Banner

Sesongmeny

Neste kamp
Bane: Vestnes Idrettspark fre., 21. sep. 2018 19:00
Vestnes Varfjell
Varfjell
--- Forhånds
Malmefjorden/Ekko/Aureosen
MIL/E/A

Forrige kamp
Bane: Vestnes Idrettspark fre., 14. sep. 2018 19:00
Vestnes Varfjell
Varfjell
2-3 Averøykameratene
AK

Tabellen

# Team K Mål P
1 Sunndal 18 31 38
2 Eide 18 33 36
3 Tomref 18 16 36
4 Surnad. 18 26 33
5 ÅIF 18 34 31
6 KFK 18 29 31
7 AK 18 8 26
8 Varfjell 18 -6 25
9 MIL/E/A 18 -6 21
10 Midsund 18 -25 15
11 Elnesv. 18 -48 8
12 Træff2 18 -92 4

varfjell.no spør

Korleis går det i sesongen?
 
Hardt straffa i surt heimetap
fredag 14. september 2018 20:06

Vestnes Varfjell spelte ein god kamp offensivt, men rota det til for seg sjøl då Averøykameratene vann 3-2 i Vestnes idrettspark fredag kveld. Gjestane fekk to straffespark i kampen, det andre kom ti minutt før slutt då heimelaget hadde momentumet i kampen etter å ha utlikna til 2-2. SJÅ BILDEGALLERI FRÅ KAMPEN HER (dessverre ingen video i dag)

Vestnes Varfjell fekk ein pangstart mot tabellnaboen då Amund Stavem plasserte ballen elegant i krysset alt etter to minutt. Stavem og kaptein Tommy Kanishi var "on fire" i første omgang og det burde stått 2-0 då Kanishi serverte ballen til Stavem på bakre stolpe etter 16 minutt. I staden fekk AK ein gratissjanse i andre enden. Nølande forsvarsspel nyttar ikkje mot toppskårar Christoffer Folland som takka for gratistilbodet med å runde keeper og sette inn 1-1. Så hadde Markus Brudseth og Tommy Kanishi kvar sin sjanse til å sette ballen i omtrent ope mål, men lukkast ikkje. Typisk då at ein ny persoleg feil vart avgjerande i andre enden av bana. Folland var igjen involvert, snappa ballen og vart felt av keeper. Straffesparket sette han sjølv inn til pauseresultat 1-2.

Vestnes Varfjell starta også andre omgang best og kunne ha utlikna på to framspel i bakrommet der Stavem og Kanishi kvar sin gong var svært nærme, men der keeper fekk avverga i siste liten. Etter 20 minutt kom endeleg utlikninga, og det var på høgde med kampens første mål. Denne gongen var det Kanishi som fekk kjempetreff og ballen fauk inn oppe i vinkelen.

Varfjell såg no ut som laget som var på vet til å vinne kampen, men ti minutt før slutt fekk AK ny straffe. Folland vart felt heilt unødvendig nede ved dørlinja.

Innbyttar Audun Sørseth, kjent som "Lord Sørseth" etter deltaking i "Paradise Hotel", fekk lov til å ta straffen. Keeper Fredrik Bergslid gjekk til rett side og var på ballen, men den rulla over streken. AK sto på som heltar for å sikre alle tre poenge, trenar Lasse Olsen, med mykje eliteserieerfaring frå mellom andre Strømsgodset og Aalesund, sette innpå seg sjølv for å hjelpe til. Heimelaget hadde nokre forsøk på slutten, mellom anna på ein corner der ballen vart heada inn att i feltet, men avslutninga frå Eilling Olafsen gjekk utanfor. Også Tommy Kanishi hadde ein markkrypar like til side for stolpen, mendan Svein Erik Male nesten gjorde godt for straffesparket då han vart akkurat for sein på eit framspel to minutt på overtid.

Dermed endte kampen i eit skufftande tap. Varfjell har gjort det til vane å sleppe inn for mange unødvendige mål dei siste sesongane, og det blir tungt å vinne kampar når ein må skåre både tre og fire mål for å få det til. AK nytta også sjansen til å smette forbi på tabellen. Neste kamp er også på heimebane, mot Malemfjorden/Ekko/Aureosen komande fredag.

