Banner

Sesongmeny

Forrige kamp
Bane: Vestnes Idrettspark tys., 04. jul. 2017 19:00
Vestnes Varfjell
Varfjell
3-4 Eide
Eide

Bane: Vestnes Idrettspark fre., 30. jun. 2017 19:00
Vestnes Varfjell
Varfjell
1-6 Sunndal
Sunndal

Tabellen

# Team K Mål P
1 KFK 12 54 33
2 KBK 2 12 44 33
3 Sunndal 12 21 27
4 Surnad. 12 5 25
5 AK 12 15 21
6 Tomref 12 8 19
7 Eide 12 3 17
8 Varfjell 12 -10 13
9 Frei 12 -21 10
10 Elnesv. 12 -42 7
11 Træff2 12 -24 6
12 Eidsvåg 12 -53 0

varfjell.no spør

Korleis går det i sesongen?
 
Kjærstad tilbake
fredag 07. juli 2017 19:43

Ole-Gunnar Kjærstad er tilbake i moderklubben og speleklar til dei første haustkampane. Midtbanespelaren var kaptein i 2015 før det vart studiar og spel for NTNUI i Trondheim. Der har han skåre tre mål i 5. divisjon denne sesongen. Også i fjor var rakk han eit kort sommervikariat i marineblått.

Add a comment
 
Utan poeng i sjumålsthriller
tysdag 04. juli 2017 19:29

Vestnes Varfjell tar sommarpause etter å tapt 3-4 heime mot tabellnabo Eide. Heimelaget dominerte stort før pause og burde ha leia meir enn 2-0 etter mål av Elling Olafsen som skåra aleine med keeper etter innlegg frå Amund Stavem og Markus Brudeseth som sette hovudet til etter at Olafsen sin lobb gjekk over keeper, men ikkje over streken. Laget skapte mange sjansar i første omgang, alt etter 25 sekund sette Kanishi ballen over frå god posisjon. Amund Stavem sette balle i nettveggen, og både Håkon Kjørvik, Brudeseth og Kanishi hadde sjansen etter eit raid som Kjørvik starta. Kanshi skaut seinare stolpe og ut. Eide reduserte til 2-1 på ei corner rett før pause. Ballen gjekk i tverrliggar, returen hamna hos ein Eide-spelar som skåra på andre forsøk. Andre omgang starta med at Olafsen fekk ei heading etter corner redda på strek fr Skare og Brudeseth hadde gode sjansar frå kloss hald. Eide kom sterkare etter pause og det vart tidleg klart at denne kampen på langt nær var over. Oppgjeret eksploderte i løpet av tre minutt midtvegs i andre omgang. Først utlikna Eide til 2-2 på eit frispark som var heada tilbake i feltet, før Varfjell tok leiinga på ny ved Vegar Skare etter eit presist Stavem-innlegg framom mål. Like etter utlikna Eide på straffe etter holding på Søbstad som også sette straffa. Avgjersla kom etter eit frispark seks minutt før slutt, Igjen slått på bakre og denne gongen var det Varfjell-forsvaret som rota ballen inn føre eige mål i staden for å klarere utover, der fekk ein Eide-spelar krangla ballen i mål og det sto plutselig 3-4. Varfjell prøvde på ein sluttspurt, mellom anna ved å sette innpå landslagsspelar David Sissoko, men det vart med ei heading utanfor frå Olafsen etter innlegg frå Sissoko på stillinga 3-3. Dermed var årets bitraste tap eit faktum. Trøsten får vere at laget til tider spelte svært godt, dessverre vart dei hardt straffa på dødball. Alle Eide sine skåringar var dødballmål, og dermed utnytta det som har vore den største svakheite for årets Vestnes Varfjell-lag.

Dette var den andre av fire heimekampar på rad. Etter ferien kjem topplaga AK og KBK 2 på besøk.

