Banner

Sesongmeny

Forrige kamp
Bane: Vestnes Idrettspark fre., 17. aug. 2018 19:00
Vestnes Varfjell
Varfjell
--- Forhånds
Kristiansund FK
KFK

Bane: Midsund stadion fre., 10. aug. 2018 19:00
Midsund
Midsund
3-2 Vestnes Varfjell
Varfjell

Resultater

Tabellen

# Team K Mål P
1 Sunndal 13 15 27
2 Tomref 13 16 26
3 KFK 13 30 25
4 Surnad. 13 19 25
5 ÅIF 13 29 24
6 Eide 13 15 23
7 Varfjell 13 -1 18
8 MIL/E/A 13 -1 17
9 AK 13 2 16
10 Midsund 13 -21 8
11 Elnesv. 13 -34 7
12 Træff2 13 -69 4

varfjell.no spør

Korleis går det i sesongen?
 
Tapte etter svak andreomgang
fredag 10. august 2018 20:56

Vestnes Varfjell fekk ein svak start på haustsesongen då Midsund vart for sterke fredag. Det såg lyst ut lenge og Vestnes Varfjell gjekk til pause med 2-1-leiing, men i andre omgang ville Midsund mest og vann fortent.

Kraftig regn og vind innbydde ikkje til fint spel på den tunge, men likevel gode grasmatta, men det vart likevel ein sjanserik og spennande kamp. Midsund hadde den første sjansen, før gjestane sette inn 1-0. Elling Olafsen sendte ein stikkar til Tommy Kanishi Andreassen som sette ballen forbi keeper etter kvarteret. Like etter kunne det stått 2-0, men skotet frå Vegar Skare gjekk rett på keeper.  Ei god redning frå Varfjell-keeper Fredrik Bergslid hindra 1-1 etter 29 minutt, men like etter sat utlikinga. Eit frispark vart stussa vidare inne i feltet og Midsund kunne sette ballen i mål frå kloss hald.

Markus Brudseth var frisk på venstrekanten i første omgang. Han hadde ein ball i mål, men vart avblåst på stillinga 1-0, og etter 32 minutt sette han opp Elling Olafsen, men avslutninga gjekk like utanfor. Så vart han sjølv spelt fri av Kanshi, men avslutninga vart for dårleg. Ti minutt før pause var han igjen på veg igjennom og runda keeper før han vart felt. Dermed straffespark, som Amund Stavem sette sikkert.

Midsund starta andre omgang best og etter berre sju minutt kom utlikinga. Eit innkast hamna inne i feltet der ein Midsund-spelar fekk sikte fritt og ballen fauk inn oppe i krysset. Vestnes Varfjell sleit med å få til noko som helst i denne delen av kampen, og Midsund var storst sett først på ballen samtidig som dei spede Varfjell-forsøka vart kontant stoppa. Bergslid måtte varte opp med ei ny god redning for å hindre 3-2, før Amund Stavem var nærme på eit frispark i andre enden. 20 minutt før slutt var det Midsund sin tur til å få straffespark etter felling av Svein Erik Lange Male. Dermed 3-2, men framleis tid for Vestnes Varfjell å få noko ut kampen.  Laget prøvde seg på ein sluttspurt, men sleit med å skape dei heilt store sjansane. Dermed kunne Midsund, som har tapt mange jamne heimekampar i år, juble for tre viktige poeng.

Neste kamp for Vestnes Varfjell er mot Kristiansund FK heime fredag klokka 19.

