Banner

Sesongmeny

Neste kamp
Bane: Vestnes Idrettspark søn., 22. mai. 2022 15:00
Vestnes Varfjell
Varfjell
--- Forhånds
Træff 2
Træff2

Forrige kamp
fre., 13. mai. 2022 19:00
Kristiansund FK
KFK
1-4 Vestnes Varfjell
Varfjell

Tabellen

4. divisjon Nordmøre/Romsdal 2022

# Team K Mål P
1 Dahle 4 11 10
2 Sunndal 4 5 10
3 KBK 2 4 10 9
4 Surnad. 4 0 9
5 Eide 4 -2 6
6 Midsund 4 -4 6
7 ÅIF 4 5 5
8 Varfjell 4 1 5
9 KFK 4 -1 4
10 Tomref 4 -3 4
11 Træff2 4 -10 0
12 Malmefj. 4 -12 0

varfjell.no spør

Korleis går det i sesongen?
 
Sjansebonanza og årets første seier mot ti mann
fredag 13. mai 2022 20:45

(KFK/CFK - Vestnes Varfjell 1-4) Mål av Tor-Bjarne Løvik Salte, Liam Connor, Adrian Kosinski og Elling Olafsen sytte for at Vestnes Varfjell tok årets første trepoengar då laget møtte KFK/CFK i Kristiansund fredag. Gjestande styre det meste av kampen etter at heimelaget vart redusert til ti mann alt etter 12 minutt. Særleg i andre omgang dominerte Vestnes Varfjell stort og brente ei rekke sjansar utanom dei som resulterte i skåringar.

 

Kampen opna med ein stor sjanse til kvart av laga. For Varfjell var Liam Connor nærme etter eit frispark som endte i retur frå keeper.

 

12 minutt var spelt på Kristiansund stadion då situasjonen som sette sitt preg på resten av kampe skjedde. Adrian Kosinski var på veg igjennom då KFK-målvakt Anders Gausen tok ballen med hendene utanfor eigen 16-meter. Dermed raudt kort og heimelaget måtte spele resten av kampen med ein spelar mindre. Frisparket som vart dømt vart sett like utanfor krysset av Oliver Connor Søreng. (SJÅ VIDEO AV FRISPARKET HER)

 

Med ein mann meir på banen, tok Vestnes Varfjell over. Adrian Kosinski lobba over som ein forsmak på det som skulle komme. Etter 27 minutt sat endeleg ballen i mål. Tor-Bjarne Løvik Salte var på rett plass på bakre stolpe etter innlegg frå Lars-Helge Lien. Så var det Håvard Nybråten sin tur, men skotet gjekk hardt rett på keeper. 0-2 kom likevel etter ein halvtime. Eit lurt frispark-trekk endte med innlegg frå Stavem til Liam Connor som sette ballen i mål.

 

Heimelaget hadde nokre spede forsøk i andre enden  og Owen Connor måtte varte opp med ei feberredning. Reduseringa kom likevel like før pause etter det som truleg var ei halding på innlegg inn i feltet. Ali Hamodi sytte før at det sto 1-2 då laga gjekk til pause.

 

Andre omgang vart stort sett einvegskøyring mot KFK-målet. No fekk Varfjell verkeleg fart på angrepsspelet noko som også gav heimelaget mange gule kort for etterslengar. 1-3 kom likevel ikkje før ein time var spelt då Adrian Kosinski runda keeper og sette ballen i mål. Nybråten og Salte hadde begge skotforsøk frå kloss hald, men traff berre keeper. Svein Erik Lange Male heada i stolpen etter ein corner. Elling Olafsen skapte to-tre gode sjansar som innbyttar før han endeleg kunne sette inn sesongens første skprng. Skotet frå hjørnet av 16-meteren smatt inn helit nede ved stolperota. Dermed endte kampen 1-4, og som i fjor kom årets første seier på Kristiansund stadion.

 

Amund Stavem var kampens store spelar. Kapteinen for kvelden var høgt og lågt og arkitekten bak det eine angrepet etter det andre med sin presise pasningsfot.

 

– Det løyste seg for oss offensivt, det var det som gjorde utslaget, seier trenar Alexander Connor til Vestnesavisa.

 

Neste kamp er heime mot Træff 2 måndag 23. mai.

