Banner

Sesongmeny

Forrige kamp
Bane: Sande stadion laur., 14. okt. 2017 15:00
Sunndal
Sunndal
4-5 Referat
Vestnes Varfjell
Varfjell

Bane: Eidsvåg stadion tys., 10. okt. 2017 18:30
Eidsvåg
Eidsvåg
0-8 Referat
Vestnes Varfjell
Varfjell

Bane: Vestnes Idrettspark søn., 08. okt. 2017 15:00
Vestnes Varfjell
Varfjell
4-2 Referat
Surnadal
Surnad.

Tabellen

# Team K Mål P
1 KBK 2 22 82 60
2 KFK 22 81 50
3 Sunndal 22 41 46
4 Surnad. 22 11 40
5 Tomref 22 19 38
6 AK 22 18 37
7 Eide 22 17 35
8 Varfjell 22 4 34
9 Træff2 22 -40 16
10 Frei 22 -51 14
11 Elnesv. 22 -70 13
12 Eidsvåg 22 -112 1

varfjell.no spør

Korleis går det i sesongen?
 
Bli med på årsfest med julebord!
laurdag 05. november 2016 14:21

Påmelding  HER

Add a comment
 
G16 på Otta cup
laurdag 05. november 2016 12:18

G16 er i helga på Otta cup. Vann første kamp mot Lillehammer 2 4-1. Neste kamp lørdag kl 15.12 mot Vågå il . Vi spiller i gruppe GUB. Har bare to 16 åringer med, men vi satser på å gjøre en god turnering likevel. Hovedstammen av dette laget vann G14 turneringen i fjor.  Vi har gode tradisjoner på ottacup. Deltatt to år og har gull, sølv og bronse. Vi er nok ikke på samme nivå som i fjor, men håper vi kan hevde oss likevel.

Oppdatering: Vågå vart slått 5-1 i andre kamp. Mot Melhus var det 1-1. Til slutt vart laget utslått i 16-delsfinalen 1-4 mot Dombås/Lesja. Mehus, som Vestnes Varfjell altså spelte uavgjort mot i gruppespelet, vann turneringa.

Add a comment
 
Nye spelarar på blokka, og Connor held fram
onsdag 02. november 2016 20:22

Både Bygdebladet og Vestnesavisa har fyldig dekning av kvalifiseringskampen laurdag. Bygdebladets fotograf Edmund Melkild har mellom anna eit bilde som viser korleis Trond Klosket vart tatt krokfot på i den avgjerande straffesituasjonen. Om kampen seier Vestnes Varfjell-trenar Alexander Connor: - Vi opna dårleg, men i motsetning til første oppgjeret greidde vi å fullføre skikkeleg denne gongen. Elles har begge avisene litt om utsiktene til neste sesong. Connor meir enn antydar overfor Bygdebladet at han vil halde fram som hovedtrenar samtidig som han tar seg av G16. Frå dette laget har fleire spelarar alt fått sin debut denne sesongen. - Dei kan også utvikle seg mykje med god trening gjennom vinteren, og vi skal nok greie å bite godt frå oss neste år, seier Connor. Og kanskje blir laget i tillegg vesentleg forsterka. Vestesavisa skriv nemleg at Karl Arne Stokkeland (KFK), Marius Ulla (som har spelt i Ørsta i haustsesongen) og Ørjan Tangen (kvileår) er på ønskelista, i tillegg til ÅIFs toppskårar Markus Brudeset. Brudeset trente med klubben også før denne sesongen, men ein overgang vart stoppa då.

Add a comment
 
Klare for 4. divisjon 2017!
laurdag 29. oktober 2016 16:52

Vestnes Varfjell sikra vidare spel i 4. divisjon etter seier 4-1 og samanlagt 7-5 mot Malmefjorden/Ekko/Aureosen laurdag. I ein spennande og jamn finalekamp vart Elling Olafsen den store helten med 3 mål i andre omgang. Veteranen Trond Klokset utlikna til 1-1 i første omgang etter at gjestane tok ei tidleg leiing. Klokset vart også felt før straffesparket som gav Vestnes Varfjell 2-1 og dermed leiinga samanlagt kvarteret før slutt. Olafsen sette straffen kontant i mål (sjå video), og seinare putta han også på til 3-1 og 4-1.

