIL. Vi er veldig glad for å ha Salmar på laget vårt. De vil være en god bidragsyter for at vi kan holde med gode fotballaktiviteten i klubben vår.

Og bare for å presisere det: Sparebanken Møre er fortsatt generalsponsor for hele idrettslaget.

Add a comment
 
Sikra poeng etter overtidsdrama
fredag 27. april 2018 20:56

Vestnes Varfjell fekk med seg eitt poeng etter ein spennande og innhaldsrik bortekamp mot topptippa Kristiansund FK fredag kveld. Vestnes Varfjell starta friskt og før ti minutt var spelt var David Sisskoko på farten og vart skubba ned i feltet til det som såg ut som eit straffespark. I staden for straffe, prøvde unge Sissoko like godt på nytt nokre minutt seinare. Denne gongen greidde ikkje KFK-forsvaret å stoppe hurtigtoget. Skotet gjekk via stolpen og i mål til leiing 1-0. BILDEGALLERI

Vertane spelte seg etter kvart til eit overtak i kampen i første omgang og det var ikkje ufortent at utlikinga kom. Bergslid redda først, men Pah Ousman Jammeh var først på returen. Like etter jubla KFK igjen, berre for å oppleve at linjedommaren hadde vinka for det som såg ut som ein korrekt offside. Fleire gode redningar frå Bergslid og svake avslutningar frå heimelaget gjorde at det sto 1-1 ved pause.

Tommy Kanishi Andreassen starta på benken grunna lyskeproblem, men kom innpå etter pause. Det satte meir fart i Varfjell som gav tidleg beskjed om at dei ville vere med i kampen att. Kaptein for kvelden, Amund Stavem, starta med eit skot like utanfor krysset. KFK var nære på eit lurt frispartrekk, og på den påfølgande corneren gjekk avslutninga like utanfor.

Så, etter vel ein time, kom fire innhaldsrike minutt. Først fekk KFK straffespark etter felling frå Svein Erik Lange Male. Jammeh sette ballen til side for keeper. Så var same Lange Male, som elles spelte ein god kamp med mange gode klareringar, uheldig igjen då eit skot frå Ali Kamal Khoshnau gjekk via beinet hans og forandra retning nok til å lure keeper. Så var det ein KFK-forsvarar sin tur til å vere uheldig. Eit innlegg i retning Elling Olafsen vart heada bakover, over eigen keeper og i mål. No jakta Vestnes Varfjell ei utlikning og like etter fekk dei flere sjansar på ein gond. Sissoko prøve først, før Stavem fekk avslutta i stolpen. Truleg vart han hindra like før slik at det skulle ha vore straffespark. I staden for 3-3, kontra heimelaget inn 4-2 ved Jan Kristian Sørli.

Dette var naturleg nok eit hardt slag for Vestnes Varfjell, som likevel ikkje gav opp. Kanishi hadde eit par gode forsøk, først eit brassespark, så ei heading bakover etter eit frispark-innlegg frå Amund Staven - begge gongar hadde KFK-målvakt Sondre Lekve god kontroll. Så skaut same mann like utanfor, men fekk likevel firspark frå farleg posisjon. Det sette Stavem over. Først i kampen siste ordinære speleminutt kom reduseringa. Innbyttar Ørjan Tangen fekk plutseleg stå aleine på 12 meter og kunne lett sette inn 4-3 med eit velplassert skot ved stolpen. Dommar Roe Vidar Lien, med årelang erfaring både frå eliiteserien og FIFA som assistentdommar, la til fire minutt. To av dei var spelt då Tommy Kanishi drog seg fri på venstrekanten, sette fart innover mot 16-meteren og avslutta med eit skot klint heilt inn i motsatt hjørne. 4-4 og snuoperasjonen var eit faktum! KFK fekk den alle siste sjansen til å vinne kampen, men greidde ikkje å stokke beina framføre mål og Vestnes Varfjell fekk avverga. Dermed var eitt uhyre deilig poeng sikra, til stor jubel for dei 4-5 tilreisande som heia på Vestnes Varfjell.