Kampfakta:

Midsund - Vestnes Varfjell 3-2 (1-2)

4. divisjon Nordmøre/Romsdal, fredag 10. august 2018 kl 19.05

Midsund stadion (gras), 45 tilskuarar (5 Vestnes)

Mål:

0-1 (15) Tommy Kanishi Andreassen

1-1 (31)

1-2 (37) Amund Stavem, straffespark

2-2 (52)

3-2 (69)

Gult kort: 2 til Midsund

Dommar: Erik Hyldbakk Furu, CFK

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Liam Connor (Jarle Løvik Salte 41.), Ørjan Tangen (Jonas Lervik 84.) - Vegar Skare, Tommy Kanishi Andreassen, Magnus Nerheim - Amund Stavem (Ørjan Tangen 90.), Elling Olafsen (Knut Stian Eik 83.), Markus Brudseth

 

Add a comment
 
Ferien over: Møter Midsund borte i kveld
fredag 10. august 2018 11:47

A-laget møter Midsund på bortebane i første kamp i haustsesongen i kveld klokka 19. Midsund ligg i nedre del av tabellen, men har spelt jamnt heime med fleire av topplaga. Vestnes Varfjell sleit seg til ein 3-1-seier i første møtet mellom laga i vår. Oversikt over tidlegare kampar her. Midsund har spelt 3-3 mot Norborg/Brattvåg 2 i ein treningskamp og er ifølge lokalavisa Midsundingen i rute til haustsesongen. Det er meldt kraftig regn og vind i kveld, men forhåpentlegvis blir det gode speleforhold på ei god grasmatte.

Add a comment
 
David Sissiko innbyttar i tredje kamp
fredag 10. august 2018 09:11

David Sissoko fekk notert sin tredje landskamp for Norge då han kom innpå på slutten i gruppefinalen i nordisk meisterskap mot Island torsdag. Han fekk ikkje tid til å utrette stort, men hadde ein nestensjanse like etter at han kom innpå. Kampen endte i et 1-2-tap. Dermed blir det spel om 3.plassen mot Danmark laurdag klokka 12. Kampen mot Island ligger i opptak her.

Add a comment
 
Sissoko frå start mot Færøyene
tysdag 07. august 2018 16:52

David Sissoko spelte frå star for Norge som slo vertsnasjonen Færøyene 2-0 i nordisk meisterskap kl 19. Sjå kampen i opptak her.

David kom til nokre nestesjansar, men var nest sist på ballen då han stussa vidare til Robin Skrogstad som sette inn 1-0 målet. Same mann sette også inn 2-0. Etter 63 minutt vart Sissoko bytta ut. Kampen var spelt på Tórsvøllur, som er landslagsarenaen på Færøyene og ligg i hovedstaden Torshavn.

Neste kamp er mot Island torsdag klokka 19.

Skåringa i debutkampen mot Kina kan du sjå her (etter ca 23 min).

Add a comment
 
Sissoko matchvinnar i landslagsdebut!!
søndag 05. august 2018 17:29

Me gratulerer David Sissoko som søndag historisk som den første gutespelar frå Vestnes Varfjell på landslaget. Han kom innpå i andre omgang mot Kina i ope nordisk meisterskap på Færøyene og skåra like godt kampens einaste mål etter fem minutt på banen. Dermed fekk G16-landslaget ein god start på turneringa. Sissoko hadde også to andre store sjansar etter at han kom innpå. Landslagsstrenar Erland Johnsen seier dette om skåringa til fotball.no: - Han brøytet seg plass mellom stopperne etter en overgang og satte den kaldt og rolig da han kom alene med keeper.

Kampfakta og meir om kampen  kan du lese på NFFs nettsider her.

Neste kamp er mot vertsnasjonen Færøyene tirsdag.

Add a comment
 
Sissoko tatt ut på landslaget!
onsdag 18. juli 2018 07:57

Landslagstrener Erland Johnsen har tatt ut David Sissoko fra Vestnes Varfjell blant spillerne til nordisk mesterskap på Færøyene fra 3. til 11. august.

- Artig for både David og Vestnes Varfjell. Håper at han kan få vise seg fram, sier hans trener, Alexander Connor til varfjell.no.

Til Rbnett sier han:

- Den største fordelen hans er farta. Han har ekstremt høyt tempo og god styrke. Han har en x-faktor mange andre i den alderen ikke har. Men han har også mange ferdigheter å jobbe videre med,

David ble tatt ut på G15-landslaget i fjor, men da manglet han pass.