Romsdals Budstikke om kampen | Videoar i VarfjellTV

 

Vestnes Varfjell opna famlande i regnbygene og kommunikasjonssvikt mellom keeper og forsvar serverte gjestane 1-0 alt etter seks minutt. Dermed måtte laget skåre minst to gongar for å berge plassen. Det tok eit kvarter før heimelaget greide å produsere noko som kunne skremme eit kompakt gjeste-forsvar. Justin Sætre fann nesten Tommy Kanishi framom mål, medan Vegar Skare kom nære på ein corner. Utlikninga kom på heldig vis midtvegs i omgangen. Trond Klokset fekk til ei halvvegs avslutning som med litt hjelp frå Malmefjorden/Ekko/Aureosen trilla over streken. Same Klokset skaut over på direkten ti minutt seinare. Heilt mot slutten av omgangen hadde Kanishi eit godt skot som keeper redda meisterleg. Ei heading utanfor frå Elling Olafsen på ein corner var det siste som skjedde i første omgang.

 

Vestnes Varfjell gjekk hardt ut etter pause. Kanishi fossa fram på venstresida og fann Olafsen framom mål, men kom seg berre nesten forbi keeper. Det same gjentok seg etter eit kvarter.

Gjestane heldt stand og eit slitent og etter kvart skadeplaga heimelag såg lenge ikkje ut til å sette inn nok press til å avgjere kampen. Det bildet snudde etter halvtimen då Trond Klokset drog seg fri innanfor 16-meteren og vart felt. Reaksjonen på den skuldige i Malmefjorden-forsvaret (sjå video) tydar på at dommar Modolf Hlm gjorde rett i å peike på 11-metersmerket. Olafsen sette ballen hardt til side for keeper slik han også gjorde det i forrige kamp.

 

Dermed var det gjestane som måtte fram for å skåre, og det kampbildet passa Vestnes Varfjell betre. Amund Stavem, tilbake frå strekkskade, fekk herje friare og etter 86 minutt fann han Olafsen som enkelt kunne auke til 3-1. Angrepet starta med at Kanishi raga høgast og braut eit utspel. På overtid fullførte han sitt hattrick ved å sette ballen i ope mål mot eit utspelt gjesteforsvar der Kanishi var servitør etter å ha lurt ein utrusande keeper.

 

Kampen hardna til i takt med at frustrasjonen steig i laget frå Fræna. Dommar Modolf Holm, som hadde god kontroll, delte ut fem gule kort og eitt raudt heilt på slutten etter eit fysisk angrep på Justin Sætre i etterkant av ein duell. Spelarar frå Vestnes Varfjell vart notert tre gongar i dommaren si bok.

 

Letta heimespelarer kunne sleppe jubelen laus og sjå fram mot ein ny sesong i 4. divisjon. Den blir tøffare enn på mange år. Haustsesongen ber bod om at Vestnes Varfjell bør kunne hevde seg betre enn i år der ein vårsesong med berre eitt poeng er hovudårsak til at laget i det heile måtte ut i desse kvalifiseringskampane.

 

Kampfakta:

Vestnes Varfjell - Malmefjorden/ Ekko/Aureosen 4-1 (1-1), samanlagt 7-5

Kvalifisering for 4. divisjon 2017, 2. kamp

Vestnes idrettspark, laurdag 29. oktober 2017 kl 16

Tilskuarar: 85

Mål:

0-1 (6) Thomas Røsok

1-1 (23) Trond Klokset

2-1 (75) Elling Olafsen, straffespark

3-1 (85) Olafsen

4-1 (89) Olafsen

Dommar: Modolf Holm, Isfjorden

Assistentdommarar: Arild Ødegård, KFK og Johannes Remøy, Rival

Raudt kort: Daniel Røsok, M/E/A (89)

Gult kort: VV: Amund Stavem (45), Justin Sætre (59) og Sivert Nerheim (72). M/E/A: Sindre Julbø (30), Thomas Røsok (44), Erlend Holmen (52), Preben Gjerdseth Lyngstad (77) og Even Stavik Melsæter (81)

Vestnes Varfjell (4-3-3): Adrian Gabrielsen: Justin Sætre, Svein Erik Lange Male, Nirut Mjøs, Magnus Nerheim - Trond Klokset (Yngve Solevågseide 77.), Vegar Skare, Sivert Nerheim - Amund Stavem, Elling Olafsen, Tommy Kanishi Andreassen (Juan Rikard Larsen 90.)