God laginnsats og ikkje minst lagmoral sikra poeng i kveld. Laget har no skåra nesten alle måla i slutten av kampane, noko som tyder på at laget er trent for å stå distansen.

Neste fredag ventar nok eit antatt topplag når Sunndal kjem på besøk.

 

Kampfakta

Kristiansund stadion, 55 tilskuarar

Mål:

0-1 (13) David Sissoko

1-1 (19) Pa Ousman Jammeh

2-1 (63) Jammeh, straffespark

3-1(64) Ali Kamal Hassan Khoshnau

3-2 (66) sjølmål

4-2 (67) Jan Kristian Sørli

4-3 (89) Ørjan Tangen

4-4 (90 + 3) Tommy Kanishi Andreassen

Dommar: Roe Vidar Lien, Malmefjorden

Gult kort: Ahmed Kamal Khosnau (53) og Anders Havnerås (81), begge KFK

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Liam Connor, Magnus Nerheim (Adrian Liabø 10.) - Sivert Nerheim, Vegard Ellingseter, Jonas Lervik (Tommy Kanishi Andreassen 46.) - Amund Stavem, Elling Olafsen (Ørjan Tangen 84.), David Sissoko.

Add a comment
 
Nå kan du gi flaskepanten til Vestnes Varfjell
måndag 23. april 2018 11:04

Vi i Vestnes Varfjell Fotball tar nå imot tomflasker/bokser (ikke glass)  i et hull i veggen på klubbhuset ved stadion . Vi har fått oppfordring av folk til å gjøre dette fordi noen ikke liker å pante selv på butikken, eller at noen rett og slett vil støtte oss på veien mot et nytt klubbhus og andre større ting i Vestnes idrettspark. Jeg oppfordrer alle til å benytte seg av den 24-timers åpne «panteautomaten» både spillere, foreldre, besteforeldre og ellers andre som vil støtte oss. På vegne av fotballgruppa i VVIL tusen takk.

Frode Lien
Leder
Vestnes Varfjell Fotball.

Add a comment
 
VarfjellTV: Sjå kampen mot Midsund i opptak
laurdag 21. april 2018 11:28

http://www.varfjell.no/fotball/index.php?option=com_hwdvideoshare&task=viewvideo&Itemid=64&video_id=1822

Add a comment
 
Årets første seier
fredag 20. april 2018 19:39

Vestnes Varfjell vann 3-1 over Midsund fredag. Eit Amund Stavem-skot frå kloss hald gav utlikning like før pause. I andre omgang var Varfjell klart best og vann etter skåring av Tommy Kanishi og Adrian Liabø.

 

 

Video i VarfjellTV | Bildegalleri | Avisa Midsundingen om kampen

Vestnes Varfjell opna best i ufyseleg regnvær og kunne tatt ei tidleg leiing ved Kanishi.  Same mann kom nære på eit frispark like etterpå. Midsund spelte seg etter kvart inn inn i kampen og skapte eit par store sjansar før laget tok leiinga på ein corner som hadde retning rett i mål før ballen vart heada inn. Vestnes Varfjell utlikna på eit viktig tidspunkt rett før pause då Amund Stavem kom seg fri og skotet frå kloss hald gjekk rett inn, muleg ein Midsund-forsvarar var borti før ballen gjekk  mål.

Vestnes Varfjell kom på bana lenge før både gjestar og dommarar etter pause, og tok tak frå start i medvinden. Midsund heldt unna lenge, og kunne i tillegg takke tverrliggar og stolpe for at avslutningar frå Vegard Ellingseter og Elling Olafsen ikkje gjekk inn. Me «såg» også ballen i mål då Olafsen heada like utanfor. Jonas Lervik og Olafsen var begge nære etter innlegg frå Kanishi og ein Midsund-spelar redda på strek. 2-1 kom ni minutt før slutt. Den elles gode Midsund-målvakt glapp ballen på eit innlegg frå Olafsen og Kanishi sette ballen i mål. På overtid sette Ellingseter ballen i stolpen etter framspill av Olafsen før Adrian Liabø sette ballen i mål i ei av sine første involveringar etter at han kom innpå.