Videoar i VarfjellTV | Bildegalleri frå kampen

Kampfakta:

Vestnes Varfjell - Eide og Omegn 3-4 (2-1)

Seriekamp 4. divisjon Nordmøre/Romsdal

Tirsdag 4. juli 2017 kl 19

Vestnes idrettspark - 95 tilskuarar

Mål:

1-0 (19) Elling Olafsen

2-0 (40) Markus Brudeseth

2-1 (45) Blikås

2-2 (75) Blikås

3-2 (76) Vegar Skare

3-3 (77) Stig Roar Søbstad, straffespark

3-4  (84) Samdal

Dommar: Eirik Hyldbakk Furu, Clausenengen

Gult kort: Vegar Skare, to til  Eide

Vestnes Varfjell (4-3-3): Fredrik Bergslid; Håkon Kjørvik, Sivert Nerheim, Liam Connor, Magnus Nerheim  - Karl Arne Stokkeland, Vegar Skare, Markus Brudeseth (David Sissoko 71.) - Amund Stavem, Elling Olafsen, Tommy Kanishi Andreassen

Add a comment
 
Møter Eide tirsdag i siste kamp før ferien
måndag 03. juli 2017 21:43

Siste seriekamp i 4. divisjon  før ferien blir spelt heime i Vestnes idrettspark tirsdag kl 19. Eide er motstandar i ein kamp mellom to lag rundt midten av tabellen. Dette er også første kamp i andre halvdel av sesongen, laga spelte 2-2 i seriepremieren på Eide. Møt opp og støtt laget i jakta på nye poeng. Kiosken er open og vêret skal bli bra! Følg med på http://www.Twitter.com/vestnesvarfjell for oppdateringar.

Add a comment
 
1-1 lenge, men sprekk til slutt
laurdag 01. juli 2017 09:15

Vestnes Va rfjell utlikna til 1-1 før pause og hadde også ein kjempesjanse til å ta leiinga mot topplaget Sunndal. Laget starta også bra i andre omgang. Dessverre heldt ikkje laget heilt inn og på 1-3 fekk Sunndal etter kvart fritt spelerom og gav seg ikkje før det sto 1-6 etter at siste skåring kom tre minutt påovertid. Neste kamp er alt tirsdag, heime mot Eide blir siste sjanse til poeng før ferien.

Sunndal var klart farlegast i starten og skåra på corner via stolpen. Karl Arne Stokkeland stanga inn utlikninga, også det på corner. Så var Elling Olafsen igjennom, men keeper redda.

Sunndal fekk betre uttelling på sjansane i andre omgang og scora mange mål der Varfjell-Forsvaret var utspelt.

100 tilskuarar koste seg i sommarvarmen og alle fekk sjå den gratis då billettørane glimra med sitt fråver.

Laget: Bergslid; Kjørvik (Solevågseide 81.), S Nerheim, Connor, Liabø - Skare, Stokkeland, M Brudseth (Salte 71.) - Stavem (Male 87.), Olafsen, Kanishi (Tangen 84)

Gult kort: Stavem (65), ett til Sunndal (67)

Dommar: Dale, Malmefjorden

Sunndals trenar Ruud Ramsli til Aura Avis etter kampen: - Vi sprang over dem mot slutten, som forventet. Vestnes Varfjell har mange gode spillere, men er for dårlig trent og holder ikke kampen ut.

Add a comment
 
Sterk opphenting, men null poeng
søndag 25. juni 2017 16:19

Vestnes Varfjell tapte 3-4 i laurdagens bortemøte med Surnadal. Heimelaget var i føringa 4-1 ved pause. Tre av måla kom på corner, det gjorde også det eine reduseringsmålet før pause som Karl Arne Stokkeland var sist på. Vestnes Varfjell kom sterkt i andre omgang og reduseringar av Tommy Kanishi på eit flott langskot og ei stupheading av Magnus Nerheim gav ny spenning i kampen. Dessverre hadde ikkje laget krefter til å fullføre snuoperasjonen.