Add a comment
 
Eitt mål å ta att i kvalifiseringa
onsdag 26. oktober 2016 19:25

Vestnes Varfjell var i leiinga 3-1, men tapte til slutt 3-4 borte mot samarbeidslaget Malmefjorden /Ekko/Aureosen i første kamp om retten til å spele i neste års 4. divisjon. Dermed må laget vinne med minst eitt mål i returkampen på Vestnes laurdag klokka 16. To angrepsvillige lag hadde kvar sin omgang på Ekkobanen. KAMPEN VART SENDT DIREKTE PÅ FACEBOOK HER (2. omgang her)

Heimelaget starta kampen i regnbygene på Jendem med to halvsjansar før Vestnes Varfjell tok over anført av ein god Vegar Skare på midtbana. 20 minutt var spelt då ein av heimelagets spelarar handsa innafor 16-meteren. Elling Olafsen sette straffesparket kontant i mål.

 

Malmefjorden/Ekko/Aureosen var farleg når dei sette fart framover, og ti minutt etter kom Erlend Holmen seg forbi Varfjell-forsvaret. Skotet frå spiss vinkel gjekk i mål via stolpen.

 

Så var det klart for kveldens høgdepunkt. Vegar Skare trekte seg fri frå rundt 25 meter og klinte ballen heilt opp i krysset. Mindre enn ti minutt seinare ville Tommy Kanishi Andreassen ikkje vere dårlegare då han han skar innover og plasserte ballen ved stolpen til leiing 3-1. I mellomtida hadde Sivert Nerheim ein stor sjanse der avslutninga gjekk i nettveggen.

 

No såg det svært lyst ut for Vestnes Varfjell som burde ha som mål å halde leiinga til pause. Det gjekk ikkje, for rett før kvilen slapp keeper eit innlegg. Ballen vart først redda på strek før reduseringa sat i mål til pauseresulat 2-3.

 

Målet gav heimelaget trua og dei gjekk hardt ut etter pause, men Vestnes Varfjell-forsvaret og målvakt Adrian Gabrielsen rydda opp det som kom. 65 minutt vart spelt då Tommy Kanishi kom igjennom, men dessverre gjekk avslutninga i stolpen og utanfor. Så var Justin Sætre igjennom, men keeper fekk blokkert.

 

Utlikninga kom med ein liten havltime att å spele. Eit framspel i bakrommet vart ekspedert kontant i mål. Så trudde alle at Sætre hadde sendt Vestnes Varfjell tilbake i leiinga. Skotet gjekk i mål, men dommar Terje Sorthe annullerte etter å ha snakka med sin assistentdommar som meinte ein Vestnes Varfjell-spelar hadde stått i offside framom mål. I staden gjekk heimelaget i leiinga for første gong i kampen då dei heada i mål på ein corner. Erlend Holmen vart tremålsskårar. Vestnes Varfjell prøvde seg på ein liten sluttspurt, men pumping av lange ballar fromover gav ikkje uttelling.

 

Konklusjon: Malmefjorden/Ekko/Aureosen var eit fysisk tøft lag med raske angriparar. Det er ikkje tilfeldig at dei berre har tapt ein kamp i heile sesongen i 5. divisjon. Det skal likevel ikkje vere umogleg å ta att eittmålsleiinga til laget frå Fræna og Aukra. Nirut Mjøs er venta tilbake, medan det framleis er usikkert med strekkskaden til storskårar Amund Stavem. Trond Klokset vikarierte igjen i midtforsvaret og blir ein viktig mann også laurdag med si rutine. Elles debuterte Sondre Adrian Tomren på A-laget då han kom inn for trenar Alexander Connor. Sondre er yngre bror av Simon på Brattvåg og gjorde sine saker bra dei minutta han fekk spele.