 

KAMPFAKTA

KFK/CFK - Vestnes Varfjell 1-4 (1-2)

Seriekamp, 4. divisjon Nordmøre/Romsdal, fredag 13. mai 2022 kl 19

Kristiansund stadion 45 tilskuarar (5 Vestnes)

Mål:

0-1 (27) Tor-Bjarne Løvik Salte

0-2 (32) Liam Connor

1-2 (44) Ali Hamonid, straffespark

1-3 (67) Adrian Kosinski

1-4 (86) Elling Olafsen

Dommar: Simon Sandvik, Elnesvågen

Raudt kort: Anders Gausen, KFK/CFK (12)

Gult kort: Tor-Bjarne Løvik Salte (83), 5 til KFK/CFK

Vestnes Varfjell (4-3-3): Owen Connor: Juan Rikard Larsen, Svein Erik Lange Male, Liam Connor, Lars-Helge Lien - Tor-Bjarne Løvik Salte, Amund Stavem (k), Oliver Connor Søreng - Håvard Nybråten (Airilas Skirgaila 88.), Knut Stian Eik (Elling Olafsen 62.), Adrian Kosinski (Dag Christian Maier 88.)

Add a comment
 
Gav seriefavoritten god kamp, men årets første tap
fredag 06. mai 2022 20:49

(Vestnes Varfjell - Kristiansund BK 2 2-4) Vestnes Varfjell gjekk på årets første tap då KBK 2 gjesta Vestnes idrettspark fredag. Heimelaget opna best og tok leiinga på eit frispark ved Amund Stavem, men tre skåringar like før og like etter pause øydela sjansane for poeng. Vestnes Varfjell pressa på mot slutten, men makta berre ei redusering ved Håvard Nybråten mot laget dei fleste har tippa som vinnar av årets 4. divisjon.

 

SJÅ BILDEGALLERI HER | SJÅ KAMPEN I OPPTAK I VARFJELL-TV

 

Heimelaget gjekk ut utan respekt mot eliteserie-rekruttane frå Nordmøre, og det var ikkje ufortent at laget fekk det første målet. Amund Stavem lada venstrefoten på frispark like utanfor hjørnet av 16-meteren, og ballen fauk inn i lengste hjørne.

 

KBK 2 hadde som venta ballen mykje, men greide ikkje skapte mykje mot eit godt Varfjell-forsvar. Først mot slutten av omgangen vart det verkeleg fare på ferde. Først redda Owen Connor eit godt forsøk, før gjestane fekk 2-3 sjanar før siste retur satt i mål. 1-1 ved halv tid.

 

Det var ei regn- og vindfull avslutning på kampen, og etter pause kom KBK med ein liten storm mot Varfjell-målet. Heimelaget greide ikkje å henge med på 1-2. 1-3 kom på eit frispark og styring inne i feltet, mens Varfjell-forsvaret igjen var utspelt då KBK 2 kom igjennom og auka til 1-4. I mellomtida hadde Vestnes Varfjell eit par gode sjansar på ein corner og der Vegar Skare sklei då han skulle sette ballen i mål etter at KBK-målvakta mista ballen.

 

Med eit kvarter att å spele, mobiliserte heimelaget til ein sluttspurt, men det vart med den eine reduseringa som kom på eit frekt skot frå rundt 30 meter signert Håvard Nybråten. Venstrekanten oppfatta at keeper sto langt ute og sendte i veg eit skot som endte opp i nettmaskane.

 

Alt i alt ein OK prestasjon av eit Vestnes-lag mot KBK 2 denne gongen, sjølv om det ikkje heldt til poeng. Neste fredag er det Kristiasund igjen, då er det også klart for årets første bortekamp mot KFK/CFK.

 

KAMPFAKTA:

Vestnes Varfjell - Kristiansund BK 2 2-4 (1-1)

4. divisjon Nordmøre/Romsdal, fredag 6. mai 2022 kl 19

Vestnes idrettspark, 75 tilskuarar

Mål:

1-0 (17) Amund Stavem

1-1 (34) Awet Ermias Alemseged

1-2 (51) Leander Næss Alvheim

1-3 (58) Johannes Andreas Schultz Wiig

1-4 (71) Alvheim

2-4 (76) Håvard Nybråten

Dommar: Henning Sunde. Molde FK.