PS: Kampen starta ti minutt før tida fordi Midsund ville rekke ei tidleg ferge. Dermed gjekk mange som kom seint glipp av dei første minutta. Inga stor sak, men litt unødvendig sidan 21.10-ferga er innan rekkevidde etter ein kjapp dusj også ved kampstart 19.

Tidlegare Varfjell-spelar Tarjei Bjermeland kom innpå for Midsund det siste kvarteret.

Kampfakta
Vestnes Varfjell - Midsund 3-1 (1-1)

4. divisjon Nordmøre/Romsdal, fredag 20. april 2018 kl 18.50

0-1 (30) Vetle Heggdal

1-1 (45) Amund Stavem

2-1 (83) Tommy Kanishi Andreassen

3-1 (90 + 3) Adrian Liabø

Vestnes idrettspark, 50 tilskuarar

Dommar: Nils Myrvang, Batnfjord

3 gule kort til Midsund

Laget: Bergslid; Kjørvik, S Nerheim, Connor, M Nerheim - Skare, Lervik (Male 69.), Kanishi (Liabø 90.) - Stavem, Olafsen, Salte (Ellingseter 50.)

Add a comment
 
Møter Midsund heime klokka 19
fredag 20. april 2018 09:39

Vestnes Varfjell tek imot Midsund til årets første heimekamp i 4. divisjon fredag klokka 19. Midsund er nyopprykka, og tek turen til Vetnes for andre kamp på rad. I serieopninga tapte dei 1-5 mot Tomrefjord etter å ha tatt leiinga 1-0 i Vestnes idrettpark (les meir i Midsundingen). Denne kampen vart spelt på bortebane sidan kunstgrasbana i Midsund får nytt dekke. Det har vore mange jamne kampar mellom laga opp gjennom åra, men me vann begge sist laga var i same divisjon i 2015. Oversikt over tidlegare oppgjer her. Midsund er eit lag med ei fin blanding av ungt og gammalt, der spelande trenar Even Heggdal og Ingemar Misund er spelarar å sjå opp for. Vestnes Varfjell på si side er ute etter å reise kjerringa etter tapet mot Åndalsnes i serieopninga. Møt opp og støtt heimelaget i kampen om poenga. Resultatsørvis på twitter.

Add a comment
 
Tatt av vinden - sterk sluttspurt heldt ikkje til poeng
fredag 13. april 2018 21:24

Vestnes Varfjell tapte 2-3 borte mot Åndalsnes i serieponinga i 4. divisjon fredag kveld. Det vart ein kamp prega av lite finspill i ein kraftig vind. Heimelaget hadde vinden i ryggen før pause og hadde dei fleste sjansane. Dei måtte likevel vente til overtid før målet kom, og det på svært heldig vis. Eit skot frå Bendik Hovde endra retning i ryggen på ein spelar, nok til å finte ut Bergslid i Vestnes Varfjell-målet. Vestnes Varfjell hadde sin største sjanse då Amund Stavem var på veg igjennom, men vart stoppa ulovleg av heimelagets målvakt som slapp unna med gult kort. Det kunne like gjerne ha vore raudt.

BILDEGALLERI FRÅ KAMPEN

Målet gav heimelaget blod på tann og kort tid etter pause var Hovde frampå igjen. Bergslid redda først, men kunne ikkje gjerne noko med andre forsøk. Som om ikkje det var nok: eit frispark i stolpen og retur til 3-0 signert Emil Nyheim.

Amund Stavem reduserte på eit fantastisk langskot og Vegar Skare var sist på ballen etter ein corner til 3-2. Det gav håp om poeng. Åtte minutt vart lagt til grunna skade på ein ÅIF-spelar samt at heimelaget og vinden gjorde at ballen var lenge ute av spel. Varfjell-trukket gav ikkje uttelling og ÅIF kunne juble for tre fortjente poeng.

5 gule kort til heimelaget og ingen til Vestnes Varfjell fortel litt om kven som kjempa mest og var villig til å bruke lovlege og ulovlege middel for å vinne. Aksel Berget Skjølsvik spelte slik me kjente han frå Molde og Sandnes-Ulf. Han fekk tidleg gult kort og burde også hatt det andre for ei stygg takling etter pause.