 

Kampfakta:

Malmefjorden /Ekko/Aureosen - Vestnes Varfjell 4-3 (2-3)

Kvailfisering for 4. divisjon, første kamp

Ekkobanen, 75 tilskuarar

Onsdag 26. oktober 2016 kl 19

Mål:

0-1 (21) Elling Olafsen, straffespark

1-1 (31) Erlend Holmen

1-2 (32) Vegar Skare

1-3 (38) Tommy Kanishi Andreassen

2-3 (45) Holmen

3-3 (65) Mathias Hollen

4-3 (75) Holmen

Dommar: Terje Sorthe, Hjelset-Kleive

Gult kort: Sivert Nerheim og Justin Sætre, to til Malmefjorden/Ekko/Aureosen

Vestnes Varfjell (4-3-3): Adrian Gabrielsen; Yngve Solevågseide (Adrian Liabø 80.), Svein Erik Lange Male, Trond Klokset, Magnus Nerheim - Alexander Connor (Sondre Adrian Tomren 85.), Vegar Skare, Sivert Nerheim - Justin Sætre, Elling Olafsen, Tommy Kanishi Andreassen

Add a comment
 
Kanishi: - Spelar i 4. divisjon også neste år!
onsdag 19. oktober 2016 19:30

Vestnes Varfjell-spelar Tommy Kanishi Andreassen er intervjua i "sportsprofilen" i Bygdebladet onsdag. Her blir han mellom anna spurt om dei komande kvalifiseringskampane mot Malmefjorden/Ekko/Aureosen. - Eg har tru på at vi skal halde plassen. Men det blir ikkje lett, og vi må prestere opp mot vårt beste. M/E/A har ikkje tapt meir enn ein kamp i år, minner han om. Han snakkar også om fotballkarriera så langt sidan oppstarten som lilleputt i Tresfjord til høgdepunkt med opprykk og spel i 2. divisjon med Brattvåg. Han fortel også at speidar Jan Fuglseth oppdaga han i ein G16-kamp mot Molde der han skulle følge Magnus Wolff Eikrem. Det kunne ha resultert  i eit treningsopphald med Herenveen i Nederland. - Sjølv fekk eg ikkje vite om det før seinare, og eg har skjønt at familien meinte eg var for ung til å reise ut, seier Tommy til avisa. Eit treningspphald med Hødd vart stoppa av vonde anklar. Avisa kan bli lasta ned her mot betaling.

Add a comment
 
Må ut i kvalik for å berge plassen
laurdag 15. oktober 2016 15:04

Tap 0-3 mot AK og dermed må me ut i kvalik for å berge plassen i 4. divisjon. Seriemestrene skåra to mål på heading etter corner før pause og auka til 3-0 på overtid ved toppskårar Christoffer Folland sitt 43. mål for sesongen. AK var hakket betre, sjølv om heimelaget hang godt med. Det næraste laget kom redusering var eit skot i tverrliggaren frå Jonas Lervik og ein lobb over keeper frå Magnus Nerheim. Amund Stavem, som skåra fire mål sist, måtte ut med skade tidleg og er også usikker til kvalifiseringskampane. Også Svein Erik Lange Male og Justin Sætre var ute. Elnesvågen gjekk forbi på målforskjell etter at dei vann 3-1 mot Tingvoll i sin kamp, begge lag hadde 16 peong. Åndalsnes rykker ned saman med Tingvoll. Motstandar i kvalifiseringa blir Malmefjorden/Ekko/Aureosen som vann 5. divisjon der dei tok heile 59 poeng og berre tapte ein kamp. Kampane blir spelt onsdag 26. klokka 19 på Ekkobanen og laurdag 29. oktober kl 16. Vestnes Varfjell  har heimekamp til slutt.

Laget: Adrian Gabrielsen - Yngve Solevågseide - Adrian Liabø - Sivert Nerheim - Nirut Mjøs - Alexander Connor - Vegar Skare - Magnus Nerheim - Tommy Kanishi - Amund Stavem - Elling Olafsen
Knut Stian Eik for Amund Stavem 15m
Jonas Lervik for Alexander Connor 75m
Liam Connor for Knut Stian Eik 85m
Tilskuere: 60