Assistentdommarar: Per Ivar Skrøvset, Bøfjord og Eirik Stenberg, Elnesvågen

Gult kort: Liam Connor (57), Oliver Connor Søreng (84). Leander Alvheim (16), Heine Gikling Bruseth (31), Mathias Knutsen (65), Vegard Dønnem (81), KBK 2

Vestnes Varfjell (4-3-3): Owen Connor: Juan Larsen, Ørjan Tangen (k), Liam Connor, Magnus Nerheim (Svein Erik Lange Male 46.) - Tor-Bjarne Løvik Salte, Amund Stavem, Oliver Connor Søreng - Håvard Nybråten, Elling Olafsen (Vegar Skare 62.), Adrian Kosinski (Knut Stian Eik 75.)

Add a comment
 
Seieren glapp i heitt lokaloppjer
fredag 29. april 2022 19:55

(Vestnes Varfjell - Åndalsnes 2-2) Vestnes Varfjell hadde alle tre poenga inne etter skåringar av Håvard Nybråten og Knut Stian Eik, men eit omdiskutert straffespark mot slutten hindra årets første seier. Laget var nærmast seieren i eit tett og til tider ampert lokaloppgjer føre 120 tilskuarar i Vestnes idrettspark fredag.

SJÅ BILDEGALLERI FRÅ KAMPEN HER | VARFJELL-TV: SJÅ KAMPEN I OPPTAK

 

Kampen opna litt tamt og utan dei store sjansane. Etter eit kvarter fekk heimelaget endeleg sving på angprepsspelet sitt anført av servitør Amund Stavem på sentral midtbane. Laget fekk til kombinasjonane og fekk igang dei raske vingane med fine angrep inn i feltet. Eit av desse fann Knut Stian Eik, som heada i mål berre for å oppleve at assistentdommaren hadde reist flagget for offside. Videoen frå kampen viser at det var ei hårfin avgjersle. Så var det Elling Olafsen sin tur til å forsøke, men hodestøtet traff berre tverrliggaren.

Same Olafsen var servitør då heimelaget fortent tok føringa etter 34 minutt. Håvard Nybråten avanserte inn i feltet og plasserte ballen forbi ÅIF-målvakta. Gjestane, som hadde eit tap heime mot Midsund i serieopninga å revansjere, var nærme utlikning på eit skot like over krysset like etterpå. Fem minutt før pause fekk dei likevel 1-1. Varfjell-forsvaret nølte med å klarere og eit skot frå 20 meter lurte seg inn ved stolperota. 1-1 ved pause.

 

Vestnes Varfjell hadde eit overtak i starten av andre omgang og etter eit kvarter tok laget leiinga igjen. Innlegget frå Håvard fann Knut Stian Eik som heada i mål frå kloss hald. Heimelaget kjempa no på for å få eitt mål til som ville ha "punktert" kampen, men ti minutt før slutt peika dommaren på straffemerket for ein hands i feltet. Eit skot etter ein corner traff innbyttar Tor-Bjarne Løvik Salte. Varfjell protesterte og det vart peika på skuldra, sjølvsagt til døve ører. Straffek vart sett kontant ved stolpen og laga sto igjen like langt.  Like etter fall Elling Olafsen overende i andre sekstenmeteren. Også Adrian Kosinski appellerte for straffe noko før, men begge var nok det dommarekspertane kallar "lett berøring". Kampen ebba dermed ut med 2-2.

 

Til forskjell for "vennskapskampen" mot Tomrefjord sist, vart det denne gongen til tider høg temperatur. Dommaren delte ut mange gule kort, og også eit til ein spelar på Varfjell-benken etter straffesituasjonen (trur det var til Eik som var bytta ut). Begge trenarane fekk også kvar sin advarsel.

 

KAMPFAKTA

Vestnes Varfjell - Åndalsnes 2-2 (1-1)

Seriekamp, 4. divisjon Nordmøre/Romsdal, fredag 29. april 2022 kl 19

Vestnes idrettspark, 120 tilskuarar

Mål:

1-0 (34) Håvard Nybråten

1-1 (40) Ronald Dutra Paiva

2-1 (60) Knut Stian Eik

2-2 (80) Sindre Hammervold, straffespark

Dommar: Simon Sandvik, Elnesvågen

Gult kort: Olafsen, Eik, Tangen, Søreng. Bale og Paiva, Åndalsnes

Vestnes Varfjell (4-3-2-1): Owen Connor: Håkon Kjørvik, Ørjan Tangen (k), Liam Connor, Lars-Helge Lien - Amund Stavem, Elling Olafsen, Oliver Connor Søreng - Håvard Nybråten. Adrian Kosinski - Knut Stian Eik (Tor-Bjarne Løvik Salte 74.)