KAMPFAKTA:

Vestnes Varfjell - Averøykameratene 2-3 (1-2)

4. divisjon Nordmøre/Romsdal

Fredag 14. september 2018 kl 19

Vestnes idrettspark, 65 tilskuarar

Mål:

1-0 (2) Amund Stavem

1-1 (26) Christoffer Folland

1-2 (42) Folland, straffespark

2-2 (65) Tommy Kanishi Andreassen

2-3 (82) Audun Sørseth, straffespark

Dommar: Alexander Aarøe, Eidsvåg

Gult kort: Frederik Bergslid (42), Amund Stavem (45), Håkon Kjørvik (75) eitt til AK

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Liam Connor, Magnus Nerheim - Tommy Kanishi Andreassen, Jonas Lervik (Salte 87), Ørjan Tangen - Amund Stavem, Markus Brudeseth, Jarle Løvik Salte (Elling Olafsen 46.)

Add a comment
 
Sissoko fikk skryt tross tap
søndag 09. september 2018 20:53

David Sissoko spilte fra start for G16-landslaget som tapte 0-4 mot Ungarn søndag. Vestnes Varfjell-spissen var en av spillerne som fikk skryt av landslagstrener Erland Johnsen etter kampen: «David Sissoko jobbet godt». En kamp gjenstår i turneringa i Polen.

https://www.fotball.no/landslag/norge-gutter-16/2018/g16---lettkjopte-mal/

Add a comment
 
David Sissoko på turnering med landslaget
fredag 07. september 2018 23:33

David Sissoko fekk ikkje speletid då Norge tapte heile 0-6 mot England i første kamp i Syrienka cup i  Polen fredag. Neste kamp er mot Ungar søndag. Les meir her

Add a comment
 
Sikra eitt poeng etter sterk opphenting i nabooppgjeret
fredag 07. september 2018 22:33

Vestnes Varfjell låg under 0-2 tidleg i bortemøtet med nabo Tomrefjord fredag, men kom sterkt tilbake i andre omgang. Skåringar av Tommy Kanishi Andreassen og Jarle Løvik Salte sørga for eitt fortent poeng. SJÅ VIDEO AV ALLE MÅLA I VarfjellTV | BILDEGALLERI FRÅ KAMPEN

Med ei strøken grasmatte, strålande haustver og rundt 250 på tribuna, låg alt til rette for ein fin fotballkveld.  Dei mange Vestnes Varfjell-sympatiar som hadde tatt vegen hadde knapt satt seg før den første nedturen kom. Fem minutt var spelt då Tomrefjords Kennet Eik Frostad kom seg fri på venstrekanten. Simon Djupvik var sist på innlegget og med pannebrasken heada han heimelaget i føringa.

Vestnes Varfjell spelte nervøst og famlande i starten. Heimelaget la seg om vanleg lågt med mange mann på rett side av ballen. Den fekk for det meste Vestnes Varfjell ha, utan at det vart farleg framom Tomrefjord-målet, der tidlegare Vestnes Varfjell-spelar Adrian Gabrielsen sto. Tomrefjord, på si side, var lynraske med å unytte pasningsfeil frå gjestane og var også meir presise og flinke til å ta vare på sjansane som baud seg. Etter 23 minutt sto det 2-0. Håvard Taklo fekk eit forsprang på Varfjell-midstoppar Svein Erik Lange Male og sette ballen kontrollert forbi keeper.

Vestnes Varfjell løfta seg etter dette og skapte først ein nestejansen, før ein trippelsjanse ved Vegar Skare, Tommy Kanishi og Magnus Nerheim (?) utruleg nok ikkje gav redusering. Like etter sette Tomrefjord ballen i tverrliggaren, slik at det var heilt fortent med heimeleiing til pause.