Add a comment
 
Avgjerande kamp laurdag kl 15
torsdag 13. oktober 2016 19:27

Laurdag klokka 15 tek Vestnes Varfjell imot tetlaget Averøykameratene i siste serierunde iårets 4. divisjon. Heimelaget er alt sikra å unngå direkte nedrykk, men må nok ha minst eitt poeng for å unngå 10.-plassen som gir kvalifisering over to kampar mot vinnaren av 5. divisjon, som ser ut til å bli Malmefjorden/Ekko/Aureosen. Vestnes Varfjell kan i teorien også klare seg med eittmålstap, men då må Elnesvågen ikkje vinne med meir einn eitt mål mot botnlaget og alt nedrykksklare Tingvoll.  AK sikra seg seriemeisterskapet ved å vinne 3-0 mot Sunndal sist og har vore suverne med berre tre tap og resten sigrar på heile sesongen. Lagets og avdelingar toppskårar, Christoffer Folland har aleine skåra over 40 av måla! Vestnes Varfjell, på si side, kjem frå to kampar der laget har vunne 7-2. Toppskårar Elling Olafsen er tilbake frå karantene. AK vann 6-1 i vårkampen. Tilsvarande oppgjer i gjor endte 0-1. Oversikt over tidlegare oppgjer finn du her. Møt opp og støtt Vestnes Varfjell i denne viktigen kampen!

Add a comment
 
Innfridde i kampen vi måtte vinne
søndag 09. oktober 2016 21:20

Alexander Connor var i Skottland, så Knut Øyvind Hoem ledet laget mot Eidsvåg. Her er hans rapport fra kampen:

"Dette var en kamp vi måtte vinne for med tanke på å unngå nedrykk, og gutta innfridde! Det er ikke vits å bruke for mye spalteplass på denne kampen, da vi var klart best hele kampen. Der hadde ikke vært noe å si på om seieren hadde vært større. Gutta fulgte kampplanen og var på hugget. Vi produserte veldig mye og var solid i alle ledd. Elling, som puttet fire mål forrige kamp, måtte sone karantene for tre gule kort, men Amund fyrte på alle "sylindrene" og puttet fire i denne kampen slik at savnet av toppscoreren ikke var merkbart. Svein Erik ble skadet i forrige kamp, så derfor ble Trond Klokset med som stopper. Han utførte den oppgaven med glans. Nå er det bare å nullstille oss til lørdag når seriemester AK kommer på besøk."

Eidsvåg om kampen

 

Laget 4-3-3: Adrian Gabrielsen, Magnus Nerheim , Trond Klokset (80 Håkon Kjørvik), Nirut Mjøs, Justin Sætre, Tommy Andreassen (90 Liam Connor),  Sivert Nerheim, Yngve Solevågseide (85 min Knut Stian Eik), Vegar Skare, Amund Stavem (70 min Adrian Liabø) og Karl Edvard Bredeli (60 min Juan Larsen)

Gult kort: Nirut Mjøs

 

 

Mål:

 

 

0-1 Amund

 

 

0-2 Amund

 

 

0-3 Amund

 

 

0-4 Tommy

 

 

1-4 Odne Bakken

 

 

1-5 Sivert

 

 

1-6 Amund

 

 

2-6 Einar Olav Brakstad

 

 

2-7 Tommy

Add a comment
 
Stavem x 4 og ny storseier
søndag 09. oktober 2016 15:22

Vestnes Varfjell vann 7-2 for andre helg på rad då laget slo Eidsvåg på bortebane søndag. Amund Stavem skåra fire mål, dei andre vart sett inn av Tommy Kanishi 2 og Sivert Nerheim. Andre resultat AK-Sunndal 3-0, Eide-Tigvoll 2-5, Frei-ÅIF 3-2,Tomrefjord-Elnesvågen 2-0, Træff 2- KBK 2 1-3. Gratulerer til AK som seriemester i 4. divisjon 2016! Nettopp AK er gjestar i siste serierunde på Vestnes. Vestnes Varfjell er no sikra minst kvalik, men må ha eitt poeng i siste kamp for å halde tre lag bak seg på sluttabellen. Meir seinare

Add a comment
 
G16: Heimetap mot Molde 2
onsdag 05. oktober 2016 19:16

Den utsatte kampen i G16  1. divisjon vart spelt onsdag kveld. Den endte dessverre med tap 3-4 for våre gutar etter at det sto heile 1-4 ved pause. To reduseringar i andre omgang var altså ikkje nok til å sikre poeng. Målskårarar var Liam Connor, Arjan Sylte og Knut Stian Eik. Kampfakta. Videoar kjemp i VarfjellTV. Foto: Asbjørn Vik