Laget: Bergslid, Kjørvik, Connor, S Nerheim, Liabø - M Nerheim, Lervik, Kanishi - Sissoko, Olafsen, Stavem

Inn: Skare, Tangen, Ellingseter og Male

Dommar: Johannes Remøy, Rival

Gukt kort: SAnder Dahle, Jonas Dahle Voldset, Sander Hatlen Bale, Emil Mattias Nyheim og Aksel Berget Skjølsvik, alle ÅIF

142 tilskuarar

Add a comment
 
Opnar serien med tøff bortekamp
torsdag 12. april 2018 08:11

Endeleg seriestart i 4. divisjon og Vestnes Varfjell tar turen til Øran for å møte det gamle storlaget Åndalsnes i første kamp. Det er alltid tøft å møte nyopprykka lag i seriestarten, særleg på bortebane. Åndalsnes flyt nok enno på medgangsbølga som sendte dei opp ein divisjon etter at dei kom frå 3. plass i 5. divisjon og slo Elnesvågen 2-0 i opprykksfinalen på Aker stadion (Elnesvågen berga seg likevel då Frei trekte laget). Vestnes Varfjell har berre vunne to gongar i historien borte mot Åndalsnes, sist i 2013 då Tore Akselsen avgjorde. Oversikt over tidlegare oppgjer finn du her. Vestnes Varfjell har variert ein del i sesongoppkjøringa, frå 6-1 mot Træff 2 til 1-11 mot Træff sitt førstelag i cupen. Sidan i fjor er først og fremst Karl Arne Stokkeland (flytta til Bergen for å studere) den som vil bli mest sakna. Elles har Vegard Ellingseter komme i tilgang. Han rekk ikkje seriestarten, det gjer heller ikkje Vegar Skare (jobb), Markus Brudeseth (militæret), Jarle Løvik Salte og Knut Stian Eik. - Men me stiller uansett ein bra tropp. Me stiller omtrent som i fjor, men dei unge har fått eitt år til på baken, seier trenar Alexander Connor til varfjell.no. Han stiller med 16-åringar både på keeper-, midstoppar- og midtbaneplass, der Jonas Lervik på midten har fått sitt gjennombrot i løpet av vinteren. Elles er laget mykje avhengig av sine fremste angrepsvåpen; Amund Stavem, Tommy Kanishi og Elling Olafsen.

Fredagens motstandar er altså tilbake i 4. divisjon etter eitt år i 5. divisjon. Dei har også eit ungt lag, med ein gjennomsnittsalder på 20 år ifølge Åndalsnes Avis. Samtidig har dei fått heim veteranen Aksel Berget Skjølsvik, som med si erfaring frå eliteserien med Molde og Sandnes-Ulf kan bli tungen på vektskåla i mange kampar i 4. divisjon. Trenar Kim Hugo Nyheim seier til Åndalsnes Avis (krev innlogging) at målet er å kjempe om dei 8-9 første plassane i divisjonen. Følg med på twitter for oppdateringar frå kampen som har avspark klokka 19.

Add a comment
 
Uavgjort i siste test
torsdag 05. april 2018 18:49

Vestnes Varfjell spelte torsdag kveld 2-2 borte mot Norborg/Brattvåg 2. Vertane var i leiinga 2-1 ved pause etter at Vestnes Varfjell skåra først ved Tommy Kanishi Andreassen etter eit innlegg og skot mellom beina på keeper. Eitt mål frå Jarle Løvik Saltei andre omgang sørga for 2-2 som sluttresultat. Dette var også lagets siste treningskamp i vinter. Norborg rykka ned frå 4. divisjon på Sunnmøre i fjor, men er av mange favorittar til å rykke rett opp att, ikkje minst sidan laget no har tilgang på reservene frå 2.-divisjonslaget Brattvåg. Vestnes Varfjell serieopnar i 4. divisjon borte mot Åndalsnes fredag 13. april. Elling Olafsen måtte gje seg etter 20 minutt etter at han kjente noko i leggen. Elles var Vegar Skare, Vegard Ellingseter, Magnus Nerheim og Markus Brudseth ikkje med til Søvika grunna jobb.