Bilde frå kampen | TK om kampen | Driva om kampen (+)

Vestnes Varfjell fekk ein marerittstart på Syltøran-graset med to baklengs før ti minutt var spelt. Karl Arne Stokkeland krangla inn reduseringa etter ein corner der Markus Brudeseth var nest sist på ballen. På stillinga 2-1 kom Varfjell meir med i kampen, men mot slutten av omgangen glapp det to gongar slik at heimelaget kunne gå til pause med komfortabel 4-1-leiing. Gjestane sleit med å få kontroll på ballen på den sleipe grasmatta, og heimelaget var det førande laget.

Kampbildet snudde etter pause. Stokkeland og Sivert Nerheim bytta plass. Ti minutt var spelt då kaptein Tommy Kanishi Anderassen fekk fulltreff og ballen fauk inn oppe i krysset. Ny spenning i kampen, og meir skulle det bli då ei avslutning inne frå innbyttar Jarle Løvik Salte kom i retur frå keeper. Magnus Nerheim sto umarkert ved bakre stolpe og sette inn 4-3 frå kloss hald. Det skulle borge for ein real sluttspurt frå bortelaget, men dessverre var det ikkje nok krefter att til det. Surnadal kom i staden til nokre sjansar og kontrollerte til slutt i land sigeren.

Heimelaget hadde storskårar Bjørnar Dalsegg Sæter på heimlån i denne kampen. Han kom ikkje nærare enn eit tverrliggarskot. No gjenstår to heimekampar, mot Sunndal fredag og Eide tirsdag før laget tek ferie.

Kampfakta

Surnadal - Vestnes Varfjell 4-3 (4-1)

4. divisjon Nordmøre/Romsdal

Laurdag 25. juni 2017 kl 14.30

Syltøran stadion, 150 tilskuarar

Mål:

1-0 (4) Næss
2-0 (9) Høvik
2-1 (18) Stokkeland
3-1 (39) Kvendset Andersen
4-1 (42) Brøske
4-2 (56)
Kanishi Andreassen
4-3 (75) M Nerheim

Laget: Laget: Bergslid, Kjørvik (Solevågseide 79.), Stokkeland, Connor, Liabø (Eik 85.) - Brudeseth (Løvik Salte 72.), S Nerheim, Skare, M Nerheim, Kanishi - Olafsen

Dommar: Karl Edvard Brendskag, Dahle

Gult kort: Magnus Nerheim (85), eitt til Surnadal

Add a comment
Les meir…
 
Ny heimeseier
fredag 16. juni 2017 20:17

Det vart seier 3-0 heime mot Elnesvågen fredag. Elling Olafsen skåra det einaste målet i ein førsteomgang der vertane opne bra, men der Elnesvågen etter kvart tok litt over. I andre omgang skjerpa heimelaget seg og ny skåring av Olafsen og Svein Erik Lange Male sørga for tre nye poeng.

Varfjell opna best, og Sivert Nerheim hadde ein lobb over alt etter fem minutt. Etter dette fekk gjestane styre mykje, men det var likevel heimelaget som skåra først. Elling Olafsen plasserte ballen forbi keeper etter fint veggspel.  Eit par gode redningar av Bergslid heldt heimelaget i føringa. Markus Brudseth var nærme for Varfjell, men Elnesvågen fekk rensa unna. Elnesvågen hadde også ein ball inne. Der gjekk skotet først via begga stolpar og ut på bana igjen, men assistendommaren meinte at han som sette inn returen hadde dradd fordel av sin offsideposisjon før det første skotet gjekk. Også Varfjell hadde ein ball i mål ved Olafsen der det var vinka først.

Vestnes Varfjell skjerpa seg etter pause samtidig som Elnesvågen vart litt sluttkøyrde etter kvart. Magnus Nerheim var nærme 2-0 då han vart spelt igjennom, men vart hindra av ein god keeper. Så var innbyttar Vegar Skare nærme etter ein corner. Han datt også i feltet like etterpå, men dommar Sorthe ville ikkje dømme straffe. 2-0 kom etter ein dryg halvtime. Olafsen headar inn returen etter at keeper først hadde klarert eit firspark. Ein lur frisparkvariant etterpå lukkast nesten då ballen vart spelt flatt fram til Kanish som skaut rett på keeper. Like etter hadde gjestane ein stor sjanse. Også 3-0 kom på dødball. Eit firspark frå Amund Stavem vart slått inn i feltet der Svein Erik Lange Male hadde tatt turen fram frå midtstopparposisjon og heada ballen over keeper og i mål. Då var det fem minutt att.