Add a comment
 
VarfjellTVs Asbjørn Vik i serien "Min klubb"
onsdag 05. oktober 2016 19:14

Les om vår superfotgraf Asbjørn Vik i Romsdals Budstikke

Add a comment
 
Olafsen x 4 og ny viktig seier
fredag 30. september 2016 20:39

Stenødegård og Eik.Vestnes Varfjell slo Frei 7-2 fredag og tok nye viktige poeng i kampen for fornya kontrakt i 4. divisjon. Elling Olafsen 4, Amund Stavem 2 og Tommy Kanishi skåra måla i ein sjanserik kamp i Vestnes idrettspark. VIDEO I VARFJELL-TV

Tommy Kanishi Andreassen slo an tonen alt etter eitt minutt, men avslutninga gjekk over. Så sendte Amund Stavem i veg eit skot som traff stolpen. I andre enden var Frei nærme då spelande trenar Roar Henden traff tverrliggaren med ei frispark frå langt hald.

Midtvegs i omgangen fekk endeleg heimelaget uttelling for presset, og då kom det like godt to på ein gong. 1-0 kom ved Tommy Kanishi Andreassen som sette sitt første etter returen frå Brattvåg då han sette ballen i mål frå bakre stolpe. Innlegg:.Amund Stavem. Minuttet etter plasserte Amund Stavem ballen forbi keeper med eit skot frå 16 meter. 3-0 kom etter kampens finanste angrep. Justin Sætre spelte fram Amund Stavem som sendte ein stilkkar til Vegar Skare som fann Elling Olafsen framom mål. Spissen kunne enkelt sette inn sitt første mål for kvelden.

 

Frei hadde lite å by på før pause, men like før kvilen utnytta dei eit veldig offenstivt heimelag. Ein lang ball vart heada vidare til Rune Flatsetøy som sette ballen forbi keeper. Linjedommaren heldt flagget nede, men heimebenken og fansen ropte på offside, men videoen viser at Rolf Erik Pedersen hadde rett.  Uansett 3-1 til pause.

 

Andre omgang starta som den første med Vestnes Varfjell i førarsetet. Olafsen hadde ein stor sjanse før Amund Stavem - som var ein konstant trussel mot Frei-forsvaret - plasserte ballen forbi keeper med eit fint skot til 4-1. Tommy Kanishi var servitør.

 

Frei hadde nokre gode kontringar i første halvdel av andre omgang, med keeper Adrian Gabrielsen rydda opp. Elling Olafsen skaut i tverrliggaren og Tommy Kanishi vart hindra av ei keeper-redning, før ballen igjen sat i nota kvarteret før full tid. Amund Stavem la inn til Olafsen som heada i mål. Yngve Solevågseide hadde sjansen til å auke ytterlegare, men skaut i nettveggen. Så reduserte Frei igjen etter at 15 år gamle William Dahlen sette ballen forbi ein utrusande keeper.

 

Dei siste ti minutta vart innhaldsrike. Frei redda to gongar på streken, medan innbyttar Knut Stian Eik hadde ei fin dragning med påfølgande skot utanfor. Så tok Elling Olafsen ballen og gjekk igjennom og sette inn 7-2 før same mann fullførte sitt hattrick i andre omgang med å flikke ballen til seg sjølv med hælen, runde keeper og fastsette sluttresultatet til 7-2.

 

Ein godt gjennomført kamp av heimelaget som måtte ha tre poeng. No ventar knalltøffe kampar borte mot Eidsvåg og heime mot serieleiar AK før me veit om laget får plass i neste års 4. divisjon. To lag rykker rett ned med mindre KFK bidreg med eit lite under og bergar seg i 3. divisjon. 3. sisteplass gir kvalifisering mot vinnaren av 5. divisjon (Malmefjorden/Ekko/Aureosen eller Clausenengen).

 

15 år gamle Glenn Stenødegård debuterte på A-laget. Han greide seg godt og viste både teknikk og fotballforståing dei minutta han fekk spele.

 

Eit skår i gleden var det at Elling Olafsen fekk sitt tredje gule kort for sesongen. Dermed må toppskåraren stå over mot Eidsvåg.