Laget: Fredrik Bergslid – Håkon Kjørvik – Adrian Liabø  – Liam Connor, Svein Erik Lange Male – Sivert  Nerheim, Tommy Kanishi – Jonas Lervik (Knut Stian Eik 55m) – David Sissoko – Elling Olafsen (Jarle Løvik Salte 20 min)  -  Amund Stavem

Add a comment
 
Bli med og feire Aker stadion 20 år
torsdag 05. april 2018 16:54

Hei alle i Vestnes Varfjell fotball
Molde Fotballklubb har sendt ut en invitasjon, som vi håper noen vil være med på.
Hver enkelt melder inn til sin oppmann på det laget man hører til, som igjen sender det samlet videre til Marit Liabø Gravdehaug. Håper noen voksne og barn kunne tenkt seg å være med på selve innmarsjen også, og da må dere skrive det på meldinga.
Internfrist blir 11 april.

Hilsen Frode Lien
Leder
Vestnes Varfjell Fotball
Invitasjon (klikk på linken under for å laste ned/åpne PDF dok.):

Add a comment
 
Stortap og ute av cupen
onsdag 21. mars 2018 20:38

Vestnes Varfjell fekk det som venta tøft og tapte heile 1-11 borte mot gode Træff i 1. kvalifiseringsrunde til NM på Reknesbanen onsdag kveld. Vertane fekk lett spel mot eit tafatt Vestnes Varfjell-lag som vart fraløpt, tapte duellar og svikta i markeringane. Magnus Nerheim målskårarar på eit flott skot i krysset etter innlegg frå Håkon Kjørvik. Nerheim hadde også ein stor sjanse på eit frispark som endra retning, men vart redda av ei feberredning. Med Kanishi ute med skade vart kveldens kaptein Stavem mykje aleine om å vere i stand til å utfordre Træff-forsvaret.

Træff – Vestnes Varfjell 11-1 (6-0)Træff: Alexander Jonassen(14), Simen Varhaugvik(16),(45), Harith Hamoudi Lafteh(19),(28),(60), Jostein Blindheim(39), Eskil Rønningen(48), Stian Samdal(74), Jørg Haugland(78),(86) Varfjell: Magnus Nerheim(77)

Reknesbanen, 75 tilskuerar

Laget: Bergslid, Kjørvik, S Nerheim, Connor (Male 59.), Liabø - M Nerheim, Stavem, Lervik - Brudeseth, Olafsen (Sissoko 72.), Salte (Tangen 87.)

PS: Sist Varfjell tapte med slike sifre i teljande kamp var mot Moldekameratene i 5. divisjon i 1991, då gjestane vann 10-0 på Tresfjord stadion. I nyare tid har laget tap 0-11 borte mot Emblem i ein treningskamp så seint som for to år sidan.

Største seier er 15-1 mot Skåla i 4.divisjon i 2010.

Add a comment
 
Klart for årets første obligatoriske kamp
onsdag 21. mars 2018 11:32

Vestnes Varfjell tek i kveld turen til Molde for å spele første kvalifiseringsrunde til NM. Motstandar er Træff, og avspark på Reknesbanen er klokka 19. Træff er naturleg nok store favorittar. Dei spelte jamnt mot Brattvåg frå 2. divisjon (tap 2-3) sist,  medan Vestnes Varfjell tapte 3-6 mot 5.divisjonslaget Langevåg. Vestnes Varfjell var også det siste laget frå 4.divisjon so fekk plass i NM og møter eit av laga frå 3. divisjon som ikkje gjekk rett inn i 1.runde. Sist laget spelte cup, i 2013, vart AK slått ut i tilsvarande runde, mens Herd vart for sterke i runden etter. Varfjell har vore i 1. ordinære runde ein gong, då laget tapte 0-4 borte mot Molde.

Add a comment
 
« StartFørre12345678910NesteSiste »

Side 2 av 247

Generalsponsor

3_sbm_logo.jpg

Hovedsponsor

salmarlogo.jpg

Ny sponsor:

vikelektro-logo.png

Våre sponsorar

Nyeste kommentarer