Amund Stavem var på hugget i andre omgang og kom på fleire av sine kjente raid, men fekk ikkje korkje mål eller straffe då han var på veg igjennom. Tommy Kanishi var på skothald etter 35 minutt, en avslutninga gjekk utanfor. Rett før slutt hadde Olafsen nesten tråkla seg igjennom til ny skåring, medan Justin Sætre skaut i stolpen frå skrått hald på overtid.

Ingen stor kamp av heimelaget som har ein tendens til å sleppe seg nedpå mot dei antatt svakare laga. Det heldt likevel til tre nye poeng. Seieren var viktig for å unngå å hamne i botnstriden.  Neste kamp er borte mot Surndal før Sunndal kjem på besøk om to to veker.

Laget: Fredrik Bergslid; Håkon Kjørvik (Justin Sætre 61.), Svein Erik Lange Male, Liam Connor - Sivert Nerheim, Karl Arne Stokkeland, Markus Brudeseth (Vegar Skare 66.) - Amund Stavem, Elling Olafsen, Tommy Kanishi Andreassen

45 tilskuarar

Dommar: Terje Sorthe, Hjelset-Kleive

Gult kort: 1 til Elnesvågen

Add a comment
 
Møter Elnesvågen i kveld kl 19
fredag 16. juni 2017 06:42

I kveld er Elnesvågen gjestar i Vestnes idrettspark. Dagens motstandar starta sesongen svakt, men fekk sin første seier etter overbevisande 4-0 borte mot Eidsvåg sist. Dei har også spelt uavgjort heime mot AK, så alt tydar på ein jamn og tett kamp også i kveld. Elnesvågen har også forsterka laget sitt, mellom anna gjorde den gamle storskåraren Brudseth comback sist og Klemetzen er tilbane frå studiar. Tilsvarande kamp i fjor endte med seier til gjestane frå Fræna. Oversikt over tidlegare kampar her. Møt fram og hei heimelaget fram til seier!

Add a comment
 
Sissoko på "skyggelandslaget"
måndag 12. juni 2017 17:27

Vestnes Varfjells gode 14-åring David Sissoko er tilbake frå skade. Landslagsdebuten gjekk i vasken grunna passtrøbbel, men no kan han få nye sjansar for Norge. Sissoko er tatt ut til Statoil talentleir i Porsgrunn 26.-30. juni. Tidlegare har Varfjell hatt Trond Klokset og Elling Olafsen med på tilsvarande samling av dei beste unggutane i landet. Her er det også tatt ut ein landslagstropp og eit "skyggelandslag" der Sissiko er med. Søndag kom han innpå i andre omgang for MFK G16 som slo Rosenborg 3-2 i den nasjonale serien. Vestnesingen kom til ein stor sjanse då han heada over frå god posisjon. Også målvakt Fredrik Bergslid var i MFK-troppen, men fekk ikkje speletid denne gongen.

Add a comment
 
Sjanselause mot topplaget
fredag 09. juni 2017 21:00

Vestnes Varfjell tapte 0-6 borte mot KFK i 4. divisjon fredag. Det var ingen tvil om kva lag som var best, særleg før pause var Vestnes Varfjell på etterskot. Gjestane fekk ha ballen litt meir i andre omgang, og kom nærme ei redusering. I andre enden hindra ein god Fredrik Bergslid fleire baklengs. Angvik skåra tre for KFK.