Trenar Alexander Connor gjorde to endringar på laget i pause, der den offensive krafta vart styrka med toppskårar Elling Olafsen og raske Jarle Løvik Salte. Samtidig vart Amund Stavem flytta ned på midtbana. Det gav resultat. Varfjell styrte no spelet, medan Tomrefjord sin strategi såg ut til å vere å trygge inn til tre poeng. Det lukkast lenge, men etter eit kvarter kom reduseringa. Kaptein Tommy Kanishi Andreassen gjorde alt på eiga hand då han vart spelt fint igjennom av Ørjan Tangen; reiv seg fri, runda keeper og sette ballen i det tomme målet. Tomrefjord gjorde eit forsøk på å ta att tomålsleiinga, og var nære med eit skot frå kloss hald. Så ropte Vestnes Varfjell på straffespark då det såg ut som Magnus Nerheim vart dratt ned i feltet, men dommar Modolf Holm vinka spelet vidare. Her var heimelaget heldig. Utlikingsmålet skulle likevel komme, og det låg litt i korta at det var innbyttar Jarle Løvik Salte som skulle gjere det. Han hadde hatt nokre nestenforsøk før han fekk ballen etter ei klarering på eit innlegg frå Amund Stavem etter eit frispark. Salte fekk tid til å curle ballen elegant opp i bortre kryss til 2-2 fire minutt før full tid.

Dommaren la til fleire minutt, mellom anna fordi fleire Tomrefjord-spelarar låg ned med krampe. Sluttminutta vart spennande med fleire frispark i farleg posisjon for Tomrefjord, men det vart ikkje fleire mål.

KAMPFAKTA

Tomrefjord - Vestnes Varfjell 2-2 (2-0)

4. divisjon Nordmøre/Romsda

Fredag 7. september 2018 kl 18.30

Tomrefjord stadion, 250 tilskuarar

1-0 (5) Simon Djupvik

2-0 (35) Håvard Taklo

2-1 (61) Tommy Kanishi Andreassen

2-2 (87) Jarle Løvik Salte

Dommar: Modolf Holm, Isfjorden

Gult kort: Enger (80), Søberg (85), TIL; Salte (90) og Nerheim (88), VV

Vestnes Varfjell (4-3-3): Fredrik Sivertsen; Håkon Kjørvik (Jarle Løvik Salte 46.), Svein Erik Lange Male, Liam Connor, Ørjan Tangen - Vegar Skare, Jonas Lervik (Elling Olafsen 46.), Tommy Kanishi Andreassen - Amund Stavem, Markus Brudseth, Magnus Nerheim

 

Add a comment
 
Første seier i 1. divisjon for G 16
onsdag 05. september 2018 12:57

G16 tok tirsdag kveld sin første seier i 1. divisjon då Molde vart slått 1-0. Mustafa Chaaban var målskårar i Vestnes idrettspark.

Add a comment
 
Avgjorde etter sterk andreomgang
fredag 31. august 2018 20:39

Vestnes Varfjell sleit lenge mot svakt plasserte Elnesvågen på heimebane fredag kveld, men sikra ein solid 4-1-seier etter ein god andreomgang. Elling Olafsen sendte Vestnes Varfjell i føringa i ein sjasefattig førsteomgan, men gjestane frå Fræna utlikna like før pause då ei trippelsjanse endte i ei avslutning som gjekk i mål via Håkon Kjørvik. I andre omgang var det ikkje tvil om kven som var best, men det gjekk ei stund før Amund Stavem sette inn 2-1 kontant i krysset. Så skåra Tommy Kanishi på eit frispark før Vegar Skare avslutta med eit flott skot på overtid. Arjan Sylte debuterte på A-laget.

Gjestane hadde børste støvet av nokre veteranar til denne kampen, mellom andre ruva kaptein Bjørn Espen Vatne godt i midtforsvaret lenge. Framme hadde dei fått Alexander Lobos heim frå spel i Træff. Kampen var jamn lenge, men i andre omgang satt endeleg kombinasjonane for heimelaget som skapte fleire store sjansar før skåringane kom. Elnesvågen kom ikkje nærare enn eiit langskot frå Lobos som Stavem heada unna på strek.

Neste kamp er lokaloppgjeret borte mot Tomrefjord komande fredag klokka 18.30.