 

Add a comment
 
Møter Åndalsnes fredag klokka 19
onsdag 27. april 2022 16:43

 

Fredag er det klart for nok ein heimekamp og me slår likegodt til med nok eit lokaloppgjer også. Åndalsnes kjem revansjesugne etter tap i første seriekamp, medan heimelaget også jaktar sin første seier. Møt opp og hei laget fram til tre poeng! Kan du absolutt ikkje komme, har Asbjørn Vik varsla at kampen blir sendt direkte på Yotube.

 

KLIKK HER FOR Å SJÅ KAMPEN DIREKTE

Add a comment
 
Har trekt B-laget frå 7-arserien
tysdag 26. april 2022 18:14

Vestnes Varfjell 2 skulle ha spelt sin føste kamp i 7-arserien for seniorlag denne veka, men no er det klart at laget er trekt. Trenar Alexander Connor, som skulle ha ansvaret også for dette laget, seier det vart for mykje å administrere. Laget var tenkt som eit tilbod for overårige G16-spelarar og reserver frå A-laget. Dermed blir Vågstranda einaste lag i denne serien frå Vestnes kommune med mange gamle Varfjell-heltar på laget.

Add a comment
 
Null mål, men stor stemning i seriepremieren
fredag 22. april 2022 19:51

Som i fjor vart det eitt poeng til begge laga då Vestnes Varfjell tok imot Tomrefjord til lokaloppgjer og første kamp i årets 4. divisjon. Rundt 400 tilskuarar, blå røykbluss ved innmarsj og strålande vårsol skapte ei flott ramme rundt kampen.

SJÅ BILDEGALLERI FRÅ KAMPEN HER

Gjestane kom som regjerande seriemeister i halvsesongen i fjor, men det var det ikkje lett å sjå - i alle fall ikkje før pause. Første omgang var jamn og sjansefattig. Me noterte ein stor sjane til begge lag. Tomrefjord då nykommar Edvin da Silva Sæther kom aleine med keeper etter 18 minutt og heimelaget då Elling Olafsen fekk krangla seg til ei avslutning etter 37 minutt, men ballen trilla akkurat på feil side av stolpen.

 

I andre omgang tok Tomrefjord gradvis meir og meir over med sitt direktespel, og anført av da Silva Sæther og tidlegare Varfjell-kaptein Tommy Kanishi Andreassen skapte dei fleire store sjansar. Skot i stolperota og ei annullering for offside var det næraste dei gulkledde kom. I andre enden sleit Varfjell-angrepet å finne vegen forbi gjestane sitt kompakte forsvar. Adrin Kosinski hadde eit par gode skotforsøk, men aller nærast kom Tor-Bjarne Løvik Salte med eit skot som small i tverrliggaren fem minutt før slutt. Der kunne heimelaget ha snappa med seg alle tre poenga!

Kampen hardna litt til mot slutten og kampens gode dommar, Modolf Holm, måtte opp med gulkorte til slitne spelarar som kom på etterskot i taklingane.

 

Heile laget kjempa godt i dag, med eit ekstra pluss til Amund Stavem på mitbana og Liam Connor i midtforsvaret.

 

Gledeleg innhopp av Magnus Nerheim som har vore ute med skade i heile sesongoppkøyringa.

 

Sidan denne kampen var "snudd", blir det heimekamp også neste fredag for Vestnes Varfjell. Då kjem Åndalsnes på besøk til det som blir nok eit lokalderby.

 

KAMPFAKTA

Vestnes Varfjell - Tomrefjord 0-0

Seriekamp 4. divisjon Nordmøre/Romsdal, fredag 22. mai 2022 kl 19

Vestnes idrettspark, 400 tilskuarar

Dommar: Modolf Holm, Isfjorden IL

Assistentdommarar: Henning Sunde, Molde FK og Magnus Smørdal, Molde FK

Gult kort: Lars-Helge Lien (71), Tor-Bjarne Løvik Salte (85) og Knut Stian Eik (90), Vestnes Varfjell. Eirik Leao Tomren, Tomrefjord (86)

Laget: Owen Connor; Ørjan Tangen (k) (Juan Rikard Larsen 77.), Svein Erik Lange Male, Liam Connor, Lars-Helge Lien (Magnus Nerheim 77.) - Tor-Bjarne Løvik Salte, Oliver Connor Søreng, Amund Stavem - Håvard Nybråten (Knut Stian Eik 82.), Elling Olafsen, Adrian Kosinski

Add a comment
 
Klart for seriestart fredag klokka 19
torsdag 21. april 2022 17:15

Endeleg er alvoret i gang igjen i 4. divisjon Nordmøre/Romsdal. Vestnes Varfjell startar likegodt med eit skikkeleg lokaloppgjer når dei ferske kretsmeistrane frå Tomrefjord kjem på besøk. Kampen skulle eigentleg ha gått i Tomrefjord, men dei gav tidleg beskjed om at grasbana ikkje ville vere klar så tidleg.