Ein frekk lobb frå Amund Stavem i kampens første minutt kunne gitt gjestane ein flying start, men så styrte vertane det meste. 1-0 kom etter at Vestnes Varfjell ga frå seg ballen på midtbana. Denne stillinga sto seg lenge, men mot slutten av omgangen putta KFK tre gongar slik at det sto 4-0 ved halv tid. Ei heading over frå Sivert Nerheim var den andre halvsjansen me noterte for Varfjell i første omgang

Varfjell fekk ha ballen meir i andre omgang då KFK skrudde ned tempoet og også brukte heile innbyttarkvoten på 7 etter kvart. Det vart med to nye skåringar, samtidig som Varfjell ikkje makta å redusere. Magnus Nerheim skaut over etter flrearbeid frå Kanishi, Svein Erik Lange Male heada over, og på slutten kom den største sjansen då Karl Arne Stokkeland var nære med ei heading frå kloss hald som vart stoppa av keeper. Stokkeland spelte ein god kamp mot gamle lagkameratar og var sitt las beste saman med målvakt Bergslid. Jarle Løvik Salte var tilbake etter langt skadefravær, Vegar Skare og Markus Brudeseth  var mellom frafalla (begge jobb).

No ventar heimekamp mot Elnesvågen som viste gode takter med 4-0 borte mot Eidsvåg laurdag. KFK om kampen

Laget:

Fredrik Bergslid, Håkon Kjørvik, Kalle Stokkeland,  Svein Male, Justin Sætre - Sivert Nerheim, Yngve Solevågseide  (Kim Rodi Brudeseth 46.) Magnus Nerheim - Amund Stavem (Jarle Løvik Salte 86.) Elling Olafsen, Tommy Kanishi (Knut Stian Eik 78)

Gult kort: Justin Sætre (36)

75 tilskuarar på Kristiansund stadion

Add a comment
 
Vann 3-0 "for halv maskin"
fredag 02. juni 2017 21:26

Vestnes Varfjell slo Frei 3-0 heime i Parken fredag etter skåringar av Markus Brudeseth, Amund Stavem og Elling Olafse (straffe). Sjå måla i VarfjellTV til høgre. Kampen var ikkje direkte velspelt og tempoet dårleg, men det heldt til ein komfortabel seier. Vestnes Varfjell hadde den første sjansen, men eit forsøk på brassespark frå Sivert Nerheim endte over etter ein corner. Amund Stavem hadde eit skot over etter 19 minutt. Frei var frampå to gongar før pause, men begge gongar hindra ei beinparade frå keeper Fredrik Bergslid skåring. 1-0 kom etter halvtimen. Sivert Nerheim sendte ballen fram til Tommy Kanishi Andreassen, keeper redda, men Markus Brudseth var først på returen.

Vestnes Varfjell heldt fram med å ha grei kontroll i andre omgang, men så lenge det sto 1-1 var det litt skummelt dei gongane gjestane kom på kontringar. Spenninga forsvann då Amund Stavem drog seg fri og sette inn 2-0 frå hjørnet av 16-meteren. Same mann skaffa straffespark då han gjekk over halve bana før han vart stoppa. Elling Olafsen sette inn straffen. Ingen stor kamp, men det var nok til å sikre tre viktige poeng. Det er heller ikkje kvar gong at laget heldt "nullen". Det skjedde ein gong i fjor, heime mot Åndalsnes (5-0), også då med unge Bergslid mellom stengene. Neste kamp er borte mot topplaget KFK fredag.

RBnett om kampen her (med fokus på keeper Bergslid) | Videoar i VarfjellTV: Høgdpunkt | Heile kampen

Kampfakta:

Vestnes Varfjell – Frei 3-0 (1-0)

4. divisjon fredag 2. juni 2017 kl 19
Vestnes idrettspark – 75 tilskuarar
Mål:

1-0 Markus Brudeseth (32)
2-0 Amund Stavem (68)
3-0 Elling Olafsen str (72)
Vestnes Varfjell (4-3-3): Fredrik Bergslid; Håkon Kjørvik, Svein Erik Lange Male, Karl Arne Stokkeland - Markus Brudseth (Kim Rodi Brudseth 73.), Vegar Skare, Sivert Nerheim - Amund Stavem (Knut Stian Eik 85.), Elling Olafsen, Tommy Kanishi Andreassen
Gult kort: Varfjell: Amund Stavem (41). Frei: Roar Henden (90). Dommer: Ole Petter Lysgård, Kristiansen, Eide.