– Det var en enorm skuffelse for meg. Jeg trodde jeg skulle få norsk pass ganske så raskt, men det gikk så tregt at jeg ikke fikk passet før vi skulle til Tsjekkia, sier David Sissoko til Smp.no.

Rbnett har også snakket med landslagsstrener Erland Johnsen som sier:

- Han er god på det beste. Han har gjort seg fortjent til å være med. Det viktigste for David nå er kanskje å se hvor lista ligger internasjonalt og det får han nå. Han har spennende erfaring fra A-laget til Vestnes Varfjell. Jeg tror det er viktig for unge spillere å kjenne på fysikken i seniorfotball, sier Johnsen.

Vi gratulerer og ønsker lykke til!

Les om uttaket her

 

Add a comment
 
Tok ferie med heimetap
fredag 29. juni 2018 19:32

Vestnes Varfjell leverte ein svak kamp og tapte 0-2 heime mot Åndalsnes fredag. Gjestane starta friskast og tok leiinga etter 20 minutt. Aksel Berget Skjøsvik fann Ola Farkvam som sprang frå på venstrekanten og avslutta med skot forbi keeper. Det sto seg til pause. Heimelaget tok over etter kvilen, men sleit med å bryte ned ÅIF-forsvaret. Elling Olafsen og Amund Stavem hadde eit par forsøk, men det vart mykje nesten. Åndalsnes hadde faktisk dei største sjansane når dei kom på kontra. På overtid kom 0-2 ved Sindre Hammervold etter at Varfjell hadde sendt alle mann framover.

Kaptein Kanishi til Rbnett (plussartikkel, men kun kr 1 å logge seg på for tida) etter kampen:

- Dette var en veldig skuffende kamp for vår del. Det var lite som stemte, og vi klarte ikke å legge ned samme innsatsen som ÅIF-spillerne. Vi har et veldig høyt toppnivå i spillet vårt når det stemmer, men kanskje også det laveste nivået av alle på en dårlig dag.

Nokre bilde frå kampen

Kampfakta:

Vestnes Varfjell - Åndalsnes 0-2 (0-1)

Vestnes idrettspark, fredag 29. juni 2018 kl 19

Mål:

0-1 (19) Ola Farkvam

0-2 (90 + 2) Sindre Hammervold

Laget: Fredrik Bergslid, Håkon Kjørvik (Elling Olafsen 46.), Svein Erik Lange Male, Ørjan Tangen, Magnus Nerheim (Liam Connor 79.) - Vegard Ellingseter,Tommy Kanishi Andreassen, Sivert Nerheim - Amund Stavem, Markus Brudseth, Jarle Løvik Salte

100 tilskuarar

Dommar: Modolf Holm, Isfjorden

Gult kort: Ørjan Tangen, VVIL (20) og Aksel Berget Skjølsvik, ÅIF (76)

 

Add a comment
 
Møter Åndalsnes heime fredag klokka 19
torsdag 28. juni 2018 16:50

Vestnes Varfjell tar imot Åndalsnes til lokaloppgjer i 4. divisjon fredag klokka 19. Laga ligg likt i poeng, og Vestnes Varfjell har eit 2-3-tap frå seriepremieren å revansjere. Oversikt over tidlegare kampar her. Det er ikkje VM-kampar i dag, så ta turen og hei gutane fram til nye poeng. Kiosken er sjølvagt open!

Add a comment
 
Sissoko på leir blant landets største talenter
torsdag 28. juni 2018 16:41

144 av landets største talenter i alderen 14 til 16 år er samlet på Equinor Talentleir i Porsgrunn denne uka. Blant disse er Vestnes Varfjells David Sissoko. Han var med også i fjor, og gjorde det så godt at han ble tatt ut i landslagsstroppen. Muligheten for å spille med flagget på brystet ble imidlertid stoppet av at han manglet norsk pass. Nå er dette på plass, opplyser hans trener i Vestnes Varfjell, Alexander Connor. Ler mer om treningsleiren her. Foto: NFF Nordmøre/Romsdal