 

Vestnes Varfjell har hatt ei god sesongoppkøyring, men der også resultata har varirert ein del. Nykommarane Adrian Kosinski og Håvard Nybråten blir solide forsterkingar. Samtidig har Cedrik Andreassen og Eirik Tomren gått til Tomrefjord, slik at det blir endå fleire tidlegere Vestnes Varfjell-spelarar på motsatt banehalvdel.

 

Møt opp og få med deg årets første seriekamp!

 

Tilsvarande kamp i fjor endte 1-1, medan Vestnes Varfjell vann 2-1 i 2019. OVERSIKT OVER TIDLEGARE OPPGJER HER

Add a comment
 
Sjekk dei nye garderobene!
måndag 18. april 2022 19:23

Det har vore snikra godt i Vestnes idrettspark i det siste. I fjor kunne A-laget ta i bruk nye garderober, og no har dei fått ei solid oppgradering i form av båsar med draktnummer for kvar spelar. Alt er gjort i mørkeblått og kvitt med klubblogoen godt synleg. Arkitektane bak det heile er oppmann Frode Lien og trenar Alexander Connor med litt assistande frå klubbleiar Joar Kirkeslett.

 

SJÅ VIDEO PÅ INSTGRAM SIGNERT LARS HÅVARD HEEN LIEN HER

Add a comment
 
Connor-klanen veks i Vestnes Varfjell: Liam er tilbake
måndag 11. april 2022 17:06

Liam Connor er tilbake i marineblått etter å ha spelt i 3. divisjon for NTNUI sist sesong. Trondheim-studenten skal i praksis i Ålesund i samband med fysioterpi-studiane, og då passar det godt å trø til for moderklubben att. Midtstopparen har alt vore med i nokre treningskampar, men spelte mot Vestnes Varfjell då laget møttet NTNUI på Salmarbanen utanfor Lerkendal i mars.

 

Liam blir dermed ein del av ein stadig aukande Connor-klan rundt A-laget, Den inkluderer før far og tranar Alexander, bror og målvakt Owen, midtbanespelar og søskenbarn Oliver og dei fysiske trenarane Joseph og Kay.

 

Me ønskjer Liam velkommen tilbake. Les meir på Instagram, høyr også podkasten Opp med praten der far Alexander er uroleg for at matbudsjettet heime i Skorgen må aukast når eldstesonen vender heim.

Add a comment
 
Nerheim og Leikarnes til Råde IL
måndag 11. april 2022 17:26

Austlandsstudentane Sivert Nerheim og Christian Mario Leikarnes har funne seg ny klubb. Dei skal begge spele for Råde IL. Østfold-klubben har lag både i 4., 5. og 7. divisjon.

Add a comment
 
Klart tap i svak generalprøve
laurdag 09. april 2022 14:54

(SIF/Hessa - Vestnes Varfjell 7-1) Vestnes Varfjell tapte til slutt heile 1-7 borte mot gode SIF/Hessa i det som var siste treningskamp før seriestart. Laget lå tidleg under med to mål, og kom aldri opp på nivået laget har vist tidlegare i vinter. Det sto 3-0 ved pause på Siffen i Ålesund. Elling Olafsen reduserte på straffespark etter at Amund Stavem vart felt. Laget spelte seg opp i andre omgang og hadde også fleire store sjansar som ikkje gav uttelling.

 

– Årsverste, dette var dårleg. Eg håpar vi har gjort frå oss den verste omgangen i oppkøyringa. Det var ikkje bra nok, over heile fjøla. Vi får berre jobbe godt dei siste dagane, so får vi sjå, seier Connor til Vestnesavisa.