BILDEGALLERI FRÅ KAMPEN

Kampfakta:

Vestnes Varfjell - Elnesvågen 4-1 (1-1)

4. divisjon Nordmøre/Romsdal, fredag 31. august 2018 kl 19

Vestnes idrettspark, 85 tilskuarar

Mål:

1-0 (40) Elling Olafsen

1-1 (44) sjølmål (Hpkon Kjørvik)

2-1 (70) Amund Stavem

3-1 (83) Tommy Kanishi Andreassen

4-1 (90 + 3) Vegar Skare

Dommar: Roe Vidar Lien, Malmefjorden

Gult kort: Kristian Havnes Klemetzen, Benny Øverli og Bjørn Espen Vatne, alle Elnesvågen

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Liam Connor (Arjan Sylte 70.), Ørjan Tangen - Vegar Skare, Jonas Lervik (Yngve Solevågseide 67.) - Amund Stavem, Elling Olafsen (Knut Stian Eik 85.), Magnus Nerheim

Add a comment
 
A-laget: Møter Elnesvågen fredag klokka 19
fredag 31. august 2018 00:00

Elnesvågen er gjestar i Vestnes idrettspark fredag.  Gjestane frå Fræna kjempar for å unngå nedrykk og har både fått ny trenar i Benny Øverli og fått tilbake rutinerte spelarar som Alexander Lobos frå Træff og Kristian Klemetzen. Fleire veteraner gjer også comeback. Dei har til no i år nøyd seg med spel i 7-arserien. Også for to år sidan kom Elnesvågen med eit "nytt" lag i tilsvarande situasjon. Då vann dei 4-1. I fjor vart det seier til Vestnes Varfjell i begge kampar, og også i bortekampen i vår vart det seier (4-3). Elnesvågen er saman med Vestnes Varfjell faktisk dei einaste som har slått serieleiar Sunndal i år, dei greidde også uavgjort borte i haust, der Vestnes Varfjell altså tapte 0-8. Dermed er det ein tøff motstandar som står på motsatt banehalvdel i kveld. Oversikt over tidlegare kampar her.

Det blir som vanleg open kiosk, og her kan du også sikre deg eitt av dei nye supporterskjerfa. Avspark er klokka 19. Møt opp og støtt heimelaget i kampen om nye poeng.

Add a comment
 
G16 tok poeng frå serieleiaren
torsdag 30. august 2018 15:30

Vestnes Varfjell tok sitt første poeng i 1. divisjon G 16 då laget spelte 2-2 mot Elnesvågen onsdag kveld. Eit sterkt resultat mot dei suverene serieleiarane. Ammar Fouaz Mater Al-Dolaimi gav Vestnes Varfjell leiinga i Vestnes idrettspark. Det sto seg til pause. I andre omgang vart heimelaget pressa litt bakpå, men utlikinga kom på uheldig vis. Eit frispark traff stolpen og gjekki mål via ryggen på keeper. Same keeper vart hindra då Elnesvågen tok leiinga etter ein corner, men dommaren godkjente skåringa. Vestnes Varfjell fekk tre 5-minutts utvisningar i ei intens avslutning på kampen, men gav ikkje opp. I siste minutt kom utlikinga. Audun Løkke var sist på ballen etter ein corner. Dommaren sto godt plassert og dømte at ballen hadde vore over streken.  Då laga møttes i kvalifiseringa i vår vann Elnesvågen heile 12-1. Dette var den andre av fire kampar mot Elnesvågen denne veka. G14 vann 5-1 tirsdag og toppar tabellen i 9-arserien. Jentelaget skal i aksjon torsdag før A-laget tek imot laget frå Fræna fredag.

Add a comment
 
Tabbekveld då serieleiaren fekk revansj
fredag 24. august 2018 21:29

Vestnes Varfjell hadde slått Sunndal i to klampar på rad, men fredag fekk serieleiaren i 4. divisjon solid revansj. 8-0 sto det til slutt i ein kamp der Varfjell rota det frykteleg til for seg sjøl med sjølmål, feilpasningar og balltap som førte til baklengsmål. Tor Erik Torske vart kampens store spelar. Den tidlegare KBK-spelaren fann nettmaskene fire gongar. - Me gjorde alle dei feile me var einige om før kampen at me ikkje skulle gjere, sa ein oppgitt Vestnes Varfjell-trenar etter kampen. Laget hans vart neml

Kampen starta jamnt og sjansefattig på regntunge Sande stadion. Lite skjedde framom måla før etter 20 minutt. Då heada Svein Erik Lange Male ballen rett i beina på Erling Farstad Fredriksen som sendte vertane i føringa. Kvarteret etter sto det 2-0 då ein uheldig Håkon Kjørvik beina eit innlegg i eige mål. Sunndal hadde også eit par sjansar til før pause då Varfjell-målvakt Fredrik Bergslig stoppa Torske og Svein Erik Lange Male gjorde godt for 0-1-målet då han hindra Erik Ruud Ramsli.