Add a comment
 
Sterk sluttspurt gav klar seier
fredag 22. juni 2018 20:56

Vestnes Varfjell måtte slite lenge, men vann etter kvart med klare 4-1 heime mot Træff 2 i 4. divisjon fredag. David Sissoko sendte heimelaget i ei tidleg leiing (sjå video av skåringa her) då han skaut til side for keeper etter forarbeid av Tommy Kanishi. Etter dette jamna kampen seg ut, utan fleire mål før pause. Træff 2 utlikna tidleg i andre omgang ved Eirik Kjørsvik (sjå video) på eit skot nesten i krysset. Vestnes Varfjell tok seg saman og etter at Tommy Kanishi hadde gitt ny leiing 20 minutt før slutt (sjå video), var det berre spørsmål om kor stor seieren skulle bli. Kapteinen tok igjen ansvar og skåra sikker aleine med keeper etter perfekt framspel frå Magnus Nerheim. Markus Brudseth og Svein Erik Lange Male skåra dei to siste måla, Brudeseth frå kloss hald (sjå video) etter innlegg frå Vegard Ellingseter, Lange Male på eit skot (sjå video her). Midstopparen flytta seg sjølv fram mot slutt og hadde fleire forsøk før han fann nettmaskene.

Amund Stavem sto over grunna sin strekkskade, men Elling Olafsen var tilbake frå sin ankelskade. Toppskåraren dei siste sesongane kom ikkje på skåringslista, men markerte seg med ein gong då han heada over på ein corner.

Knut Øyvind Hoem vikarierte som trenar i Alexander Connor sitt fråvær. Han var fornøgd med seieren, men ikkje med delar av kampen. I delar av første omgang var tempoet lavt og feilpasningane mange. Træff 2 hadde med 3-4 mann som heva laget opp frå det mannskapet som har tapt stort tidlegare i år, akkurat nok til å gje Vestnes Varfjell god motstand på ein dårleg dag.

- Me vinn greit til slutt. Starten er bra, men så slepp me oss nedpå slik at Træff får ulikne. Heldigvis skjerpar gutane seg, og etter 2-1 er me klart best, seier Hoem til varfjell.no.

Neste kamp er også heime. Åndalsnes kjem til Vestnes for å spele lokalderby fredag i det som er sist kamp før ferien. ÅIF tok sine første bortepoeng for sesongen då dei slo Tomrefjord 3-2 fredag.

VIDEOAR I VARFJELL-TV (foto: Asbjørn Vik | BILDEGALLER FRÅ KAMPEN HER

KAMPFAKTA:

Vestnes Varfjell - Træff 2. lag 4-1 (1-0)

Vestnes idrettspark, 40 tilskuarar

Mål:

1-0 (12) David Sissoko

1-1 (52) Eirik Kjørsvik

2-1 (70) Tommy Kanishi Andreassen

3-1 (72) Markus Brudeseth

4-1 (80) Svein Erik Lange Male

Dommar: Alexander Aarøe, Eidsvåg

Gult kort: Aksel Saga (47) og Edvard Khachatrjan (63), begge Træff 2

Vestnes Varfjell (4-3-3): Fredrik Bergslid; Håkon Kjørvik (Yngve Solevågseide 85), Svein Erik Lange Male, Ørjan Tangen, Magnus Nerheim (Jonas Lervik 76) - Vegard Ellingseter (Knut Stian Eik 84), Sivert Nerheim, Tommy Kanishi Andreassen (Vegard Ellingseter 87) - Jarle Løvik Salte (Elling Olafsen 62), Markus Brudseth, David Sissoko (Adrian Liabø 46)

 

Add a comment
 
Møter Træff 2 heime kl 19
fredag 22. juni 2018 10:54

Træff 2 er kveldens gjestar i Vestnes idrettspark. Ta fri frå VM-fotballen og få med deg litt fotball i levande live! Avspark klokka 19. Open kiosk.