Add a comment
 
Storseier til G16
måndag 22. mai 2017 21:07

Vestnes Varfjell G16 vann 5-0 heime mot Elnesvågen i 1. divisjon måndag kveld. Mål ved Daniel Gravdehaug 2, Christer Enger, Martin Hofstad og eitt sjølvmål. Laget er dermed oppe på 12 poeng og har heng på tetlaga.

Add a comment
 
Tine fotballskole
måndag 22. mai 2017 13:37

Vestnes Varfjell inviterer alle jenter og gutter i alderen 7 – 13 år (1. -7. klasse) til årets TINE fotballskole i Vestnes idrettspark.

Fotballskolen gjennomføres i perioden mandag 3. juli – onsdag 5. juli 2017.


Påmelding fram til 15 juni på denne linken:
https://goo.gl/forms/fZ1cYbZaOnSoJYeh2

Trening hver dag fra kl 1000 – 1400
· Instruktører til stede fra 0930-1430
· Frukt/drikke hver dag
· Treningsopplegg tilpasset aldersklasser
· Instruktører er a-spillere
· Onsdag er kampdag/turneringsdag.
· Åpen kiosk alle dagene

Pris:
· Ett barn: Kr 700,-
· Søskenpris: Kr 650.- (for nr 2, 3 osv)

Utstyr:
Hver enkelt deltaker får TINE diplom og TINE utstyrspakke 

Har du spørsmål, kontakt Alexander Connor på mobilnr 992 66 630 eller mail: Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

Add a comment
 
Endeleg borteseier mot Træff 2
søndag 21. mai 2017 14:02

Etter mange forsøk vart det seier borte mot Træff 2 for Vestnes Varfjell som vann 3-2 på Reknesbanen søndag. Sist laget tok poeng mot Træff 2 borte var i 2006 (sjå oversikt over tidlegare kampa her). Markus Brudeseth, Sivert Nerheim og Tommy Kanishi Andreassen skåra måla i ein kamp der laga veskla på å ha initiativet.

Vestnes Varfjell starta kampen best i regnveret på Reknesbanen og kom til gode skotforsøk ved Amund Stavem og Tommy Kanishi Andreassen. I andre enden måtte Varfjell-forsvaret reddet to gongar på streken i ein Træff-offensiv. Halvvegs i omgangen vart Markus Brudseth spelt igjennom i bakrommet, men keeper redda skotet. Så endte ein Elling Olfsen/Tommy Kanishi-kombinasjon med lobb over. Like etter var rollene snudd om, men skotet frå kloss hald gjekk utanfor. Træff, som kom sterkt utover i omgangen, hadde eit skot som skrudde i stolpen før laget kontra inn 1-0 like før pause. Skotet sneik seg forbi Varfjells unge målvakt Fredrik Bergslid, som elles sto trygt og godt. Magnus Nerheim kom nærast utlkning i første omgang, med ein susar i tverrliggaren.

1-1 sto det likevel rett etter pause. Varfjell braut etter ein Træff-corner. Karl Arne Stokkeland sendte i veg Markus Brudseth som frå spiss vinkel sette ballen vakkert i nettaket. Nokre minutt etter var bortelaget i leiinga. Træff-målvakta mista ballen og etter litt rot framom målet, fekk til slutt Sivert Nerheim pirka ballen over streken.

Træff 2 utlikna etter ein time, då Varfjell-forsvaret var for seine opp i presset på ballførar og ballen gjekk i boge via eit Varfjell-bein over keeper og i mål. Kampen sto no og vippa litt, men Varfjell var hakket farlegare når laget kom i angrep. 3-2 kom etter 67 minutt og var ein tru kopi av 1-1. Denne gongen var det Brudeseth som spelte fram Tommy Kanishi Andreassen. Kapteinen gjorde ingen feil og sette ballen kontant i nettaket frå skrått hald. Brudseth hadde sjølv ein sjanse til å auke, men skotet gjekk utanfor. Varfjell kontrollerte inn resten av kampen og tok med seg tre nye poeng over fjorden.