Andre omgang starta verst tenkeleg med eit omdiskutert mål i mot alt etter sju minutt. Linjemannen, som også var involvert i to kontroversielle situasjonar då laga møttest på Vestnes, vinka for offside. Det såg det ut som begge lag og eit samstemt publikum også var innforstått med. Dommar Roe Vidar Lien visste imidlertid betre og peika mot midtstreken. Han meinte ballen hadde vore innom eit Varfjell-bein og slik oppheva offsiden. Petter Melkild var sist på ballen.

Vestnes Varfjell greidde aldri å heve seg etter dette og Sunndal fekk etter kvart lett spel anført av Tor Erik Torske. Spissen med eliteserieerfaring blir ein viktig mann for Sunndal i kampen om opprykk etter at han meldte seg skadefri til haustsesongen. Den siste halvtimen skåra han ikkje mindre enn fire mål, og det tar ikkje noko vekk frå prestasjonen at to av dei var reine gavepakker der ballen vart servert frå høvesvis Jarle Løvik Salte og kaptein Tommy Kanishi Andreassen. Avslutningane var det uansett klasse over, særleg ein lekker lobb over ei utrusande målvakt. Innimellom fekk også Sander Grimelid sleppe til med eit flott langskot over keeper og i mål. Sunndal hadde også ei avslutning i stolpen.

Varfjell kom nærast ei redusering då Kanishi prøvde å gjere godt at si blemme med eit susande langskot som den nye Sunndal-målvakta Eirik Iversen (frå MFK) fekk fista over. På den påfølgande corneren var Knut Stian Eik farleg frampå, men trøstemålet uteblei.

Varfjell slit med ein del skadar og sjukdom for tida, og heller ikkje i kveld greidde alle å fullføre. David Sissoko måtte ut alt etter halvtime etter at han vart kroppstakla, men verka ved godt mot då me snakka med han etterpå. Forhåpentlegvis har det ikkje noko å seie for dei komande landskampane.

Neste kamp er heime mot Elnesvågen fredag kl 19.

Kampfakta:
Sunndal - Vestnes Varfjell 8-0 (2-0)

Fredag 24. august 2018 kl 19

Sande stadion, 95 tilskuarar (3 Vestnes Varfjell)

Mål:

1-0 (22) Erling Farstad Fredriksen

2-0 (34) sjølmål (Håkon Kjørvik)

3-0 (52) Petter Melkild

4-0 (58) Tor Erik Torske

5-0 (62) Sander Grimelid

6-0 (66) Torske

7-0 (80) Torske

8-0 (87) Torske

Dommar: Roe Vidar Lien, Malmefjorden

Laget (4-3-3): Fredrik Bergslid; Håkon Kjørvik, Svein Erik Lange Male, Ørjan Tangen, Magnus Nerheim (Jonas Lervik 58) - Amund Stavem (Knut Stian Eik 62.), Vegar Skare, Tommy Kanishi Andreassen - David Sissoko (Jarle Løvik Salte 31), Elling Olafsen, Markus Brudeseth

Add a comment
 
Møter serieleiaren på bortebane
fredag 24. august 2018 12:58

I kveld klokka 19 møter med Sunndal på bortebane. Me vann 5-4 borte i tilsvarande oppgjer i fjor og også heimekampen mot Sunndal i år endte med seier, 3-2.  Oversikt over tidlegare kampar her. Oppdatering på Twitter.

Add a comment
 
Sissoko igjen tatt ut på landslaget
fredag 24. august 2018 12:53

Vestnes Varfjell-spiss David Sissoko har fått fornya tillit av landslagstrenar Erland Johnsen. Han er nemleg tatt ut på G16-landslaget som skal spele Syrenka cup i Polen fra 5. - 12. september. England blir første motstandar. Heile troppen og meir om turneringa her.