Add a comment
 
Sterkt bortepoeng på Eide
fredag 15. juni 2018 20:11

Vestnes Varfjell var i leiinga to gongar, men det vart til borte mot Eide fredag. - Me tek med oss eit sterkt bortepoeng, men det kunne også vore tre, oppsummerer Varfjell-trenar Alexander Connor. Han såg laget sitt starte best og ta leiinga på ein corner frå Magnus Nerheim som tilsynelatande gjekk rett i mål. Eide kom sterk mot slutten av omgangen og Vestnes Varfjell var heldige som hadde 1-0 ved pause. Eide utlikna 20 minutt ut i andre omgang, men Vestnes Varfjell tok leiinga igjen på straffespark ved Svein Erik Lange Male. Tommy Kanishi vart felt på veg igjennom. Like etter kunne Vegar Skare sett inn 3-1, men keeper redda på corner. På den vart ballen sett i mål, men dommaren hadde blåst, noko Connor meiner det ikkje var grunn til. Eide sette inn ein sluttspurt, men Varfjell var farleg på kontringar. Utlikninga kom tolv minutt før fulø tid. Begge lag pressa på for seiersmålet, nærast for Varfjell var Skare som igjen kom aleine med keeper etter perfekt framspel frå Kanishi, som var banens gigant. Varfjell varta opp med mykje bra spel med mange tekniske detaljar og viste igjen at lager kan spele jamnt med dei beste laga i divisjonen. Meir seinare

Kampfakta

Eide og Omegn - Vestnes Varfjell 2-2 (0-1)

Eide kunstgressbane, 100 tilskuarar

Fredag 15. juni 2018 kl 19

Mål:

0-1 (16) Magnus Nerheim

1-1 (66) Ole Martin Lynstad Halås

1-2 (71) Svein Erik Lange Male, straffespark

2-2 (78) Paul André Farstad

Laget:  Fredrik Bergslid, Håkon Kjørvik (Vegard Ellingseter 64), Svein Erik Lange Male, Liam Connor, Ørjan Tangen - Sivert Nerheim, Magnus Nerheim, Tommy Kanishi Andreassen - Vegar Skare, Markus Brudeseth (Knut Stian Eik 87), Amund Stavem (David Sissoko 10 (Jarle Løvik Salte 64))

Dommar: Kurt Einar Ansnes. Kvass/Ulvungen

Gult kort: Ørjan Tangen (85) og, Liam Conor (90) Tommy Kanishi Andreassen (90)

Add a comment
 
Målbonanza då Surnadal vart slått
laurdag 09. juni 2018 15:17

Vestnes Varfjell sikra seg alle poenga då Surnadal vart slått 5-4 i Vestnes idrettspark laurdag. Heimelaget låg under tidleg, men snudde til 3-2 ved halv tid. Etter pause auka Varfjell til 5-2, før Surnadal kom med ein sluttspurt. Målskårarar: Daivs Sissoko 2, Tommy Kanishi Andreassen 2 og Jarle Løvik Salte 1.

VarfjellTV: Videoar frå kampen her | Bildegalleri frå kampen her

Med Fredrik Bergslid bortreist, sto Vestnes Varfjell uten alternativ på keeperplass til denne kampen. Venstreback Adrian Liabø tok utfordringa. Han har mellom anna stått litt i mål i innandørsturneringar, men dette var første gong på full bane. Dessverre vart starten verst tenkeleg for keepervikaren då Erik Andersen snappa ballen etter eit innlegg som keeper såg ut til å ha kontroll på. Varfjell-benken vile ha frispark for angrep på keeper, men dommar Alexander Aarø - med fortid som Varfjell-keeper - godkjente. SJÅ SKÅRINGA HER.