 

https://www.vestnesavisa.no/2022/sport/stygt-tap-for-vestnes-varfjell-i-treningskamp/

 

Mål:

1-0 (3) Bolsø

2-0 (5) Sandø

3-0 (43) Sandø

4-0 (47) Johnsen

5-0 (56) Lade

5-1 (59) Elling Olafsen, straffespark

6-1

7-1

Laget: Owen, (Lars Håvard 45) Jarle, Svein (Dag 60) Liam, Lars-Helge (Vegar S 45) , Oliver (Vegard E 45) Amund, Tor Bjarne (Oliver 60) Håvard( Airidas 70) Knut Stian (Juan 60) Elling

Add a comment
 
Hør Connor som gjest i podkast
torsdag 07. april 2022 18:44

I episode 4 av breddefotballpodkasten Opp med praten er Vestnes Varfjell-trener Alexander Connor gjest i studioet til Øystein Hjelle Bondhus og Torgeir Ruud Ramsli.

Stikkord er skotsk MMA og økt matbudsjett når junior flytter heim. Og hva melder Alexander om ståa i Vestnes Varfjell før seriestarten mot lokalrivalene fra Tomrefjord?

Hør episoden helt gratis her:

https://shows.acast.com/opp-med-praten/episodes/skotsk-mma-surnadal-maestro-og-sprengt-matbudsjett

 

Add a comment
 
Snø stoppa treningskamp etter 60 minutt
onsdag 30. mars 2022 20:37

Snøværet gjorde at kveldens treningskamp mot Norborg/Brattvåg 2 vart stoppa 15 minutt ut i andre omgang. Stillinga var då 1-1 i Vestnes idrettspark.

Gjestane frå Søvika tok leiinga ved Thomas Aarsund etter 28 minutt på eit frispark som gjekk rett i mål frå rundt 19 meter. Knut Stian Eik utlikna minuttet før pause etter eit innlegg frå Håvard Nybråten på høgresida.

- Kampen blei avlyst etter 60 minutt på grunn av tjukk snøkave som dekte bana fullstendig. Begge trenarar og støtteapparatet  vart saman med dommar sande om å avlyse, seier oppmann Frode Lien til varfjell.no.

Vestnes Varfjell stilte dette laget: Lars Håvard Heen Lien (Owen Connor 45), Dag Maier (Jarle Løvik Salte 45), Ørjan Tangen (Svein Erik Lange Male 45), Liam Connor, Håkon Kjørvik - Amund Stavem, Vegard Ellingseter (Oliver Connor Søreng 45), Tor Bjarne Løvik Salte - Håvard Nybråten, Knut Stian Eik, Elling Olafsen

Add a comment
 
Vestnes Varfjell stiller B-lag i sjuarserien
torsdag 24. mars 2022 19:11

Vestnes Varfjell har meldt på eit seniorlag til. Dette skal spele i 7-arserien og først og fremst vere eit tilbod til spelarar som er første års junior, samt reserver frå A-laget. Klubben var godt i gang med eit andrelag før koronaen slo til, men mange fall frå etter to år utan seriespel. No  har laget ein større A-stall enn på mange år samt ein del spelarar som har blitt for gamle for G16. I serien skal dei mellom anna spele mot Vågstranda der fleire gamle Varfjell-heltar har hamna etter karrieren.

 

Terminlista for Vestnes Varfjell menn 7-er ser slik ut:

26.04.2022    tirsdag    19.20    Bjørset - Vestnes Varfjell
04.05.2022    onsdag    20.00    Vestnes Varfjell  - Eide og Omegn FK
10.05.2022    tirsdag    20.00    Eresfjord og Vistdal/Eidsvåg - Vestnes Varfjell
18.05.2022    onsdag    20.00    Vestnes Varfjell - Vågstranda
01.06.2022    onsdag    20.00    Vestnes Varfjell - Bjørset
08.06.2022    onsdag    19.00    Eide og Omegn FK - Vestnes Varfjell
15.06.2022    onsdag    19.00    Vestnes Varfjell - Eresfjord og Vistdal/Eidsvåg
23.08.2022    tirsdag    20.00    Vågstranda - Vestnes Varfjell
07.09.2022    onsdag    18.15    Bjørset - Vestnes Varfjell
12.09.2022    mandag  20.00    Vestnes Varfjell - Eide og Omegn FK   
24.09.2022    lørdag     15.00    Eresfjord og Vistdal/Eidsvåg - Vestnes Varfjell   
28.09.2022    onsdag   19.00    Vestnes Varfjell - Vågstranda

Add a comment
 
« StartFørre12345678910NesteSiste »

Side 1 av 264