Add a comment
 
VarfjellTV: Sjekk den redninga!
måndag 20. august 2018 16:37

Eit tigersprang frå Varfjell-målvakt Fredrik Sivertsen Bergslid hindra Thomas Christian Kjønnø Hoem og ⁦Kristiansund FK skåring i Vestnes idrettspark fredag. Saman med skåringa til Elling Olafsen, var dette kampens høgdepunkt. Bergslid hadde også fleire andre gode redningar og var utan tvil "man of the match". Klikk på bildet for å sjå video. Fotograf er som vanleg Asbjørn Vik.

Add a comment
 
Kjempa i land sterk heimeseier
fredag 17. august 2018 20:16

Ei heading frå Elling Olafsen 20 minutt før slutt sikra seieren då topplaget Kristiansund FK gjesta Vestnes idrettspark fredag. Heorisk innsats og ikkje minst godt keeperspel hindra gjestane å skåre i sluttminutta.

 

BILDEGALLERI | VarfjellTV: Sjå heile kampen | Skårlinga til Olafsen | Fantastisk redning av Bergslid

Første omgang var jamn og sjansefattig. KFK spelte seg etter kvart til eit lite overtak, men ikkje meir enn at vertane også fekk sleppe til. Markus Brudeseth hadde eit godt skotforsøk som keeper blokkerte etter ti minutt. Heimelagets beste angrep i omgangen kom etter halvtimen då David Sissoko spelte friTommy Kanishi som fnan Håkon Kjørvik framom mål, men dessverre vart skotet "keepermat".

KFK var nærast mot slutten av omgangen. Først redda Varfjell-målvakt Fredrik Bergslid ein gong før han fista eit skot som var på veg mot krysset, over. Rett før pause traff ballen opp tverrliggaren etter ein KFK-corner.

Gjestane heldt fram på same måte i starten av andre omgang, men igjen rydda Bergslid opp. Varfjell kom også nære då Svein Erik Lange Male var nokre centimeter for sein til å få foten på eit frispark som vart sendt inn i feltet. Så varta Bergslid opp med ei kjemperedning på eit godt plassert skot. Tommy Kanishi fekk dratt seg fri i andre enden av banen, men også her redda keeper. Enno var det ikkje gått ti minutt av andre omgang.

Sjansebonansaen roa seg litt utover i omgangen, men framleis med KFK som det førande laget. Vestnes Varfjell satsa på å utnytte kontringssjansane og 20 minutt før slutt fekk laget uttelling. Innlegget frå innbyttar Juarn Rikard Larsen fann Elling Olafsen som heada ballen til side for keeper.

Resten av kampen vart eit stormløp mot Varfjell-målet, men en god keeper og eit kontant forsvar fekk rydda opp gong etter gong. David Sissoko og Markus Brudeseth hadde kvar sin store sjanse til å auke til 2-0, men keeper redda då Sissoko kom aleine og Brudseth avslutta like utanfor. Heldigvis heldt det med ei skåring, og etter fire spennande overtidsminutt kunne heimelaget juble for alle poenga.

Heile laget får ros for innsatsen denne gongen, dette var ein skikkeleg lagseier. Sissoko var tilbake frå landslagsspel, medan Amund Stavem (bortreist), Vegar Skare (jobb) og Vegard Ellingseter (skadd) var mellom forfalla denne gongen. I tillegg har Sivert Nerheim og Adrian Liabø har reist til studiar. Det opna for speletid for fleire av ungutane i stallen der Juan Rikard Larsen sesongdebuterte.

Trenar Alexander Connor fekk sjå at laget reiste seg etter den svake kampen mot Midsund sist og var godt fornøgd med å ha tatt fire av seks mulege poeng mot eit så godt lag som KFK, sjølv om også gjestane mangla sentrale spelarar.

Neste kamp er mot serieleiar Sunndal på bortebane. Sunndal vann heile 5-0 mot Tomrefjord i den andre 4.divisjonskampen i kommunen fredag kveld.