Vestnes Varfjell kom rakst til hektene og alt etter 18 minutt kom utlikinga då David Sissoko drog seg fri langs 16-meterstreken og avslutta med eit skot forbi keeper. SJÅ SKÅRINGA HER Så var det klart for Tommy Kanishi-show. Først fekk han ballen tilbake fra Sissoko før han avslutta med ein markkrypar i lengste hjørnet. Minuttet etter fekk han sikte frå same posisjon, og denne gongen var skotet velplassert oppe i nettaket. SJÅ SKÅRINGANE HER

Stein Todalshaug fekk redusere ein gong før pause då han curla ballen over keeper til pauseresultat 3-2.

Vestnes Varfjell gjekk rett i angrep etter pause og Sissoko auka til 4-2 etter at Markus Brudseth først skaut og tvang fram ein retur frå keeper. Så runda Sissoko keeper og la tilbake til Magnus Nerheim, men han skaut utanfor for omtrent ope mål. 5-2 vart det likevel då innbyttar Jarle Løvik Salte kom igjennom og avslutta forbi keeper etter forarbeid av Sivert Nerheim.

Dermed såg det ut til å gå mot ein grei heimeseier. Surnadal forsøkte seg med langskot som stort sett gjekk utanfor, men fem minutt før oridnær tid var over fekk dei straffespark etter ei felling av Magnus Nerheim. Stein Todalshaug sette den i mål, og like etter var Varfjell-forsvaret på gyngande grunn slik at Patros Simon Bokre reduserte enno ein gong. Dommaren lag til 6 og eit halvt minutt, mellon anna på grunn av vatnpause i varmen. Surnadal fekk ein sjanse heilt på slutten, men Vestnes Varfjell sikra seg tre velfortente poeng. Dei fekk også Vegar Brøske utvist for to gule kort på slutten etter tumultar med Svein Erik Lange Male då begge ville hente ballen ut av nettet etter 5-4-skåringa.

Dei to tomålsskårarane utmerka seg denne gongen. Også dei to sidebackane Ørjan Tangen og Håkon Kjørvik bidrog godt offensivt. Godt var også å ha Amund Stavem tilbake, sjølv om han ikkje heldt heile kampen fordi strekkskaden dukka opp att.

Neste kamp er borte mot topplaget Eide.

Kampfakta:

Vestnes Varfjell - Surnadal 5-4 (3-2)

4. divisjon Nordmøre/Romsdal

Vestnes idrettspark, laurdag 9. juni 2018 kl 15

90 tilskuarar

Mål:

0-1 (12) Erik Kvendset Andersen

1-1 (19) David Sissoko

2-1 (29) Tommy Kanishi Andreassen

3-1 (31) Kanishi Andressen

3-2 (33) Stein Todalshaug

4-2 (47) Sissoko

5-2 (80) Jarle Løvik Salte

5-3 (85) Todalshaug, straffespark

5-4 (87) Petros Simon Bokre

Dommar: Alexander Aarø, Eidsvåg

Raudt kort: Vegar Brøske, Surnadal (87) (to gule)

Gult kort: Vegar Brøske (30), Hallvar Næss (80), Surnadal. Svein Erik Lange Male (87), Vestnes Varfjell

Vestnes Varfjell (4-3-3): Adrian Liabø; Håkon Kjørvik, Svein Erik Lange Male, Liam Connor - Magnus Nerheim (Yngve Solevågseide 82.), Sivert Nerheim, Tommy Kanishi Andreassen - Amund Stavem (Jarle Løvik Salte 55.), Markus Brudeseth, (Vegar Skare 80.) David Sissoko (Vegard Ellingseter 84.)

Add a comment
 
Møter Surnadal laurdag kl 15
fredag 08. juni 2018 23:21

Vestnes Varfjell møter Surnadal på heimebane i 4. divisjon laurdag kl 15. Open kiosk og fint vêr. Møt opp og støtt heimelaget i kampen om poeng.

Add a comment
 
« StartFørre12345678910NesteSiste »

Side 1 av 248

Generalsponsor

3_sbm_logo.jpg

Hovedsponsor

salmarlogo.jpg

Ny sponsor:

vikelektro-logo.png

Våre sponsorar

Nyaste videoar

Klikk for å sjå

Nyeste kommentarer