Neste kamp er heime mot Frei fredag 2. juni (spelefri til helga).

Laget: Fredrik Bergslid: Håkon Kjørvik, Svein Erik Lange Male, Karl Arne Stokkeland - Sivert Nerheim, Vegar Skare (Yngve Solevågseide 63.), Markus Brudseth (Kim Rodi Brudeseth 85.) - Amund Stavem, Elling Olafsen, Tommy Kanishi Andreassen

Dommar: Terje Sorthe, Hjelset-Kleive. Gult kort Larhammer, Træff 2 (50)

Reknesbanen: 35 tilskuarar (10 Vestnes)

Add a comment
 
Tapte lokaloppgjeret
tysdag 16. mai 2017 21:05

Tomrefjord kunne juble til slutt etter eit jamnt og tett lokalderby 16. mai. Heimelaget opna best og tok ei tidleg leiing. Eit utspark vart frå Varfjell-målvakta vart head tilbake av ein Tomrefjord-spelar. Ballen gjekk over og mellom to Varfjell-backar. Ken Robin Hildre tok seg av nedfallsfrukta, runda ein etrusande keeper og sette balle i mål frå skrått hald. Elling Olafsen utlikna like før pause. Eit langt framspel frå Karl Arne Stokkeland vart heada ned av Tommy Kanishi og Olafsen kunne enkelt sette ballen i ml. Vestnes Varfjell greidde å tilrive seg eit lite overtak utover i andre omgang, men greidde ikkje å omsette det i skåring. Tomrefjord låg lavt og satsa på kontringar. Det lukkast. 2-1 kom på eit langskot kvarteret før slutt. Det var to innbyttarar som sto for regien. Taklo la tilbake til Solbakken som fekk draumatreff på heil volley og ballen fauk inn ute ved stolpen.  3-1 etter kommunikasjonssvikt og ein regelrett bom av keeper. Djupvik snappa ballen og sette den i ope mål. Rundt 150 tilskuarar såg kampen i lett regnver. Vestnes Varfjell sleit med å få igang spelet sitt mot divisjonens gjerrigaste forsvar. Likevel hadde laget fleire gode sjansar både før og etter at heimelaget skåra i andre omgang: Amund Stavem skaut over på eit frispark frå god posisjon, Tommy Kanishi Andreassen hadde eit godt skot som keeper fekk slått til corner. På corneren vart eit frekt hælspark frå Karl Arne Stokkeland nesten farleg, men Tomrefjord fekk rydda unna. Mot slutten hadde Elling Olafsen eit skot like utanfor. Neste kamp er borte mot Træff 2 søndag. VarfjellTV: Sjå heile kampen her

Kampfakta
Tomrefjord - Vestnes Varfjell 3-1 (1-1)
4. divisjon Nordmøre/Romsdal
Tomrefjord stadion, ca 150 tilskuarar
Tirsdag 16. mai 2017 kl 19
Mål:
1-0 (13) Ken Robin Hildre
1-1 (41) Elling Olafsen
2-1 (75) Aleksander Solbakken
3-1 (79) Simen Djupvik
Dommar: Kristoffer Lie Førde, Rival
Gult kort: Markus Brudseth (36) og Svein Erik Lange Male (77), Vestnes Varfjell; Daniel Holm Sundet (84) og Thomas André Brastad (90), Tomrefjord
Vestnes Varfjell: Adrian Gabrielsen; Adrian Liabø (Svein Erik Lange Male 46.), Karl Arne Stokkeland, Sivert Nerheim, Justin Sætre - Magnus Nerheim, Vegar Skare, Markus Brudseth (Ørjan Tangen 81.) - Amund Stavem (Knut Stian Eik 89.), Elling Olafsen, Tommy Kanishi Andreassen

 

Add a comment
 
« StartFørre12345678910NesteSiste »

Side 1 av 241

Generalsponsor

3_sbm_logo.jpg

Våre sponsorar

Nyeste kommentarer