KAMPFAKTA:

Vestnes Varfjell - Kristiansund FK 1-0 (0-0)

4. divisjon Nordmøre/Romsdal, fredag 17. august 2018 kl 19

Vestnes idrettspark, 75 tilskuarar

Mål:

1-0 (71) Elling Olafsen

Dommar: Ketil Sorthe, Hjelset-Kleive

Gult kort: Svein Erik Lange Male, Vestnes Varfjell (75)

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Liam Connor (Juan Rikard Larsen 53.), Ørjan Tangen - Magnus Nerheim, Tommy Kanishi Andreassen, Jonas Lervik (Yngve Solevågseide 70.) - David Sissoko, Elling Olafsen, Markus Brudeseth (Knut Stian Eik 86.)

Add a comment
 
Tapte etter svak andreomgang
fredag 10. august 2018 20:56

Vestnes Varfjell fekk ein svak start på haustsesongen då Midsund vart for sterke fredag. Det såg lyst ut lenge og Vestnes Varfjell gjekk til pause med 2-1-leiing, men i andre omgang ville Midsund mest og vann fortent.

Kraftig regn og vind innbydde ikkje til fint spel på den tunge, men likevel gode grasmatta, men det vart likevel ein sjanserik og spennande kamp. Midsund hadde den første sjansen, før gjestane sette inn 1-0. Elling Olafsen sendte ein stikkar til Tommy Kanishi Andreassen som sette ballen forbi keeper etter kvarteret. Like etter kunne det stått 2-0, men skotet frå Vegar Skare gjekk rett på keeper.  Ei god redning frå Varfjell-keeper Fredrik Bergslid hindra 1-1 etter 29 minutt, men like etter sat utlikinga. Eit frispark vart stussa vidare inne i feltet og Midsund kunne sette ballen i mål frå kloss hald.

Markus Brudseth var frisk på venstrekanten i første omgang. Han hadde ein ball i mål, men vart avblåst på stillinga 1-0, og etter 32 minutt sette han opp Elling Olafsen, men avslutninga gjekk like utanfor. Så vart han sjølv spelt fri av Kanshi, men avslutninga vart for dårleg. Ti minutt før pause var han igjen på veg igjennom og runda keeper før han vart felt. Dermed straffespark, som Amund Stavem sette sikkert.

Midsund starta andre omgang best og etter berre sju minutt kom utlikinga. Eit innkast hamna inne i feltet der ein Midsund-spelar fekk sikte fritt og ballen fauk inn oppe i krysset. Vestnes Varfjell sleit med å få til noko som helst i denne delen av kampen, og Midsund var storst sett først på ballen samtidig som dei spede Varfjell-forsøka vart kontant stoppa. Bergslid måtte varte opp med ei ny god redning for å hindre 3-2, før Amund Stavem var nærme på eit frispark i andre enden. 20 minutt før slutt var det Midsund sin tur til å få straffespark etter felling av Svein Erik Lange Male. Dermed 3-2, men framleis tid for Vestnes Varfjell å få noko ut kampen.  Laget prøvde seg på ein sluttspurt, men sleit med å skape dei heilt store sjansane. Dermed kunne Midsund, som har tapt mange jamne heimekampar i år, juble for tre viktige poeng.

Neste kamp for Vestnes Varfjell er mot Kristiansund FK heime fredag klokka 19.

Kampfakta:

Midsund - Vestnes Varfjell 3-2 (1-2)

4. divisjon Nordmøre/Romsdal, fredag 10. august 2018 kl 19.05

Midsund stadion (gras), 45 tilskuarar (5 Vestnes)

Mål:

0-1 (15) Tommy Kanishi Andreassen

1-1 (31)

1-2 (37) Amund Stavem, straffespark

2-2 (52)

3-2 (69)

Gult kort: 2 til Midsund

Dommar: Erik Hyldbakk Furu, CFK

Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Liam Connor (Jarle Løvik Salte 41.), Ørjan Tangen (Jonas Lervik 84.) - Vegar Skare, Tommy Kanishi Andreassen, Magnus Nerheim - Amund Stavem (Ørjan Tangen 90.), Elling Olafsen (Knut Stian Eik 83.), Markus Brudseth

 

Add a comment
 
« StartFørre12345678910NesteSiste »

Side 1 av 249

Generalsponsor

3_sbm_logo.jpg

Hovedsponsor

salmarlogo.jpg

Ny sponsor:

vikelektro-logo.png

Våre sponsorar

Nyeste kommentarer