Kampfakta:

Vestnes Varfjell - Frei 7-1 (3-1)

Vestnes idrettspark - 40 tilskuarar

Fredag 30. september 2016 kl 19

Mål:

1-0 (22) Tommy Kanishi Andreassen

2-0 (23) Amund Stavem

3-0 (30) Elling Olafsen

3-1 (43) Rune Flatsetøy

4-1 (49) Stavem

5-1 (74) Olafsen

5-2 (82) William Dahlen

6-2 (89) Olafsen

7-1 (90) Olafsen

Dommar: Anders Skorpen-Trøen, Malmefjorden

Gult kort: Elling Olafsen og Justin Sætre, Vestnes Varfjell

Vestnes Varfjell (4-3-3):  Adrian Gabrielsen; Justin Sætre, Svein Erik Lange Male, Nirut Mjøs, Magnus Nerheim - Yngve Solevågseide (Glenn Stensødegård 83.), Vegar Skare, Sivert Nerheim - Amund Stavem (Knut Stian Eik 78.), Elling Olafsen, Tommy Kanishi Andreassen

 

 

 

 

 

 

Add a comment
 
Starta kvar omgang med baklengs
søndag 25. september 2016 16:14

Træff 2 skåra i første minutt av kvar omgang og vann til slutt 3-1 mot Vestnes Varfjell i 4.divisjonskampen på Reknesbanen søndag. Gjestane hang godt med i ein omgang og hadde mange store sjansar til utlikning. Træff 2 brente eit straffepark som Adrian Gabrielsen redda på glimrande vis. Etter pause hadde Træff god kontroll. Elling Olafsen reduserte mot slutten. Etter at Åndalsnes slo Tingvoll fredag, er laget dermed under streken att. KFK, som me helst skal ha på ein av dei 4 (kanskje 5) sikra plassane i 3. divisjon sakkar også akterut etter tap 2-3 mot Spjelkavik laurdag - trass i skåring av tidlegare Vestnes Varfjell-spelar Karl Arne Stokkeland.

 

Vestnes Varfjell sov i åpninga denne varme haustdagen med over 20 varmegrader. Træff gjekk rett i angrep og sette ballen i mål etter at Varfjell-forsvaret ikkje greide å klarere etter ein corner.

 

Kampen jamna seg ut og Vestnes Varfjell var fleire gongar nære utlikning. 11 minutt: Skot frå Amund Stavem, Tommy Kanishi er på returen, men keeper reddar. 15 minutt: Vegar Skare er igjennom, men keeper får igjen ei hand på avslutninga.

 

Så treff Træff stolpen før dommaren meiner at Justin Sætre feller ein Træff-spelar. Andre vil seie at han tok ballen. Gabrielsen reddar 11-meteren frå Tangen. Halvtimen spelt no. 34 min: Amund Stavem rundar keeper, men kjem for langt ut til sida og får ikkje avslutta mot det opne målet. Ballen til corner der Elling Olafsen ragar høgast og headar like utanfor. Like etter skyt Kanishi like over på eit godt skot. Omgangen ebbar ut med 1-0 til heimelaget.

 

Andre omgang startar som den første. Træff 2 får gå enkelt igjennom og gjere 2-0. Vestnes Varfjell slit med å komme tilbake i kampen, og det er heimelaget som skapar dei fleste og største sjansane. Det hjelp heller ikkje at Kanishi må ut med skade. Vestnes Varfjell slit med å spele seg gjennom eit kompakt og aggressivt Træff-forsvar med ein god keeper Volden bakerst. 3-0 kjem på eit skot frå sida av 16-meteren etter 83 minutt.

 

Innbyttarane skaper litt ny fart i Vestnes Varfjell mot slutten. Håkon Kjørvik avsltuttar eit raid med skot i stolpen, ballen kjem i returen og er over streken, men dommaren meiner han var bak dørlinja først. På den påfølgande corneren set Elling Olafsen ballen i mål frå kloss hald. Uansett berre eit trøstemål i ein svak kamp totalt sett.

 

Gult kort: Adrian Gabrielsen, Vestnes Varfjell (4)

Vestnes Varfhjell (4-3-3): Adrian Gabrielsen; Justin Sætre (Håkon Kjørvik 85), Svein Erik Lange Male, Nirut Mjøs, Magnus Nerheim - Yngve Solevågseide (Adrian Liabø 79.), Vegar Skare, Sivert Nerheim - Amund Stavem (Knut Stian Eik 86.), Elling Olafsen, Tommy Kanishi Andreassen (Juan Rikard Larsen 69.)

Add a comment
 
« StartFørre12345678910NesteSiste »

Side 10 av 245

Generalsponsor

3_sbm_logo.jpg

Våre sponsorar

Nyeste kommentarer